crime: అత్తను చంపి గోనె సంచిలో కుక్కిన కోడలు

తాజా వార్తలు

Published : 25/05/2021 01:26 IST

crime: అత్తను చంపి గోనె సంచిలో కుక్కిన కోడలు

మృతదేహం తరలింపులో సాయం చేసిన భర్త

 పుణె: అత్తతో గొడవపడిన కోడలు చివరికి ఆమెను తన ఇంట్లోనే పాశవికంగా హత్య చేసింది. భర్త సాయంతో ఆమె మృతదేహాన్ని గోనె సంచిలో కుక్కి అక్కడి నుంచి తరలించేందుకు చేసిన ప్రయత్నంలో పొరుగు వ్యక్తి కంటపడి పోలీసులకు దొరికిపోయింది. అత్యంత దారుణమైన ఈ ఘటన పుణె సమీపంలోని తాలెగావ్‌ దభడేలో ఆలస్యంగా వెలుగుచూసింది. పోలీసులు, స్థానికుల కథనం ప్రకారం.. బేబీ గౌతమ్‌ షిండే(50)కుమారుడు మిలింద్‌ గౌతమ్‌ షిండేతో పూజ మిలింద్‌ షిండే(22)కు వివాహం జరిగింది. భార్యభర్తలిద్దరూ ఓ భారీ గోనె సంచిని ఆదివారం ఇంట్లోంచి బయటకు తీసుకెళ్లడం వారి పొరుగు వ్యక్తి గమనించాడు. వారిద్దరూ అనుమానాస్పదంగా కనిపించడంతో ఆ వ్యక్తి పోలీసులకు సమాచారం అందించారు.  వెంటనే దర్యాప్తు ప్రారంభించిన పోలీసులు కాలనీలోని సీసీ టీవీల్లో రికార్డయిన దృశ్యాలను సేకరించారు. నిందితులిద్దరూ ఓ గోనె సంచిని తమ ఇంట్లోంచి బయటకు తీసుకెళ్లడం అందులో రికార్డయింది. ఆ తర్వాత సమీపంలోని ఖాళీ స్థలంలో ఉన్న చెట్ల పొదల్లో మృతదేహాన్ని పోలీసులు గర్తించి స్వాధీనం చేసుకున్నారు. నిందితులను అరెస్టు చేసి విచారించగా హత్య చేసిన తీరును పోలీసులకు వివరించారు. పూజ, తన అత్తకు మధ్య శుక్రవారం గొడవ జరిగింది. అనంతరం తన అత్త గొంతుకు జాకెట్‌ను గట్టిగా బిగించి పూజ ఆమెను హత్య చేసింది. ఆ తర్వాత దంపతులిద్దరూ కలిసి మృతదేహాన్ని ఓ గోనె సంచిలో కుక్కి ఇంటి మిద్దె పైన ఉంచారు. మృతదేహం నుంచి దర్వాసన వస్తుండటంతో భర్త సాయంతో దానిని అక్కడి నుంచి తరలించి సమీంలోని ఖాళీ స్థలంలో ఉన్న చెట్ల పొదల్లో పడేసినట్లు నిందితురాలు పోలీసులకు వివరించింది.  


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని