దిల్లీ: తెలంగాణ సీఎం ఎవరు? మంత్రివర్గ కూర్పు ఎలా ఉంటుంది? అనే దానిపై ఉత్కంఠకు ఈరోజు తెరపడే అవకాశం ఉంది. పార్లమెంట్‌లోని ఏఐసీసీ అధ్యక్షుడు మల్లికార్జున ఖర్గే(Mallikarjun khargae) ఛాంబర్‌లో ఇండియా కూటమి సమావేశం జరుగుతోంది. ఈ నేపథ్యంలో ఖర్గే సమావేశానికి వెళ్లే ముందు మీడియాతో మాట్లాడారు. తెలంగాణ ముఖ్యమంత్రి ఎవరనేది ఇవాళ నిర్ణయిస్తామని క్లారిటీ ఇచ్చారు.

Congress: కొత్త మంత్రులెవరు? కూర్పుపై ఆసక్తి

సోమవారం రాత్రే దిల్లీ చేరుకున్న డీకే శివకుమార్‌, మాణిక్‌రావు ఠాక్రే.. మంగళవారం మధ్యాహ్నం ఒంటిగంటకు ఖర్గేతో భేటీ అవుతారు. ఇప్పటికే తెలంగాణ పరిణామాలపై ఖర్గే సహా కాంగ్రెస్‌ అగ్రనేతలకు డీకే శివకుమార్‌ సమాచారం ఇచ్చారు. మరోవైపు కాంగ్రెస్‌ సీనియర్‌ నేతలు మల్లు భట్టి విక్రమార్క, ఉత్తమ్‌కుమార్‌రెడ్డి కూడా దిల్లీకి బయల్దేరివెళ్లారు. వారిద్దరు కూడా ఖర్గేతో సమావేశం కానున్నారు.