Breaking | Feedback | ePratibha | E-PAPER | Pratibha

CSK vs PBKS: ఉత్కంఠ పోరులో విజయం సాధించిన పంజాబ్‌ కింగ్స్‌

చెన్నై సూపర్‌ కింగ్స్‌తో జరిగిన ఉత్కంఠ పోరులో పంజాబ్ కింగ్స్‌ 4 వికెట్ల తేడాతో విజయం సాధించింది. సీఎస్కే నిర్దేశించిన 201 పరుగుల లక్ష్యాన్ని 6 వికెట్లు కోల్పోయి చివరి బంతి వరకు పోరాడి ఛేదించింది.

Updated : 30 Apr 2023 19:51 IST

30/04/2023 19:23(IST)

పంజాబ్‌దే విజయం

గత మ్యాచ్‌లోలఖ్‌నవూపై ఘోరంగా ఓటమిపాలైన పంజాబ్‌ కింగ్స్‌ తిరిగి పుంజుకుంది. చెన్నై సూపర్‌ కింగ్స్‌తో జరిగిన ఉత్కంఠ పోరులో 4 వికెట్ల తేడాతో విజయం సాధించింది. సీఎస్కే నిర్దేశించిన 201 పరుగుల లక్ష్యాన్ని 6 వికెట్లు కోల్పోయి చివరి బంతి వరకు పోరాడి ఛేదించింది. చివరి ఓవర్లో 9 పరుగులు అవసరం కాగా.. మొదటి ఐదు బంతుల్లో ఆరు పరుగులు వచ్చాయి. దీంతో ఆఖరి బంతికి 3 పరుగులు అవసరం అయ్యాయి. సికిందర్‌ రజా (13; 7 బంతుల్లో) చాకచాక్యంగా ఆడి పంజాబ్‌కు విజయాన్ని అందించాడు.

30/04/2023 19:14(IST)

జితేశ్ ఔట్

దూకుడుగా ఆడుతున్న జితేశ్ శర్మ (21) ఔటయ్యాడు. తుషార్‌ దేశ్ పాండే వేసిన 18.4 ఓవర్‌కు షేక్‌ రషీద్‌కు క్యాచ్‌ ఇచ్చాడు. 19 ఓవర్లకు స్కోరు 192/6. పంజాబ్‌ విజయానికి 6 బంతుల్లో 9 పరుగులు అవసరం. సికిందర్‌ రజా (5), షారూక్ ఖాన్‌ (2) పరుగులతో ఉన్నారు.

30/04/2023 18:54(IST)

మూడు సిక్స్‌లు.. ఔట్

మ్యాచ్ మలుపులు తిరుగుతోంది. దూకుడుగా ఆడుతున్న లివింగ్ స్టోన్‌ (40) ఔటయ్యాడు. తుషార్‌ దేశ్‌పాండే వేసిన 16 ఓవర్లో మూడు సిక్స్‌లు బాదిన అతడు.. ఐదో బంతికి రుతురాజ్ గైక్వాడ్‌కు క్యాచ్‌ ఇచ్చాడు. 16 ఓవర్లకు స్కోరు 153/4. సామ్‌ కరన్‌ (19), జితేశ్ శర్మ (2) పరుగులతో ఉన్నారు. పంజాబ్‌ విజయానికి 24 బంతుల్లో 48 పరుగులు అవసరం.

30/04/2023 18:43(IST)

కట్టుదిట్టంగా బౌలింగ్‌

చెన్నై బౌలర్లు కట్టుదిట్టంగా బౌలింగ్‌ చేస్తున్నారు. దీంతో నాలుగు ఓవర్ల నుంచి స్కోరు వేగం కాస్త నెమ్మదించింది. పతిరాణ వేసిన 14 ఓవర్‌లో ఏడు పరుగులు వచ్చాయి. 14 ఓవర్లకు స్కోరు 119/3. లివింగ్ స్టోన్ (21), సామ్‌ కరన్ (13) పరుగులతో ఉన్నారు. పంజాబ్‌ విజయానికి 36 బంతుల్లో 82 పరుగులు అవసరం.

