Mohan Juneja: ‘కేజీయఫ్‌’ నటుడు కన్నుమూత

ఇంటర్నెట్‌డెస్క్‌: కన్నడ నటుడు మోహన్‌ జునేజా(54) కన్నుమూశారు. హాస్యనటుడిగా కన్నడ చిత్ర పరిశ్రమకు సుపరిచితుడైన ఆయన ‘కేజీయఫ్‌’ చిత్రాలతో గుర్తింపు తెచ్చుకున్నారు. కనిపించేది కొద్దిసేపే అయినా, హీరో పాత్రను ఎలివేట్‌ చేసే సన్నివేశాల్లో తళుక్కున మెరిశారు. గత కొంతకాలంగా తీవ్ర అస్వస్థతతో బాధపడుతున్నారు. చికిత్స పొందుతూ శనివారం తుది శ్వాసం విడిచినట్లు ఆయన సన్నిహితులు తెలిపారు. కన్నడలో శంకర్‌నాగ్‌ ‘వాల్‌ పోస్టర్‌’ చిత్రంతో వెండితెరకు పరిచయమైన మోహన్‌ 100కు పైగా చిత్రాల్లో నటించారు. మోహన్‌ మృతి పట్ల హోంబాలే ఫిల్మ్‌ విచారం వ్యక్తం చేసింది. ఆయన ఆత్మకు శాంతి కలగాలని ప్రార్థించింది.