MaheshBabu: మన పిల్లలకు రక్షణ ఉంటుందా?: మహేశ్‌బాబు - telugu news maheshbabu tweets on singarini coloney incident
close
Published : 15/09/2021 11:54 IST
Facebook Share Twitter Share WhatsApp Share Telegram Share Link Share

MaheshBabu: మన పిల్లలకు రక్షణ ఉంటుందా?: మహేశ్‌బాబు

ఆవేదన వ్యక్తం చేసిన సూపర్‌స్టార్‌

హైదరాబాద్‌: సైదాబాద్‌ పరిధిలోని సింగరేణి కాలనీలో ఆరేళ్ల చిన్నారిపై జరిగిన హత్యాచారం ఘటనపై కథానాయకుడు మహేశ్‌బాబు స్పందించారు. సమాజం నానాటికి దిగజారిపోతోందని వ్యాఖ్యానించారు. రానున్న రోజుల్లో పిల్లలకు రక్షణ ఉంటుందా? అంటూ ఆవేదన వ్యక్తం చేశారు. ఇలాంటి అఘాయిత్యానికి పాల్పడిన నిందితుడిని కఠినంగా శిక్షించాలంటూ ట్వీట్‌ చేశారు.

‘‘సింగరేణి కాలనీలో ఆరేళ్ల చిన్నారిపై జరిగిన అకృత్యంతో సమాజం ఎంత దిగజారిపోయిందో అర్థమవుతోంది. మన ఇంటి ఆడపిల్లలు సురక్షితంగా ఉన్నారా? నిరంతరం ఈ ప్రశ్న ప్రతిఒక్కర్నీ కలచివేస్తోంది. ఎంతో ఆవేదనకు గురి చేస్తోంది. బాధిత కుటుంబం పడుతోన్న బాధను ఊహించలేకపోతున్నాను. ఆ చిన్నారికి, ఆమె కుటుంబానికి త్వరితగతిన న్యాయం జరిగేలా చూడాలని అధికారులను కోరుకుంటున్నాను’ అని మహేశ్‌బాబు ట్వీట్‌ చేశారు. మరోవైపు నటుడు మంచు మనోజ్‌ మంగళవారం సింగరేణి కాలనీకి చేరుకుని బాధిత కుటుంబాన్ని పరామర్శించారు. బాధితులకు వెంటనే న్యాయం చేయాలని కోరారు.


Advertisement


మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని