Akhil: నేనెక్కడికీ వెళ్లను.. ఇక్కడే ఉండాలని ఉంది: అఖిల్‌ - telugu news actor akhil interview about most eligible bachelor
close
Published : 14/10/2021 21:33 IST
Facebook Share Twitter Share WhatsApp Share Telegram Share Link Share

Akhil: నేనెక్కడికీ వెళ్లను.. ఇక్కడే ఉండాలని ఉంది: అఖిల్‌

ఇంటర్నెట్‌ డెస్క్‌: సరిగా మాటలు కూడా రాని వయసులోనే నటించి, అందరి దృష్టిని ఆకర్షించాడు. కట్‌ చేస్తే, ‘అఖిల్‌’ చిత్రంతో హీరోగా మారాడు. అందం, అభినయంలో అక్కినేని వారసుడు అనిపించుకున్నాడు. ‘హలో’ ,‘మిస్టర్‌ మజ్ను’ వంటి చిత్రాలతో మెప్పించి, ఇప్పుడు ‘మోస్ట్‌ ఎలిజిబుల్‌ బ్యాచ్‌లర్‌’గా సందడి చేయబోతున్నాడు. ఆ ‘సిసింద్రీ’ ఎవరో కాదు అక్కినేని అఖిల్‌. బొమ్మరిల్లు భాస్కర్‌ దర్శకత్వంలో ఆయన నటించిన చిత్రం ‘మోస్ట్‌ ఎలిజిబుల్‌ బ్యాచ్‌లర్‌’. పూజా హెగ్డే కథానాయిక. ఈ సినిమా అక్టోబరు 15న విడుదలకానుంది. ఈ సందర్బంగా అఖిల్‌ పలు ఆసక్తికర విశేషాలు పంచుకున్నాడు.

రొమాన్స్‌ అంటే అది కాదు..

నిర్మాత అరవింద్‌గారు ఓ లవ్‌స్టోరీ చేయాలన్నప్పుడు ‘అబ్బా! ఇంకో లవ్‌స్టోరీనా’ అని ఫీలయ్యా. ప్రేమ కథంటే గొప్పగా ఏముంటుంది? రొటీనే కదా అని అనుకుంటూనే ఆయన ఆఫీసుకి వెళ్లా. అక్కడ దర్శకుడు బొమ్మరిల్లు భాస్కర్‌ కథ వినిపించారు. ప్రేమ, పెళ్లి విషయంలో మనం ఎదుర్కొనే సమస్యలు, వాటికి పరిష్కార మార్గాల గురించి ఆయన చెప్పిన విధానం నన్ను ఆకట్టుకుంది. ప్రేమకథే అయినా చాలా కొత్తగా అనిపించింది. ఒకనొకరు తాకడం ఒక్కటే రొమాన్స్‌ కాదని ఈ చిత్రంలో చూపించాం. ప్రేయసికి లేఖ రాయడం రొమాన్సే, పువ్వు ఇవ్వడమూ రొమాన్సే. ఇలాంటి ఎన్నో విషయాల్ని భాస్కర్‌గారు చాలా అద్భుతంగా చిత్రీకరించారు.

నిజాయతీగా నటించా..

కమర్షియల్‌ ఫార్ములా అనే సేఫ్‌ జోన్‌ నుంచి బయటికొచ్చి నిజాయతీగా నటించిన చిత్రమిది. తెరపై నేను కాదు నా పాత్ర మాత్రమే కనిపించాలనుకున్నా. అందుకు తగ్గట్టు నన్ను నేను మలచుకున్నా. నేను హర్ష అనే పాత్రలో కనిపిస్తా. ఓ దశలో అల్లరి చేసే యువకుడిగా, కొన్ని సన్నివేశాల్లో మెచ్యూరిటీ ఉన్న వ్యక్తిగా రెండు విభిన్న కోణాలు ఆవిష్కరించా. బాయ్‌ నుంచి మ్యాన్‌గా మారే క్రమంలో హర్ష ఏం నేర్చుకున్నాడనేది ఆసక్తికరంగా ఉంటుంది.

ఇబ్బంది పడతా..

 కథని బలంగా నమ్మాను. భాస్కర్‌ గత చిత్రం ‘బొమ్మరిల్లు’లో క్లైమాక్స్‌ అందరినీ హత్తుకుంది. అదొక్కటే కాదు ఏ సినిమాకైనా క్లైమాక్సే ముఖ్యమైంది. ఇందులోనూ మంచి ముగింపు ఉంటుంది. ఇలాంటి విషయాల్లో భాస్కర్‌ పక్కాగా ఉంటారు. విభావరి అనే పాత్రలో పూజా హెగ్డే ఒదిగిపోయింది. స్టాండప్‌ కమెడియన్‌గా ఆమె నటన అందరినీ అలరిస్తుంది. ఓపెన్‌గా మాట్లాడే వ్యక్తిత్వం ఉన్న పాత్ర అది. ఎక్కడా అసభ్య పదజాలం ఉండదు. కొన్ని స్పైసీ సంభాషణలు ఉన్నా మనం ఓపెన్‌ మైండ్‌తో చూస్తే ఎలాంటి అభ్యంతరాలు ఉండవు. కుటుంబమంతా కలిసి ఈ సినిమా చూడొచ్చు. 

ఆ ఆసక్తి లేదు..

ఈ సినిమాలో ‘పెళ్లి చూపులు’ కాన్సెప్ట్‌ అందరికీ బాగా కనెక్ట్‌ అవుతుంది. ఇందులో నటించిన ప్రతి ఒక్కరూ ప్రేక్షకులకి గుర్తుండిపోతారు. ‘జాతి రత్నాలు’ ఫేం ఫరియా అబ్దుల్లా ఆ చిత్రం విడుదలకి ముందే ‘బ్యాచ్‌లర్‌’లో నటించింది. ‘సిసింద్రీ’ తర్వాత మళ్లీ ఇన్నేళ్లకి ఆమనిగారితో నటించడం చాలా ఆనందంగా అనిపించింది. నేనెప్పుడూ సినిమా ఫలితం గురించి ఆలోచించను. ఎంపిక చేసుకున్న పాత్రకి న్యాయం చేసేందుకు నా వంతు కృషి చేస్తా. కెరీర్‌ పరంగా వేగం పెంచాలనుకున్న సమయంలో కొవిడ్‌ వచ్చింది. కొత్త ప్రాజెక్టుల గురించి త్వరలో తెలియజేస్తా. ప్రస్తుతానికి బాలీవుడ్‌, హాలీవుడ్‌కి వెళ్లే ఆసక్తి లేదు. నాకు ఇక్కడే ఉండాలని ఉంది. నేను తెలుగు హీరోగానే ఉంటా.



Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

కొత్త పాట గురూ

మరిన్ని