close

తాజా వార్తలు

Published : 04/12/2020 01:32 IST
Facebook Share Twitter Share WhatsApp Share Telegram Share

మారడోనాకు నివాళి.. మెస్సీకి జరిమానా

స్పెయిన్ : ఇటీవల కన్నుమూసిన అర్జెంటీనా ఫుట్‌బాల్‌ మాంత్రికుడు డీగో మారడోనాకు నివాళులు అర్పించినందుకు సాకర్‌ స్టార్‌ ఆటగాడు లియోనల్‌ మెస్సీపై స్పానిష్‌ సాకర్‌ ఫెడరేషన్‌ తీవ్రంగా స్పందించింది. 600యూరోలు జరిమానా విధించింది. స్పానిష్‌ లీగ్‌లో మెస్సీ బార్సిలోనాకు ప్రాతినిథ్యం వహిస్తున్నాడు. లీగ్‌లో భాగంగా గత ఆదివారం బార్సిలోనా ఒసాసునా జట్టుతో తలపడింది. మ్యాచ్‌లో గోల్‌ చేసిన అనంతరం మెస్సీ మారడోనాకు నివాళులు అర్పిస్తున్నట్లు తను వేసుకున్న జెర్సీ తీసేసి లోపల ఉన్న మారడోనా జెర్సీని ప్రదర్శించాడు. దీంతో మ్యచ్‌ రెఫరీ వెంటనే మెస్సీకి ఎల్లోకార్డును చూపించారు.  

దీనిపై స్పందించిన స్పానిష్‌ సాకర్‌ ఫెడరేషన్‌ మెస్సీతో పాటు బార్సిలోనాక్లబ్‌కు సౌతం 180యూరోలు జరిమానా విధించింది. మెస్సీ ఉద్దేశంలో తప్పు లేకున్నా లీగ్‌లో ఇలా జెర్సీలను ప్రదర్శించడం నిబంధనలకు విరుద్ధమని ఫెడరేషన్‌ వివరించింది. మెస్సీతోపాటు బార్సిలోనా క్లబ్‌కు అప్పీల్ చేసుకునే అవకాశం ఉంది. ఇదిలా ఉండే ఈ మ్యాచ్‌లో బార్సిలోనా 4- 0 గోల్స్‌తో గెలుపొందింది. మ్యచ్‌ అనంతరం మారడోనా జెర్సీ ధరించిన ఫొటోను మెస్సీ సోషల్‌మీడియాలో పోస్ట్‌ చేశారు. ‘ఫెర్‌వెల్‌ డీగో’ అంటూ మెస్సీ స్పానిష్‌లో పోస్టుకు వ్యాఖ్యను జోడించారు. మెస్సీ కూడా అర్జెంటీనాకు చెందినవారే.

 


Tags :

జనరల్‌

జిల్లా వార్తలు
బిజినెస్‌
మరిన్ని
జాతీయ- అంతర్జాతీయ
మరిన్ని
పాలిటిక్స్
మరిన్ని
సినిమా
మరిన్ని
క్రీడలు
మరిన్ని
క్రైమ్
మరిన్ని