30/04/2023 18:15(IST)

ప్రభ్‌సిమ్రన్‌ ఔట్

ప్రభ్‌సిమ్రన్‌ (42; 24 బంతుల్లో 4 ఫోర్లు, 2 సిక్స్‌లు) దూకుడుకు జడేజా చెక్‌ పెట్టాడు. జడ్డూ వేసిన 8.3 ఓవర్‌కు ప్రభ్‌సిమ్రన్‌ స్టంపౌట్‌ అయ్యాడు. 9 ఓవర్లకు స్కోరు 84/2. అథర్వ తైడే (11), లివింగ్ స్టోన్ (1) క్రీజులో ఉన్నారు.

30/04/2023 18:13(IST)

ప్రభ్‌సిమ్రన్‌ దూకుడు

పంజాబ్‌ ఓపెనర్‌ ప్రభ్‌సిమ్రన్‌ సింగ్ దూకుడు పెంచుతున్నాడు. మొయిన్‌ అలీ వేసిన ఎనిమిదో ఓవర్లో రెండో బంతికి సిక్స్‌ బాదాడు. ఈ ఓవర్లో మొత్తం 10 పరుగులు వచ్చాయి. 8 ఓవర్లకు స్కోరు 80/1. ప్రభ్‌సిమ్రన్ (42), అథర్వ తైడే (8) పరుగులతో ఉన్నారు.

30/04/2023 17:58(IST)

పంజాబ్‌ ఫస్ట్ వికెట్

పంజాబ్‌ కింగ్స్‌ మొదటి వికెట్ కోల్పోయింది. శిఖర్‌ ధావన్ (28; 15 బంతుల్లో) ఔటయ్యాడు. తుషార్‌ దేశ్‌ పాండే వేసిన 4.2 ఓవర్‌కు స్లిప్‌లో పతిరాణకు చిక్కాడు. 5 ఓవర్లకు స్కోరు 54/1. ప్రభ్‌సిమ్రన్‌ సింగ్ (21), అథర్వ తైడే (3) పరుగులతో ఉన్నారు.

30/04/2023 17:58(IST)

మూడులో 14.. నాలుగులో 12

పంజాబ్‌ బ్యాటర్లు మూడు, నాలుగు ఓవర్లలో బ్యాటు ఝళిపించారు. దీంతో జట్టు స్కోరు 4 ఓవర్లు ముగిసేసరికి 46 పరుగులకు చేరుకుంది. మూడో ఓవర్‌లో ధావన్‌ ఓ సిక్స్‌, ఫోర్‌ కొట్టగా.. నాలుగో ఓవర్‌లో ప్రభ్‌సిమ్రన్‌ రెండు బౌండరీలు బాదాడు.

30/04/2023 17:43(IST)

ప్రభ్‌సిమ్రన్‌ సిక్స్‌

పంజాబ్‌ ఓపెనర్లు నిలకడగా ఆడుతున్నారు. తుషార్‌ దేశ్‌పాండే వేసిన రెండో ఓవర్‌లో 9 పరుగులు రాబట్టారు. మూడో బంతిని ప్రభ్‌సిమ్రన్‌ సింగ్ (10) డీప్‌ స్క్వేర్‌ లెగ్‌ మీదుగా స్టాండ్స్‌లోకి పంపించాడు. 2 ఓవర్లకు స్కోరు 20/0. ధావన్ (9) పరుగులతో ఉన్నాడు.

30/04/2023 17:18(IST)

పంజాబ్‌ ముందు భారీ లక్ష్యం

పంజాబ్‌ కింగ్స్‌తో జరుగుతున్న మ్యాచ్‌లో ఓపెనర్ డేవాన్‌ కాన్వే (92*; 52 బంతుల్లో 16 ఫోర్లు, 1 సిక్స్‌) దంచికొట్టడంతో చెన్నై సూపర్‌ కింగ్స్‌ భారీ స్కోరు సాధించింది. నిర్ణీత 20 ఓవర్లలో సీఎస్కే నాలుగు వికెట్ల నష్టానికి 200 పరుగులు చేసింది. చివరి ఓవర్లో ఆఖరి రెండు బంతులను ధోనీ (13*; 4 బంతుల్లో) సిక్సర్లుగా మలిచాడు. రుతురాజ్‌ గైక్వాడ్ (37; 31 బంతుల్లో 4 ఫోర్లు, 1 సిక్స్‌) రాణించాడు. శివమ్ దూబె (28; 17 బంతుల్లో 1 ఫోర్‌, 2 సిక్స్‌లు) దూకుడుగా ఆడినా ఎక్కువసేపు క్రీజులో నిలవలేకపోయాడు. రవీంద్ర జడేజా (12; 10 బంతుల్లో), మొయిన్ అలీ (10; 6 బంతుల్లో 2 ఫోర్లు) తక్కువ స్కోరుకే పెవిలియన్‌ చేరారు. పంజాబ్‌ బౌలర్లలో అర్ష్‌దీప్‌, సామ్‌ కరన్‌, రాహుల్ చాహర్‌, సికిందర్‌ రజా ఒక్కో వికెట్ పడగొట్టారు.

30/04/2023 17:00(IST)

వికెట్.. రెండు ఫోర్లు

రాహుల్ చాహర్‌ వేసిన 17 ఓవర్‌లో వికెట్ పడటంతోపాటు 11 పరుగులు వచ్చాయి. మొదటి బంతికి మొయిన్‌ అలీ స్టంపౌట్‌ కాగా.. చివరి రెండు బంతులను డేవాన్ కాన్వే (84) బౌండరీకి పంపించాడు. జడేజా (3) పరుగులతో ఉన్నాడు. 17 ఓవర్లకు స్కోరు 169/3.

30/04/2023 16:44(IST)

చెన్నైకి షాక్

మంచి ఫామ్‌లో ఉన్న హిట్టర్‌ శివమ్‌ దూబె (28; 17 బంతుల్లో) ఔటయ్యాడు. అర్ష్‌దీప్‌ సింగ్ వేసిన 14 ఓవర్‌లో చివరి బంతికి షారూక్‌ఖాన్‌కు చిక్కాడు. 14 ఓవర్లకు స్కోరు 130/2. కాన్వే (59) పరుగులతో ఉన్నాడు. మొయిన్‌ అలీ క్రీజులోకి వచ్చాడు.

30/04/2023 16:35(IST)

ఫస్ట్ బాల్‌కు సిక్స్‌.. లాస్ట్ బాల్‌కు ఫోర్

చెన్నై బ్యాటర్లు దూకుడుగా ఆడుతున్నారు. రబాడ వేసిన 13 ఓవర్‌లో 14 పరుగులు రాబట్టారు. మొదటి బంతికి శివమ్‌ దూబె (22) సిక్స్‌ బాదగా.. చివరి బంతిని డేవాన్ కాన్వే (57) బౌండరీకి పంపాడు. 13 ఓవర్లకు స్కోరు 121/1.

30/04/2023 16:29(IST)

కాన్వే హాఫ్‌ సెంచరీ

చెన్నై ఓపెనర్‌ డేవాన్‌ కాన్వే అర్ధ శతకం పూర్తి చేసుకున్నాడు. సికిందర్‌ రజా వేసిన 12 ఓవర్‌లో మూడో బంతికి బౌండరీ బాది 50 పరుగుల మార్క్‌ను దాటాడు. ఇదే ఓవర్‌లో మొదటి బంతిని శివమ్‌ దూబె స్టాండ్స్‌లోకి పంపించాడు. 12 ఓవర్లకు స్కోరు 107/1. దూబె (14), కాన్వే (52) పరుగులతో ఉన్నారు.

30/04/2023 16:20(IST)

రుతురాజ్‌ ఔట్

చెన్నై మొదటి వికెట్ కోల్పోయింది. సికిందర్‌ రజా వేసిన 10 ఓవర్లో నాలుగో బంతికి రుతురాజ్ గైక్వాడ్ (37) స్టంపౌటయ్యాడు. అయితే, ఇదే ఓవర్‌లో మొదటి రెండు బంతులను డేవాన్‌ కాన్వే బౌండరీకి పంపాడు. 10 ఓవర్లకు స్కోరు 90/1. కాన్వే (45), శివమ్ దూబె (4) పరుగులతో ఉన్నారు.

30/04/2023 16:03(IST)

మూడు ఫోర్లు

తన మొదటి ఓవర్లో పొదుపుగా బౌలింగ్ చేసిన సామ్‌ కరన్‌ రెండో ఓవర్‌లో భారీగా పరుగులిచ్చుకున్నాడు. అతడు వేసిన ఆరో ఓవర్‌లో డేవాన్‌ కాన్వే రెండు ఫోర్లు బాదగా.. రుతురాజ్‌ గైక్వాడ్ ఓ బౌండరీ కొట్టాడు. పవర్‌ ప్లే ముగిసేసరికి చెన్నై స్కోరు 57/0. రుతురాజ్‌ (30), కాన్వే (23) పరుగులతో ఉన్నారు.

30/04/2023 15:30(IST)

చెన్నై బ్యాటింగ్‌ ప్రారంభం

పంజాబ్‌తో మ్యాచ్‌లో చెన్నై సూపర్ కింగ్స్‌ బ్యాటింగ్‌ ప్రారంభించింది. ఓపెనర్లుగా డేవన్ కాన్వే, రుతురాజ్‌ గైక్వాడ్ క్రీజ్‌లోకి వచ్చారు. తొలి ఓవర్‌ను పంజాబ్ బౌలర్ అర్ష్‌దీప్‌ సింగ్‌ వేస్తున్నాడు.

30/04/2023 15:12(IST)

ఫస్ట్‌ బ్యాటింగ్‌ చేద్దామనుకున్నాం: ధావన్‌

టాస్‌ గెలిస్తే మేం కూడా బ్యాటింగ్‌ చేయాలని భావించాం. ఇప్పుడు తేమ ప్రభావం ఉండదు. గత మ్యాచ్‌లో భారీగా పరుగులు సమర్పించుకున్నాం. దాని నుంచి గుణపాఠం నేర్చుకుని ముందుకు సాగుతాం. హర్‌ప్రీత్‌ భాటియా జట్టులోకి వచ్చాడు.

30/04/2023 15:01(IST)

టాస్‌ నెగ్గిన ధోనీ

పంజాబ్‌ కింగ్స్‌తో మ్యాచ్‌లో చెన్నై సూపర్ కింగ్స్‌ టాస్‌ నెగ్గింది. కెప్టెన్ ఎంఎస్ ధోనీ బ్యాటింగ్‌ ఎంచుకున్నాడు. ‘‘పగలు సమయంలో ఆడేటప్పుడు వేడి చాలా కీలక పాత్ర పోషిస్తుంది. ఫాస్ట్ బౌలర్లకు కాస్త విశ్రాంతి ఇచ్చినట్లు అవుతుంది. అందుకే తొలుత బ్యాటింగ్‌ ఎంచుకున్నాం. ఆటగాళ్లు నిరంతరం నేర్చకుంటూ ఉండాలి. గత మ్యాచ్‌లో దిగిన జట్టుతోనే ఇప్పుడు బరిలోకి దిగుతున్నాం’’ అని ధోనీ చెప్పాడు.

