ఇంటర్నెట్‌డెస్క్‌: బాలీవుడ్‌ యువ కథానాయకుడు కార్తీక్‌ ఆర్యన్‌ ప్రధాన పాత్రలో రామ్‌ మధ్వానీ దర్శకత్వంలో తెరకెక్కిన చిత్రం ‘ధమాకా’. మృణాల్‌ ఠాకూర్‌, అమృత సుభాష్‌, వికాస్‌ కుమార్‌, విశ్వజీత్‌ ప్రధాన్‌ కీలకపాత్రలు పోషిస్తున్నారు. ఇందులో కార్తీక్‌ న్యూస్‌ రీడర్‌గా కనిపించనున్నాడు. అన్ని కార్యక్రమాలు పూర్తి చేసుకున్న ఈ సినిమా ప్రముఖ ఓటీటీ వేదిక నెట్‌ఫ్లిక్స్‌లో అలరించేందుకు సిద్ధమైంది. కాగా.. చిత్రబృందం టీజర్‌ను విడుదల చేసింది. ఓ ఉగ్రవాది నుంచి న్యూస్‌రీడర్‌కు బాంబు బెదిరింపు కాల్‌ వస్తుంది. ఆ తర్వాత వార్తలు చదివేందుకు మరోసారి హీరో కెమెరా ముందుకు వస్తాడా హీరో. ‘‘నేను అర్జున్‌ పాఠక్‌ భరోసా 24/7 నుంచి ‘నేను చెప్పేదంతా నిజం’’ అంటూ ఇబ్బంది పడుతూ వార్తలు చెప్పేందుకు ప్రయత్నిస్తుంటాడు. ఉత్కంఠభరితంగా ఉన్న ఈ టీజర్‌ మీరూ చూసేయండి..!