ఫరూక్‌ అబ్దుల్లాకు కరోనా పాజిటివ్‌ - nc chief farooq abdullah tests positive for covid 19
close
Published : 30/03/2021 12:00 IST
Facebook Share Twitter Share WhatsApp Share Telegram Share Link Share

ఫరూక్‌ అబ్దుల్లాకు కరోనా పాజిటివ్‌

శ్రీనగర్‌: నేషనల్‌ కాన్ఫరెన్స్‌ అధ్యక్షుడు, లోక్‌సభ ఎంపీ ఫరూక్‌ అబ్దుల్లా కరోనా మహమ్మారి బారినపడ్డారు. ఈ విషయాన్ని ఆయన కుమారుడు, జమ్మూకశ్మీర్‌ మాజీ ముఖ్యమంత్రి ఒమర్‌ అబ్దుల్లా ట్విటర్‌లో వెల్లడించారు. ‘‘మా నాన్నకు కొవిడ్‌ పాజిటివ్‌గా నిర్ధారణ అయ్యింది. కొన్ని లక్షణాలు కూడా ఉన్నాయి. దీంతో నేను, మా కుటుంబసభ్యులు స్వీయ నిర్బంధంలోకి వెళ్లాం. గత కొద్ది రోజులుగా మమ్మల్ని కలిసిన వారంతా జాగ్రత్తగా ఉండాలని కోరుతున్నా’’అని ఒమర్‌ ట్వీట్‌ చేశారు.

దేశంలో కరోనా మహమ్మారి మళ్లీ కోరలు చాస్తోంది. గత కొద్ది రోజులుగా రికార్డు స్థాయిలో కొత్త కేసులు నమోదవుతుండటం ఆందోళన కలిగిస్తోంది. ముఖ్యంగా మహారాష్ట్ర సహ పలు రాష్ట్రాల్లో వైరస్‌ విపరీతంగా విజృంభిస్తోంది. దీంతో ఆయా రాష్ట్రాలు మళ్లీ ఆంక్షల దిశగా నిర్ణయాలు తీసుకుంటున్నాయి. ప్రజలంతా వైరస్‌ పట్ల అప్రమత్తంగా ఉండాలని.. మాస్క్‌లు, భౌతిక దూరం వంటి నిబంధనలు తప్పనిసరిగా పాటించాలని కేంద్రం విజ్ఞప్తి చేస్తోంది.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని