Shami: మంచి మనసు చాటుకున్న షమీ.. రోడ్డు ప్రమాదానికి గురైన వ్యక్తిని కాపాడి..
టీమ్ఇండియా సీనియర్ ఆటగాడు షమీ (Shami) చేసిన ఓ పని నెట్టింట అభినందనలు కురిపిస్తోంది. ప్రమాదం బారిన పడిన ఓ వ్యక్తిని అతడు కాపాడాడు.
ఇంటర్నెట్ డెస్క్: ఇటీవల ముగిసిన వన్డే ప్రపంచకప్లో అద్భుత ప్రదర్శనతో ఆకట్టుకున్న టీమ్ఇండియా స్టార్ పేసర్ షమీ.. మంచి మనసు చాటుకున్నాడు. రోడ్డు ప్రమాదానికి గురైన ఓ వ్యక్తిని కాపాడాడు. ఆ ఘటనకు సంబంధించిన వివరాలను సోషల్ మీడియాలో షేర్ చేశాడు. శనివారం రాత్రి నైనిటాల్ రోడ్డు మార్గంలో ఓ కారు అదుపు తప్పి పక్కనే ఉన్న పొదల్లోకి దూసుకుపోయింది. ఆ వెనుకే కారులో వస్తున్న షమీతోపాటు వాహనదారులు వెంటనే స్పందించి బాధితుడిని రక్షించి ఆసుపత్రికి తరలించారు. కారు ప్రమాదానికి సంబంధించిన వీడియోను ఇన్స్టాగ్రామ్లో షమీ పోస్టు చేశాడు.
‘‘అతడు అదృష్టవంతుడు. దేవుడు అతడికి మళ్లీ జీవితం ఇచ్చాడు. నైనిటాల్లో అతడి కారు ఘాట్ రోడ్ నుంచి పక్కకు దూసుకుపోయింది. నా కారుకు కాస్త ముందుగానే ఈ సంఘటన చోటు చేసుకుంది. వెంటనే అక్కడున్న వారితో కలిసి సురక్షితంగా అతడిని బయటకు తీసుకొచ్చాం. అతడి పరిస్థితి బాగానే ఉంది’’ అని షమీ ఆ వీడియోకు క్యాప్షన్ ఇచ్చాడు.
ట్రావెలింగ్ చేయడం నాకిష్టం: షమీ
ఇటీవల ఓ ఇంటర్వ్యూలో షమీ మాట్లాడుతూ తనకు ట్రావెలింగ్ చేయడం చాలా ఇష్టమని చెప్పాడు. ‘‘ప్రయాణించడం ఇష్టపడతా. అలాగే ఫిషింగ్ చేయడం నచ్చుతుంది. దూరప్రాంతాలకు డ్రైవింగ్ కూడా ఇష్టమే. కార్లు, బైకులు నడపుతా. కానీ, భారత్ తరఫున ఆడే సమయంలో బైక్ రైడింగ్ను ఆపేశా. అలాంటి సమయంలో గాయపడితే? చాలా ఇబ్బంది ఎదురవుతుంది. హైవేలపైనా, గ్రామాల్లోనూ బైకులపై విపరీతంగా తిరిగేవాడిని. బైకులు, కార్లే కాకుండా ట్రాక్టర్, బస్, ట్రక్కులను కూడా నడిపేవాడిని. నా స్నేహితుడికి ట్రక్ ఉండేది. చిన్న వయసులోనే దానిని ఓ మైదానంలో నడిపేవాళ్లం. ఒకసారి మా ట్రాక్టర్తో చెరువులోకి దూసుకెళ్లా. అప్పుడు మా నాన్న చీవాట్లు పెట్టేశారు’’ అని షమీ గుర్తు చేసుకున్నాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెన్నైకి పంజాబ్ పంచ్
పంజాబ్ కింగ్స్ అదుర్స్. వరుసగా నాలుగు ఓటముల అనంతరం కళ్లు చెదిరే బ్యాటింగ్తో గత మ్యాచ్లో కోల్కతాపై సంచలన విజయం సాధించిన ఆ జట్టు.. మరోసారి మెరిసింది. ఆల్రౌండ్ ఆధిపత్యంతో చెన్నై సూపర్కింగ్స్కు షాకిచ్చింది. -
రస్మలై, బిర్యానీ మానేసి.. 16కిలోలు తగ్గి..
