Chandra grahan 2022: చంద్రగ్రహణం తర్వాత నుంచీ.. రోజూ రాత్రి ఆ ఇంట్లో మంటలు!

ఉత్తరాఖండ్‌లో అంతుచిక్కని మిస్టరీ నెలకొంది. నైనీతాల్‌ జిల్లా హల్ద్వానీలోని ఓ ఇంట్లో 8 రోజుల నుంచి రాత్రి పూట మంటలు అంటుకుంటున్నాయి. ఇలా ఎందుకు జరుగుతోందో తెలియక కుటుంబ సభ్యులు భయంతో నిద్ర లేకుండా గడుపుతున్నారు. నవంబరు 8న చంద్రగ్రహణం, భూకంపం సంభవించిన తర్వాత నుంచి ఇలా అవుతోందని వారు తెలిపారు. విద్యుత్‌ శాఖకు ఫోన్‌ చేసి ఇంటి కరెంట్‌ కనెక్షన్‌ను తప్పించినట్లు తెలిపారు.

ఆ తర్వాత కూడా ఎలక్ట్రిక్‌ బోర్డులు, వైర్లు కాలిపోతున్నాయని చెప్పారు. ఇలా 8 రోజుల్లో 20 సార్లు ఇంట్లో మంటలు వచ్చాయని, పరుపులు, అల్మారాలో ఉంచిన దుస్తులు కూడా కాలిపోయాయని చెప్పారు. విద్యుత్‌ కనెక్షన్‌ లేకున్నా కూలర్‌లో షార్ట్‌ సర్క్యూట్‌ అయ్యి మంటలు వస్తున్నాయని తెలిపారు. విద్యుత్‌ శాఖ సాయంతో ఇంట్లో ఎర్తింగ్‌ ఏర్పాటు చేసినా కూడా మంటలు రావడం మాత్రం ఆగిపోలేదని వెల్లడించారు.