Poonam Pandey: నటి, మోడల్‌ పూనమ్‌ పాండే మృతి

ఇంటర్నెట్ డెస్క్‌: బాలీవుడ్‌ నటి, మోడల్ పూనమ్‌ పాండే (32) (Poonam Pandey) మృతి చెందారు. గత కొంతకాలంగా సర్వైకల్‌ క్యాన్సర్‌తో పోరాడుతున్న ఆమె.. శుక్రవారం తెల్లవారుజామున ప్రాణాలు కోల్పోయినట్లు నటి మేనేజర్‌ మీడియాకు వెల్లడించారు. పూనమ్‌ మరణం గురించి శుక్రవారం ఉదయం ఆమె ఇన్‌స్టా ఖాతాలో వ్యక్తిగత సిబ్బంది పోస్ట్‌ చేయడంతో ఈ వార్త ఇండస్ట్రీని షాక్‌కు గురి చేసింది.

మోడల్‌గా కెరీర్‌ ఆరంభించిన పూనమ్‌ 2013లో ‘నషా’తో బాలీవుడ్‌లో తెరంగ్రేటం చేశారు. పలు హిందీ సినిమాల్లో నటించిన ఆమె.. ప్రముఖ నటి కంగనా రనౌత్‌ హోస్ట్‌గా వ్యవహరించిన లాకప్‌ తొలి సీజన్‌లో పాల్గొన్నారు.

2011 వన్డే ప్రపంచకప్‌ టోర్నీ సందర్భంగా చేసిన ఓ ప్రకటనతో పూనమ్‌ చాలా పాపులర్‌ అయ్యారు. ఆమె వైవాహిక జీవితం కూడా వివాదాస్పదమైంది. భర్త తనను శారీరకంగా చిత్రహింసలకు గురిచేస్తున్నాడంటూ అప్పట్లో పోలీసులను ఆశ్రయించారు. ఆ తర్వాత వీరిద్దరూ విడాకులు తీసుకున్నారు.