బీసీసీఐ గిన్నిస్‌ రికార్డు

దిల్లీ: బీసీసీఐ మరో ఘనతను ఖాతాలో వేసుకుంది. ఓ టీ20 మ్యాచ్‌కు అత్యధిక సంఖ్యలో ప్రేక్షకులు హాజరైన విషయంలో ప్రపంచ రికార్డు నమోదు చేసింది. ఈ ఏడాది మే 29న ప్రపంచంలోనే పెద్దదైన నరేంద్ర మోదీ స్టేడియంలో జరిగిన ఐపీఎల్‌ ఫైనల్‌ను 1,01,566 మంది ప్రత్యక్షంగా వీక్షించారు. ఈ సంఖ్య ఇప్పుడు గిన్నిస్‌ పుస్తకాల్లోకి ఎక్కింది. ఈ విషయాన్ని ప్రకటిస్తూ.. గిన్నిస్‌ ప్రపంచ రికార్డును కార్యదర్శి జై షా స్వీకరిస్తున్న ఫొటోను బీసీసీఐ ఆదివారం ట్వీట్‌ చేసింది. ఆ ఫైనల్లో రాజస్థాన్‌ రాయల్స్‌పై గుజరాత్‌ టైటాన్స్‌ గెలిచిన సంగతి తెలిసిందే.