manchu vishnu: ‘మా’ బైలాస్‌ మారుస్తాం - manchu vishnu about maa
close
Updated : 19/10/2021 12:49 IST
Facebook Share Twitter Share WhatsApp Share Telegram Share Link Share

manchu vishnu: ‘మా’ బైలాస్‌ మారుస్తాం

‘మా’ ఎన్నికల్లో ప్రజాస్వామ్యబద్ధంగా గెలిచాం. సభ్యులు అందరికీ జవాబుదారీగా పనిచేస్తామని ‘మా’ అధ్యక్షుడు మంచు విష్ణు స్పష్టం చేశారు. చిత్తూరు జిల్లాలోని శ్రీ విద్యానికేతన్‌ విద్యాసంస్థల ఆవరణలో సోమవారం ఏర్పాటు చేసిన మీడియా సమావేశంలో ఆయన మాట్లాడారు. ‘మా’ ఏర్పాటైనపుడు తయారు చేసుకున్న బైలాస్‌లో మార్పులు చేస్తామన్నారు. సినీ పరిశ్రమ పెద్దలతో చర్చించిన తరువాత సర్వసభ్య సమావేశంలో పెట్టి సభ్యుల ఆమోదంతో బైలాస్‌ మారుస్తామన్నారు. ఇకపై ఎవరికిపడితే వారికి సంఘంలో సభ్యత్వం ఇచ్చేందుకు అవకాశం లేకుండా ఆంక్షలు కఠినతరం చేస్తామని పేర్కొన్నారు. ‘మా’ ఎన్నికల్లో ఏదో జరిగిపోయిందని వస్తున్న ఆరోపణల్లో నిజం లేదని, సీసీటీవీ ఫుటేజీలను చూడటంలో తనకు ఎలాంటి అభ్యంతరం లేదన్నారు. ఎన్నికల్లో ఓటమి తరువాత ప్రకాష్‌రాజ్‌, నాగబాబు ఇచ్చిన రాజీనామాలను ఆమోదించక తొలి కార్యవర్గ సమావేశంలోనే తిరస్కరించినట్లు చెప్పారు.

మా అధ్యక్ష పదవి బాధ్యతతో కూడుకున్నది: మోహన్‌బాబు

మా అధ్యక్ష పదవి ఎంతో బాధ్యతతో కూడుకున్నదని సినీ నటుడు మోహన్‌బాబు అన్నారు. సోమవారం ఆయనతోపాటు మా అధ్యక్షుడు మంచు విష్ణు, మంచు లక్ష్మి, విష్ణు ప్యానెల్‌ సభ్యులు శ్రీవారిని దర్శించుకున్నారు. మోహన్‌బాబు మాట్లాడుతూ ‘మా’ను విష్ణు అద్భుతంగా తీర్చిదిద్దుతాడని ఆశాభావం వ్యక్తం చేశారు. శ్రీవారిని దర్శించుకున్నవారిలో బాబుమోహన్‌, గౌతంరాజు, శివబాలాజీ, జయవాణి తదితరులు ఉన్నారు.


వారి రాజీనామాలు ఇంకా రాలేదు

న్యూస్‌టుడే, చంద్రగిరి గ్రామీణ, తిరుమల: ప్రకాష్‌రాజ్‌ ప్యానెల్‌లో గెలిచిన వారంతా తమ పదవులకు రాజీనామా చేయడంపై స్పందించిన మంచు విష్ణు..ఆ రాజీనామాలు తమకు ఇంకా  రాలేదని, వచ్చిన తరువాత చిత్ర పరిశ్రమ పెద్దలతో చర్చించి ఓ నిర్ణయం తీసుకుంటామన్నారు. తెలుగు రాష్ట్రాల్లో పుట్టిన వారికే సంఘంలో సభ్యత్వం ఇస్తామని, వారే ఎన్నికల్లో పోటీ చేయాలన్న నిబంధనను చట్టంలోకి తీసుకువస్తామన్న ప్రచారంపై స్పందించిన ఆయన ఇప్పటి వరకు తమకు అలాంటి ఆలోచన లేదన్నారు. ఆన్‌లైన్‌ సినిమా టిక్కెట్ల విషయంలో ఏపీ ప్రభుత్వం తీసుకున్న నిర్ణయాన్ని అంగీకరిస్తున్నట్లు తెలిపారు.

 



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని