Saindhav: నా బుజ్జికొండవే..!

వెంకటేశ్‌ నటించిన 75వ చిత్రం ‘సైంధవ్‌’. శైలేశ్‌ కొలను తెరకెక్కించిన ఈ పాన్‌ ఇండియా సినిమాని వెంకట్‌ బోయనపల్లి నిర్మించారు. శ్రద్ధా శ్రీనాథ్‌ కథానాయిక. రుహాని శర్మ, ఆండ్రియా, బేబీ సారా, నవాజుద్దీన్‌ సిద్ధిఖీ తదితరులు కీలక పాత్రలు పోషించారు. ఈ సినిమా జనవరి 13న ప్రేక్షకుల ముందుకు రానుంది. ఈ నేపథ్యంలోనే శుక్రవారం ఈ చిత్రం నుంచి ‘‘బుజ్జికొండవే.. నా బుజ్జికొండవే’’ అనే గీతాన్ని విడుదల చేశారు. అనారోగ్యంతో బాధపడుతున్న తన కూతుర్ని తలచుకుంటూ తండ్రిగా వెంకటేశ్‌ పడే ఆవేదనని ఈ పాటలో భావోద్వేగభరితంగా చూపించారు. ఈ గీతానికి సంతోష్‌ నారాయణన్‌ స్వరాలు సమకూర్చగా.. రామజోగయ్య శాస్త్రి సాహిత్యమందించారు. ఎస్పీ చరణ్‌ ఆలపించారు. ఈ పాటను బట్టి సినిమా ప్రధానంగా తండ్రీకూతుళ్ల అనుబంధం నేపథ్యంలో సాగనున్నట్లు అర్థమవుతోంది. ఈ చిత్రానికి కూర్పు: గ్యారీ బిహెచ్‌, ఛాయాగ్రహణం: యస్‌.మణికందన్‌.