Dhoni:ఒక్క మాట సరిపోదు:రషీద్‌ఖాన్‌ - rashid khan sums up virat kohli in one word hails ms dhoni in special tribute
close
Published : 04/06/2021 21:10 IST
Facebook Share Twitter Share WhatsApp Share Telegram Share Link Share

Dhoni:ఒక్క మాట సరిపోదు:రషీద్‌ఖాన్‌

ఇంటర్నెట్‌ డెస్క్‌: ఒకరేమో టీమ్‌ఇండియా మాజీ సారథి. ఇంకొకరేమో ప్రస్తుత కెప్టెన్‌. ఒకరేమో ‘కెప్టెన్‌ కూల్‌’గా ఫేమస్‌. ఇంకొకరు దూకుడైన కెప్టెన్సీకి కేరాఫ్ అడ్రస్‌. ఒకరు బెస్ట్ ఫినిషర్‌గా పేరు సంపాదించుకుంటే, మరొకరు ‘ఛేజింగ్ కింగ్‌’గా అభిమానుల గుండెల్లో నిలిచిపోయారు. ఈ పాటికి ఆ ఆటగాళ్లెవరో తెలిసే ఉంటుంది. అదేనండీ..  భారత క్రికెట్‌ జట్టు మాజీ సారథి మహేంద్ర సింగ్‌ ధోనీ, టీమ్‌ఇండియా ‘రన్‌ మెషీన్‌’ విరాట్‌ కోహ్లీ. 


ఈ ఇద్దరు ఆటగాళ్లకు ప్రపంచవ్యాప్తంగా ఎంతోమంది అభిమానులున్నారు. కొంతమంది ఆటగాళ్లు సైతం వీరికి అభిమానులుగా మారిపోయారు. తాజాగా అప్ఘానిస్థాన్‌ స్పిన్ మాంత్రికుడు రషీద్‌ఖాన్‌ కూడా విరాట్‌ కోహ్లీ, మహేంద్ర సింగ్‌ ధోనీలపై తనకున్న అభిమానాన్ని ఇన్‌స్టాగ్రామ్‌ వేదికగా ప్రపంచానికి తెలియజేశాడు. ఇన్‌స్టాలో అభిమానులతో సరదాగా ప్రశ్న- జవాబు సెషన్‌ ద్వారా ముచ్చటించాడు. ఇందులో  కొంతమంది అభిమానులు ధోనీ, కోహ్లీ గురించి రషీద్‌కి ప్రశ్నలు సంధించారు. వాటికి రషీద్‌ కూడా చాలా చక్కగా సమాధానాలిచ్చాడు.

అభిమాని: ఒక్కమాటలో విరాట్‌ కోహ్లీ గురించి వివరించండి.

రషీద్‌ఖాన్‌: భారత కెప్టెన్ విరాట్‌ కోహ్లీ ‘కింగ్‌’.

అభిమాని: ఎం.ఎస్‌.ధోనీ గురించి ఒక్క మాటలో చెప్పండి.

రషీద్‌ఖాన్‌: ధోనీ గురించి చెప్పడానికి ఒక్క మాట సరిపోదు.

ఈ సమాధానాలతో ధోనీ, కోహ్లీలపై తనకున్న అభిమానాన్ని చాటుకున్నాడు రషీద్‌ఖాన్‌.

ఇక ఐపీఎల్ వాయిదా పడినప్పటి నుంచి ధోనీ కుటుంబసభ్యులతో సరదాగా గడుపుతున్నాడు. మరోవైపు, ప్రపంచ టెస్టు ఛాంపియన్‌ షిప్‌ ఫైనల్‌లో న్యూజిలాండ్‌తో తలపడేందుకు కోహ్లీసేన సిద్ధమవుతోంది. ఇందులో భాగంగా కోహ్లీతో సహా, ఆటగాళ్లందరూ గురువారం ఇంగ్లాండ్‌ చేరుకున్నారు. సౌథాంప్టన్‌ వేదికగా జూన్‌ 18-22 మధ్య డబ్ల్యూటీసీ ఫైనల్ జరగనుంది. అనంతరం ఇంగ్లాండ్‌తో టీమ్‌ఇండియా ఐదు టెస్టులు ఆడుతుంది.

 



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని