భాజపాకు రావుల శ్రీధర్‌రెడ్డి రాజీనామా

హైదరాబాద్‌: తెలంగాణ భాజపా అధికార ప్రతినిధి, ముఖ్యనేత రావుల శ్రీధర్‌రెడ్డి ఆ పార్టీకి రాజీనామా చేశారు. ఈ మేరకు సోమాజీగూడ ప్రెస్‌క్లబ్‌లో ఏర్పాటు చేసిన మీడియా సమావేశంలో ఆయన ప్రకటించారు. తనతోపాటు జూబ్లీహిల్స్‌ నియోజకవర్గంలో వివిధ డివిజన్ల నేతలు, కార్యకర్తలు తెరాసలో చేరనున్నట్లు వెల్లడించారు. భాజపా నేతృత్వంలోని కేంద్ర ప్రభుత్వం పూర్తి అబద్ధాలతో ప్రజలను మభ్యపెడుతోందని.. ఆ పార్టీతో తెలంగాణకు న్యాయం జరగదని చెప్పారు. సీఎం కేసీఆర్‌ నాయకత్వంలో తెరాంగాణ పురోగమిస్తోందన్నారు. మంత్రి కేటీఆర్‌ ఆధ్వర్యంలో రాష్ట్రంలో ఐటీ, పారిశ్రామిక రంగం అభివృద్ధి చెందుతోందని శ్రీధర్‌రెడ్డి చెప్పారు. శాసనసభ ఎన్నికల్లో జూబ్లీహిల్స్‌ నియోజకవర్గం నుంచి ఓటమి పాలైనా గత పదేళ్లుగా ప్రజల్లోనే ఉన్నానని ఆయన వివరించారు.