రిషబ్ పంత్.. పునరాగమన హీరో. ఘోర ప్రమాదంలో తీవ్రంగా గాయపడి ఇక మామూలుగా నడవడమే కష్టమనుకున్న దశ నుంచి, కెరీరే లేదనుకున్న స్థితి నుంచి కోలుకుని.. తిరిగి భారత జట్టులో చోటు సంపాదించడం ఎంతో స్ఫూర్తిదాయకం. -
రాజస్థాన్ను అడ్డుకునేనా?
వరుసగా నాలుగు విజయాలు.. రికార్డు స్కోర్లతో ఐపీఎల్లో జోష్ తీసుకొచ్చిన సన్రైజర్స్ హైదరాబాద్ ఒక్కసారిగా ఢీలాపడింది. వరుసగా రెండు పరాజయాలతో ప్రత్యర్థి జట్లకు కనీస పోటీ ఇవ్వలేని పరిస్థితికి చేరుకుంది. -
రింకు నిరాశ
మంచి ఫినిషర్గా పేరు తెచ్చుకున్న రింకు సింగ్ను టీ20 ప్రపంచకప్కు ఎంపిక చేయకపోవడం అభిమానులు, క్రికెట్ నిపుణులను షాక్కు గురి చేసింది. -
పోరాడి ఓడిన భారత్
థామస్ కప్ బ్యాడ్మింటన్ టోర్నీ చివరి లీగ్ పోరులో భారత జట్టుకు చుక్కెదురైంది. ఇప్పటికే క్వార్టర్ఫైనల్లో అడుగుపెట్టిన భారత్.. గ్రూపు-సి ఆఖరి పోరులో 1-4తో ఇండోనేసియా చేతిలో ఓడింది. -
న్యూయార్క్కు పిచ్ల తరలింపు
టీ20 ప్రపంచకప్ ఆతిథ్యం కోసం అమెరికా ముస్తాబవుతోంది. న్యూయార్క్లో జరిగే మ్యాచ్ల కోసం డ్రాప్ ఇన్ పిచ్లను సిద్ధం చేస్తున్నారు. -
ఆసీస్ జట్టులో స్మిత్కు దక్కని చోటు
టీ20 ప్రపంచకప్లో పోటీపడే ఆస్ట్రేలియా జట్టును బుధవారం ప్రకటించారు. మిచెల్ మార్ష్ నేతృత్వంలోని 15 మంది సభ్యుల జట్టులో వెటరన్ బ్యాటర్ స్టీవ్ స్మిత్కు స్థానం దక్కలేదు. -
భారత జట్టుకు పారిస్ బెర్తే లక్ష్యం
పారిస్ ఒలింపిక్స్లో భారత రికర్వ్ జట్టు అర్హత సాధించాలని లక్ష్యంగా పెట్టుకున్నట్లు భారత ఆర్చర్ బొమ్మదేవర ధీరజ్ అన్నాడు. వ్యక్తిగత విభాగంలో ధీరజ్ ఒక్కడికే పారిస్ బెర్తు దక్కింది. -
మిగతా ఐపీఎల్కు మయాంక్ అనుమానం
ప్లేఆఫ్స్ గడువు సమీపిస్తున్న సమయంలో లఖ్నవూ సూపర్ జెయింట్స్కు పెద్ద ఎదురుదెబ్బ. యువ పేస్ సంచలనం మయాంక్ యాదవ్ మిగతా ఐపీఎల్కు అందుబాటులో ఉండటం అనుమానంగా కనిపిస్తోంది.