Breaking | Feedback | E-PAPER | Pratibha

India Vs Nepal: నేపాల్‌పై ఘన విజయం.. సూపర్‌-4కు భారత్

ఆసియా కప్‌లో భారత్ తొలి విజయం నమోదు చేసింది. నేపాల్‌తో జరిగిన మ్యాచ్‌లో టీమ్‌ఇండియా 10 వికెట్ల తేడాతో ఘన విజయం సాధించి సూపర్‌-4కు దూసుకెళ్లింది

Updated : 04 Sep 2023 23:33 IST

04/09/2023 23:31(IST)

నేపాల్‌పై ఘన విజయం.. సూపర్‌-4కు భారత్

ఆసియా కప్‌లో భారత్ తొలి విజయం నమోదు చేసింది. నేపాల్‌తో జరిగిన మ్యాచ్‌లో టీమ్‌ఇండియా 10 వికెట్ల తేడాతో ఘన విజయం సాధించి సూపర్‌-4కు దూసుకెళ్లింది. తొలుత బ్యాటింగ్ చేసిన నేపాల్.. 48.2 ఓవర్లలో 230 పరుగులకు ఆలౌట్ అయింది. అనంతరం భారత్‌ లక్ష్యఛేదనలో 2.1 ఓవర్ల ఆట పూర్తయిన తర్వాత వర్షం అంతరాయం కలిగించడంతో మ్యాచ్‌ నిలిచిపోయింది. వర్షం తగ్గిన అనంతరం డక్‌వర్త్ లూయిస్ ప్రకారం భారత్ లక్ష్యాన్ని 23 ఓవర్లలో 145గా నిర్దేశించారు. రోహిత్ శర్మ (74*), శుభ్‌మన్‌ గిల్ (67*) దంచికొట్టడంతో ఈ టార్గెట్‌ని టీమ్‌ఇండియా 20.1 ఓవర్లలో వికెట్ నష్టపోకుండా ఛేదించింది.

04/09/2023 22:28(IST)

గిల్‌, రోహిత్‌ చెరో ఫోర్‌..

ఐదో ఓవర్లో రెండో బంతికి గిల్‌ ఫోర్‌ కొట్టాడు. చివరి బంతికి రోహిత్‌ కూడా ఫోర్‌ కొట్టాడు. ఈ ఓవర్లో మొత్తం 9 పరుగులు వచ్చాయి. 5 ఓవర్లు ముగిసే సరికి భారత్‌ 31 పరుగులు చేసింది. శుభ్‌మన్ గిల్ (20), రోహిత్ శర్మ (10) పరుగులతో ఉన్నారు.

04/09/2023 21:46(IST)

ఇలా జరిగితే 20 ఓవర్ల మ్యాచ్!

మ్యాచ్‌ను నిర్వహించేందుకు వీలుగా మైదాన సిబ్బంది చురుగ్గా పనిచేస్తున్నారు. 10 గంటలకు అంపైర్లు గ్రౌండ్‌ను పరిశీలించనున్నారు. 10 గంటల 20 నిమిషాలలోపు ప్రారంభంకాకపోతే మ్యాచ్‌ రద్దవుతుంది. అంతకముందే మ్యాచ్ ప్రారంభం అయితే 20 ఓవర్లను మ్యాచ్‌ నిర్వహిస్తారు. అప్పుడు డక్‌వర్త్ లూయిస్‌ ప్రకారం భారత్ టార్గెట్ 20 ఓవర్లలో 130 పరుగులుగా ఉంటుంది.

04/09/2023 20:37(IST)

భారీ వర్షం.. మ్యాచ్‌ రద్దయితే?

మ్యాచ్‌ జరుగుతున్న పల్లెకెలె స్టేడియం పరిసర ప్రాంతాల్లో వర్షం మరింత ఎక్కువైంది. దీంతో మైదానాన్ని పూర్తిగా కవర్లతో కప్పి ఉంచారు. వర్షం తగ్గితే మ్యాచ్‌ ఆలస్యంగా ప్రారంభమయ్యే అవకాశముంది. ఒకవేళ వర్షం ఇలానే కొనసాగితే మ్యాచ్‌ రద్దవుతుంది. అప్పుడు రెండు పాయింట్లతో భారత్ సూపర్-4కు వెళ్తుంది.

04/09/2023 20:21(IST)

మళ్లీ వర్షం అంతరాయం

మ్యాచ్‌కు వరుణుడు మరోసారి అంతరాయం కలిగిస్తున్నాడు. భారత్ ఇన్నింగ్స్‌లో 2.1 ఓవర్ల ఆట ముగిసిన తర్వాత వర్షం రావడంతో మ్యాచ్‌ను నిలిపివేశారు. అప్పటికి భారత్ స్కోరు 17/0. రోహిత్ శర్మ (4), శుభ్‌మన్ గిల్ (12) పరుగులతో ఉన్నారు.

04/09/2023 19:37(IST)

నేపాల్ ఆలౌట్

ఆసియా కప్‌లో భాగంగా భారత్‌తో జరుగుతున్న మ్యాచ్‌లో నేపాల్ ఊహించిన దాని కంటే మంచి స్కోరే సాధించింది. భారత బౌలర్లను సమర్థవంతంగా ఎదుర్కొని 48.2 ఓవర్లలో 230 పరుగులకు ఆలౌటైంది. ఓపెనర్లు కుశాల్ బార్టెల్ (38; 25 బంతుల్లో 3 ఫోర్లు, 2 సిక్స్‌లు), అసిఫ్‌ షేక్ (58; 97 బంతుల్లో 8 ఫోర్లు) రాణించారు. లోయర్ ఆర్డర్ బ్యాటర్ సోమ్‌పాల్ (48; 56 బంతుల్లో) కూడా మెరిశాడు. గుల్షాన్‌ జా (23), దీపేంద్ర సింగ్ (29) చెప్పుకోదగ్గ స్కోర్లు చేశారు.146 పరుగులకు ఆరు వికెట్లు కోల్పోయిన నేపాల్.. 180లోపే ఆలౌటయ్యే కనిపించింది. కానీ, సోమ్‌పాల్ పట్టుదలగా ఆడి పోరాడే స్కోరునందించాడు. భారత బౌలర్లలో రవీంద్ర జడేజా 3, సిరాజ్ 3, షమి, హార్దిక్ పాండ్య, శార్దూల్ ఠాకూర్‌ తలో వికెట్ పడగొట్టారు.

04/09/2023 18:34(IST)

వన్డే ప్రపంచ కప్ జట్టును ప్రకటించిన గంభీర్

ఆసియా కప్‌లో కామెంటేటర్‌గా వ్యవహరిస్తున్నాడు భారత మాజీ ఓపెనర్ గౌతమ్ గంభీర్‌. ఈ సందర్భంగా అతడు స్టార్‌స్పోర్ట్స్‌తో మాట్లాడుతూ.. అక్టోబర్‌లో ప్రారంభంకానున్న వన్డే ప్రపంచ కప్‌ కోసం భారత జట్టును ఎంపిక చేశాడు. అతడు ఎంపిక చేసిన జట్టులో శార్దూల్ ఠాకూర్‌, శ్రేయస్ అయ్యర్‌లకు చోటు దక్కలేదు. వారి స్థానంలో వాషింగ్టన్ సుందర్‌, ప్రసిద్ధ్‌ కృష్ణలను తీసుకున్నాడు.

గంభీర్‌ ఎంపిక చేసిన జట్టు ఇదే..

రోహిత్ శర్మ (కెప్టెన్), శుభ్‌మన్ గిల్, విరాట్ కోహ్లీ, సూర్యకుమార్ యాదవ్, కేఎల్ రాహుల్, ఇషాన్ కిషన్, అక్షర్ పటేల్, హార్దిక్ పాండ్య, రవీంద్ర జడేజా, వాషింగ్టన్ సుందర్, ప్రసిద్ధ్ కృష్ణ, మహమ్మద్ సిరాజ్, కుల్‌దీప్ యాదవ్, జస్ప్రీత్ బుమ్రా, మహమ్మద్‌ షమి.

04/09/2023 17:45(IST)

వర్షం వచ్చేసింది

అనుకున్నట్టుగానే మ్యాచ్‌కు వరుణుడు ఆటంకం కలిగిస్తున్నాడు. 37.5 ఓవర్ల ఆట పూర్తయిన తర్వాత భారీ వర్షం మొదలైంది. దీంతో ఆటగాళ్లు మైదానాన్ని వీడారు. అప్పటికి నేపాల్ స్కోరు 178/6. దీపేంద్ర సింగ్ (27), సోమ్‌పాల్ (11) పరుగులతో ఉన్నారు.

04/09/2023 17:04(IST)

కోహ్లీ సూపర్ క్యాచ్‌

నేపాల్ ఐదో వికెట్ కోల్పోయింది. సిరాజ్‌ వేసిన 30 ఓవర్లో ఐదో బంతికి అసిఫ్‌ షేక్ (58) ఔటయ్యాడు. బంతి బ్యాట్‌ ఎడ్జ్‌కు తాకి గాల్లోకి ఎగరగా కోహ్లీ ఒంటి చేత్తో క్యాచ్‌ అందుకున్నాడు. 30 ఓవర్లకు స్కోరు 134/5. దీపేంద్ర సింగ్ (1), గుల్షాన్ జా (18) పరుగులతో ఉన్నారు.

04/09/2023 16:57(IST)

అసిఫ్‌ షేక్‌ అర్ధ శతకం

నేపాల్ ఓపెనర్ అసిఫ్‌ షేక్ అర్ధ శతకం పూర్తి చేసుకున్నాడు. సిరాజ్ వేసిన 28 ఓవర్‌లో రెండో బంతికి సింగిల్ తీసి హాఫ్ సెంచరీ మార్క్‌ అందుకున్నాడు. ఇదే ఓవర్‌లో నాలుగో బంతిని అతడు బౌండరీకి పంపగా.. చివరి బంతిని గుల్షాన్ జా (12) ఫోర్ బాదాడు. 28 ఓవర్లకు స్కోరు 123/4.

04/09/2023 16:45(IST)

సగం ఓవర్లు పూర్తి..

భారత స్పిన్నర్లు కట్టుదిట్టంగా బౌలింగ్ చేస్తున్నారు. కుల్‌దీప్ యాదవ్ వేసిన 23 ఓవర్‌ మెయిడిన్ కాగా.. 25 ఓవర్‌లో ఒక పరుగు వచ్చింది. జడేజా వేసిన 24 ఓవర్లో ఆరు పరుగులు వచ్చాయి. 25 ఓవర్లకు స్కోరు 109/4. గుల్షాన్‌ జా (6), అసిఫ్‌ షేక్ (47) పరుగులతో ఉన్నారు.

04/09/2023 16:27(IST)

భారత్ కెప్టెన్‌కు చిక్కిన నేపాల్ కెప్టెన్

నేపాల్ మూడో వికెట్ కోల్పోయింది. నేపాల్ కెప్టెన్ రోహిత్ పౌడెల్ (5) ఔటయ్యాడు. జడేజా వేసిన 20 ఓవర్లో చివరి బంతికి స్లిప్‌లో రోహిత్‌ శర్మకు చిక్కాడు. 20 ఓవర్లకు స్కోరు 93/3.

04/09/2023 16:08(IST)

కట్టుదిట్టంగా బౌలింగ్

మొదటి 10 ఓవర్లు పేలవంగా బౌలింగ్ చేసిన భారత బౌలర్లు.. ఆ తర్వాత పుంజుకున్నారు. కట్టుదిట్టంగా బౌలింగ్‌ చేస్తూ స్కోరు వేగాన్ని తగ్గించారు. గత మూడు ఓవర్లలో ఆరు పరుగులు వచ్చాయి. 15 ఓవర్లకు స్కోరు 73/1. అసిఫ్‌ షేక్ (26), భీమ్‌ షార్కి (5) పరుగులతో క్రీజులో ఉన్నారు.

04/09/2023 15:46(IST)

ఎట్టకేలకు వికెట్

దూకుడుగా ఆడుతున్న కుశాల్ బార్టెల్ (38; 25 బంతుల్లో)ని ఔట్‌ చేసి భారత్‌కు ఉపశమనాన్ని అందించాడు శార్దూల్ ఠాకూర్‌. శార్దూల్ వేసిన 10 ఓవర్లో నాలుగో బంతికి సిక్స్ బాదిన కుశాల్ బార్టెల్.. తర్వాతి బంతికి వికెట్ కీపర్ ఇషాన్ కిషన్‌కు క్యాచ్‌ ఇచ్చాడు. దీంతో 65 పరుగుల వద్ద నేపాల్ తొలి వికెట్ కోల్పోయింది. 10 ఓవర్లకు స్కోరు 65/1. అసిఫ్‌ షేక్ (23), భీమ్ షార్కి (0) క్రీజులో ఉన్నారు.

