CWG 2022: కామన్వెల్త్‌ క్రీడల్లో భారత్‌కు రజతం తెచ్చిన అన్షుమాలిక్

(Photo: Anshu Malik Twitter)

బర్మింగ్‌హామ్‌: భారత రెజ్లర్‌ అన్షుమాలిక్‌ మహిళ 57 కేజీల ఫ్రీ స్టైల్ విభాగంలో రజతం కైవసం చేసుకుంది. తుదిపోరులో నైజీరియా రెజ్లర్‌ ఒడునాయో ఫొలాసాడే అడికురో చేతిలో 4-6 తేడాతో ఓటమిపాలైంది. దీంతో కామన్వెల్త్‌ క్రీడల్లో ఆమె తొలి పతకంగా రజతాన్ని సొంతం చేసుకుంది. శుక్రవారం వరుస బౌట్లలో చెలరేగి ఫైనల్‌కు చేరిన అన్షు కీలక పోరులో తడబడింది. అయితే తన పోరాటంతో అన్షు రెజ్లింగ్‌ అభిమానుల మనసులు గెలిచింది.