హైదరాబాద్‌: కాంగ్రెస్‌ అగ్రనేత ప్రియాంక గాంధీ శుక్రవారం, శనివారం తెలంగాణలో ఎన్నికల ప్రచారంలో పాల్గొంటారని పీసీసీ వర్గాలు తెలిపాయి. శుక్రవారం మధ్యాహ్నం 12 గంటలకు పాలకుర్తిలో, 1.30గంటలకు హుస్నాబాద్‌, సాయంత్రం 3గంటలకు కొత్తగూడెం ప్రచార సభలో ప్రియాంక పాల్గొంటారు. కొత్తగూడెంలో సీపీఐ అభ్యర్థి కూనంనేని సాంబశివరావుకు మద్దతుగా ఆమె ప్రచారం నిర్వహిస్తారు. 24వ తేదీ రాత్రి ఖమ్మంలోనే బస చేస్తారు. 25న ఉదయం 11 గంటలకు పాలేరు, 1.30 గంటలకు సత్తుపల్లి, 2.40 గంటలకు మధిర ప్రచార సభల్లో ప్రియాంక పాల్గొంటారు. అనంతరం విజయవాడ చేరుకుని గన్నవరం ఎయిర్‌పోర్టు నుంచి దిల్లీకి వెళ్తారు.