Kishan Reddy: కాంగ్రెస్‌ మరోసారి నిజ స్వరూపం బయటపెట్టింది: కిషన్‌ రెడ్డి

హైదరాబాద్‌: ప్రజలను మభ్య పెట్టడంలో ఘన చరిత్ర కలిగిన కాంగ్రెస్‌ పార్టీ మరోసారి తెలంగాణ యువతను మోసం చేసిందని కేంద్ర మంత్రి, భాజపా రాష్ట్ర అధ్యక్షుడు కిషన్‌ రెడ్డి (Kishan Reddy) విమర్శించారు. ‘‘నిరుద్యోగ యువత కోసం ఫిబ్రవరి 1న గ్రూప్‌ 1 నోటిఫికేషన్‌ ఇస్తామని ఎన్నికల వాగ్దానంలో కాంగ్రెస్‌ పేర్కొంది. ఇప్పుడు ఆ సమయం దాటిపోయింది’’ అని చెప్పారు. ఈ మేరకు ఆయన ప్రకటన విడుదల చేశారు. 

‘‘నిన్ననే ఒకటో తేదీ.. ఇది ఫిబ్రవరి నెలే. ఇంతవరకూ గ్రూప్‌ 1 నోటిఫికేషన్‌ రాలేదు. నమ్మి ఓటేసిన యువతను కాంగ్రెస్‌ ప్రభుత్వం మోసం చేసింది. ఇదే తరహాలో ఇతర వాగ్దానాలనూ వ్యూహాత్మకంగా దాటవేసే ప్రయత్నం జరుగుతోంది’’ అని ఆరోపించారు.