T20 World Cup: ఐనాక్స్‌ మల్టీప్లెక్స్‌ల్లో టీ-20 ప్రపంచకప్‌ మ్యాచ్‌లు - T20 World Cup matches at Inox multiplexes
close

Updated : 15/10/2021 07:06 IST
Facebook Share Twitter Share WhatsApp Share Telegram Share Link Share

T20 World Cup: ఐనాక్స్‌ మల్టీప్లెక్స్‌ల్లో టీ-20 ప్రపంచకప్‌ మ్యాచ్‌లు

టికెట్టు ధర రూ.200- 500

దిల్లీ: ఐసీసీ పురుషుల టీ20 క్రికెట్‌ ప్రపంచ కప్‌లో భారత్‌ ఆడే మ్యాచ్‌ల ప్రత్యక్ష ప్రసారాన్ని తమ థియేటర్లలో ప్రదర్శిస్తామని మల్టీప్లెక్స్‌ల నిర్వహణ సంస్థ ఐనాక్స్‌ లీజర్‌ తెలిపింది. టీ20 ప్రపంచకప్‌ పోటీలను యూఏఈ, ఒమన్‌లలో నిర్వహించనున్నారు. మ్యాచ్‌లు ఈనెల 17న ప్రారంభమవుతాయి,  నవంబరు 14న ఫైనల్‌ మ్యాచ్‌ జరగనుంది. అన్ని ప్రధాన నగరాల్లోని తమ మల్టీప్లెక్స్‌ల్లో లీగ్‌ దశ నుంచే భారత మ్యాచ్‌లను ప్రదర్శిస్తామని ఐనాక్స్‌ తెలిపింది. పెద్ద తెరలపై ప్రత్యక్ష ప్రసారం ద్వారా, క్రికెట్‌ మైదానంలోనే మ్యాచ్‌ను వీక్షిస్తున్న అనుభూతిని ప్రేక్షకులకు కలగజేయాలన్నదే దీని వెనక ఉద్దేశమని కంపెనీ పేర్కొంది. మ్యాచ్‌లను వీక్షిస్తూ ఆహార పదార్థాల కోసమూ క్రికెట్‌ అభిమానులు ఆర్డరు ఇస్తారు కనుక.. అది కూడా వ్యాపారపరంగా సంస్థకు ప్రయోజనమే. క్రికెట్‌ మ్యాచ్‌ల వీక్షణకు టికెట్టు ధర నగరాన్ని బట్టి రూ.200 నుంచి రూ.500 వరకు ఉంటుందని తెలిపింది. ఐనాక్స్‌కు 70 నగరాల్లో 56 మల్టీప్లెక్స్‌లు, 658 తెరలు ఉన్నాయి.


Advertisement

మరిన్ని

మీ ప్రశ్న

సిరి జవాబులు

మరిన్ని
తాజా వార్తలు
మరిన్ని