ఇదిగో వామిక

కేప్‌టౌన్‌: కూతురు పుట్టి ఏడాది దాటినా  ఇప్పటిదాకా తన ఫొటోలు, వీడియోలేవీ సామాజిక మాధ్యమాల్లో పంచుకోలేదు కోహ్లి, అనుష్క దంపతులు. ఈ విషయంలో ఉద్దేశపూర్వకంగానే నియంత్రించుకున్నట్లు వాళ్లిద్దరూ చెప్పిన సంగతి తెలిసిందే. అయితే ఆదివారం దక్షిణాఫ్రికాతో భారత్‌ చివరి వన్డే సందర్భంగా కోహ్లి కూతురు వామిక వీడియో కెమెరాల కంట పడింది. కోహ్లి అర్ధశతకం సాధించినపుడు వామికకు అతణ్ని చూపిస్తూ తల్లి అనుష్క చప్పట్లు కొట్టడం వీడియోలో కనిపించింది.

వివాదంలో విరాట్‌: కోహ్లి అనుకోని వివాదంలో చిక్కుకున్నాడు. దక్షిణాఫ్రికాతో చివరి వన్డేకు ముందు జాతీయ గీతాలాపన సమయంలో అతను చూయింగ్‌ గమ్‌ నమలడంపై అభ్యంతరాలు వ్యక్తమయ్యాయి. సంబంధిత వీడియో సామాజిక మాధ్యమాల్లో చక్కర్లు కొడుతోంది.