04/09/2023 15:38(IST)

సవాల్ విసురుతున్న నేపాల్ ఓపెనర్లు

భారత ఫీల్డర్లు క్యాచ్‌లు మిస్‌ చేయడంతో వచ్చిన అవకాశాలను నేపాల్ ఓపెనర్లు సద్వినియోగం చేసుకుంటున్నారు. టీమ్‌ఇండియా పేసర్లు షమి, సిరాజ్‌లను సమర్థవంతంగా ఎదుర్కొంటూ సవాల్ విసురుతున్నారు. సిరాజ్‌ వేసిన ఎనిమిదో ఓవర్‌లో అసిఫ్ షేక్ (16) వరుసగా రెండు ఫోర్లు బాదాడు. కుశాల్ బర్టెల్ (22) క్రీజులో ఉన్నాడు. 8 ఓవర్లకు స్కోరు 42/0.

04/09/2023 15:24(IST)

మళ్లీ క్యాచ్‌ మిస్

నేపాల్‌తో మ్యాచ్‌లో భారత ఆటగాళ్లు క్యాచ్‌లు మిస్‌ చేస్తున్నారు. ఇప్పటికే షమి వేసిన తొలి ఓవర్లో శ్రేయస్ అయ్యర్, సిరాజ్‌ వేసిన రెండో ఓవర్లో కోహ్లీ క్యాచ్‌లు అందుకోలేకపోయారు. తాజాగా షమి వేసిన ఐదో ఓవర్‌లో రెండో బంతికి కుశాల్ బర్టెల్ (12) ఇచ్చిన క్యాచ్‌ వికెట్ కీపర్ ఇషాన్‌ కిషన్‌ ఒడిసిపట్టుకోలేకపోయాడు. దీంతో అది బౌండరీని తాకింది. 5 ఓవర్లకు స్కోరు 23/0. అసిఫ్ షేక్ (7) పరుగులతో ఉన్నాడు.

04/09/2023 15:18(IST)

నిలకడగా బ్యాటింగ్

నేపాల్ ఓపెనర్లు నిలకడగా ఆడుతున్నారు. షమి వేసిన మూడో ఓవర్‌లో నాలుగు పరుగులు వచ్చాయి. సిరాజ్‌ వేసిన నాలుగో ఓవర్‌లో మొదటి బంతిని కుశాల్ బర్టెల్ (7) బౌండరీకి పంపాడు. 4 ఓవర్లకు స్కోరు 18/0. అసిఫ్‌ షేక్ (7) క్రీజులో ఉన్నాడు.

04/09/2023 15:04(IST)

ప్రారంభమైన మ్యాచ్‌

భారత్, నేపాల్ మధ్య మ్యాచ్ ప్రారంభమైంది. టాస్ ఓడి నేపాల్ బ్యాటింగ్‌కు దిగింది. షమి వేసిన మొదటి ఓవర్‌లో నాలుగు పరుగులు వచ్చాయి. చివరి బంతికి కుశాల్ బర్టెల్ ఇచ్చిన క్యాచ్‌ను స్లిప్‌లో ఉన్న శ్రేయస్ అయ్యర్ అందుకోలేకపోయాడు. కుశాల్ బర్టెల్ (3), అసిఫ్‌ షేక్‌ (1) క్రీజులో ఉన్నారు.

App

India Vs Nepal: నేపాల్‌పై ఘన విజయం.. సూపర్‌-4కు భారత్

తాజా వార్తలు (Latest News)

carpooling : కార్‌పూలింగ్‌పై నిషేధం వైట్‌ నంబర్‌ ప్లేట్‌ వాహనాలకు మాత్రమే: కర్ణాటక రవాణాశాఖ మంత్రి

Nara Lokesh: మాజీ మంత్రి బండారుకు నారా లోకేశ్‌ ఫోన్‌

PM Modi: అభివృద్ధిపై వాళ్లకు విజన్‌, రోడ్‌మ్యాప్‌ లేవు.. విపక్షాలపై మోదీ ఫైర్‌

Rajinikanth: రజనీకాంత్‌ 170వ చిత్రం.. ఆ ముగ్గురు హీరోయిన్లు ఫిక్స్‌.. ఎవరెవరంటే?

Vande Bharat Train: ట్రాక్‌పై రాళ్లు.. వందే భారత్ లోకో పైలట్‌ అప్రమత్తతతో ప్రయాణికులకు తప్పిన ప్రమాదం

Pawan Kalyan: మున్ముందు దేశమంతా జనసేన భావజాలమే: పవన్‌ కల్యాణ్‌

సుఖీభవ

చదువు