kothapalli geetha: తెలంగాణ హైకోర్టులో మాజీ ఎంపీ కొత్తపల్లి గీతకు ఊరట

హైదరాబాద్‌: అరకు మాజీ ఎంపీ కొత్తపల్లి గీతకు తెలంగాణ హైకోర్టులో ఊరట లభించింది. సీబీఐ కోర్టు ఆమెకు విధించిన ఐదేళ్లు శిక్షపై న్యాయస్థానం సోమవారం స్టే ఇచ్చింది. ఓ బ్యాంకును మోసం చేసిన కేసులో సెప్టెంబర్‌ 13, 2022న మాజీ ఎంపీకి సీబీఐ కోర్టు శిక్ష ఖరారు చేసింది. దీన్ని సవాలు చేస్తూ ఆమె హైకోర్టును ఆశ్రయించారు. వచ్చే లోక్‌సభ ఎన్నికల్లో కొత్తపల్లి గీత పోటీ చేయనున్నారని ఆమె తరఫు న్యాయవాది కోర్టుకు తెలిపారు. సీబీఐ కోర్టు తీర్పు వల్ల పోటీకి అనర్హులయ్యే అవకాశం ఉందని వాదించారు. విచారణ అనంతరం ధర్మాసనం స్టే విధించి.. లోక్‌సభ ఎన్నికల్లో పోటీ చేసేందుకు వీలు కల్పించింది.