30/04/2023 13:54(IST)

పిచ్‌ రిపోర్ట్‌

వాతావరణం చల్లగా ఉండటంతో కాస్త బౌలింగ్‌కు అనుకూలంగా ఉండొచ్చు. అయితే, వర్షం అడ్డంకిగా మారనుందని తెలుస్తోంది. దీంతో టాస్‌ నెగ్గే జట్టు బౌలింగ్‌కే మొగ్గు చూపి పిచ్‌ నుంచి వచ్చే అడ్వాంటేజ్‌ను పొందేందుకు ఆస్కారముంది.

30/04/2023 13:54(IST)

ఆ షాక్‌ నుంచి త్వరగా కోలుకోవాలి..

భారీ హిట్టర్లు ఉన్న ముంబయి ఇండియన్స్‌ను అడ్డుకున్న పంజాబ్‌ కింగ్స్ బౌలర్లు లఖ్‌నవూ చేతిలో మాత్రం చావుదెబ్బ తిన్నారు. మూడు మ్యాచుల తర్వాత వచ్చిన కెప్టెన్‌ ధావన్‌కు షాక్‌కొట్టిన ఫలితం అది. ఈ సీజన్‌లో ఇప్పటి వరకు అత్యధిక స్కోరు 257/5 ఇచ్చిన జట్టుగా పంజాబ్‌ చెత్త రికార్డును ఖాతాలో వేసుకుంది. అయితే, కెప్టెన్‌ శిఖర్ ధావన్‌ విఫలమైనప్పటికీ పంజాబ్‌ బ్యాటర్లు పోరాడి 200కుపైగా పరుగులు సాధించారు. ఇప్పుడు చెపాక్‌ వేదికగా చెన్నైను ఓడించాలంటే మళ్లీ పంజాబ్‌ బౌలర్లు పుంజుకోవాల్సిందే. భారీగా హిట్టింగ్‌ చేయగల సమర్థులు సీఎస్‌కే సొంతం.

30/04/2023 13:54(IST)

గెలిస్తే అగ్రస్థానంలోకి ధోనీ సేన!

సీఎస్‌కే పరిస్థితి ఇలా..

ఎంఎస్ ధోనీ నాయకత్వంలోని (MS Dhoni) చెన్నై ఇప్పటి వరకు 8 మ్యాచ్‌లు ఆడింది. ఇందులో ఐదు మ్యాచుల్లో గెలిచింది. గతేడాది ఫైనలిస్టులు గుజరాత్‌, రాజస్థాన్‌ చేతిలోనే ఓటమిపాలు కావడం గమనార్హం. మరీ ముఖ్యంగా రాజస్థాన్‌తో ఆడిన రెండు మ్యాచుల్లోనూ ఓడింది. ఈ క్రమంలో ప్లేఆఫ్స్ అవకాశాలు మరింత మెరుగువ్వాలంటే మిగిలిన ఆరు మ్యాచుల్లో కనీసం ఐదు విజయాలను నమోదు చేయాలి. బౌలింగ్‌లో అనుభవలేమి వల్ల కీలక మ్యాచుల్లో వెనుకబడాల్సిన పరిస్థితి. పతిరాణ, తీక్షణ, దేశ్‌ పాండే, ఆకాశ్ సింగ్‌ అప్పుడప్పుడూ గాడి తప్పడం సీఎస్‌కేకు కష్టంగా మారింది. బ్యాటింగ్‌లోనూ అంబటి రాయుడు వరుసగా విఫలమవుతూ నిరాశపరుస్తున్నాడు. పంజాబ్ బౌలర్లు అర్ష్‌దీప్‌, రబాడ, రాహుల్ చాహర్, సామ్‌ కరన్‌ను అడ్డుకోవడంపై చెన్నై బ్యాటర్లు దృష్టిపెట్టాలి.

App

CSK vs PBKS: ఉత్కంఠ పోరులో విజయం సాధించిన పంజాబ్‌ కింగ్స్‌

తాజా వార్తలు (Latest News)

ఐపీఎల్‌ అంటూ కోతలు.. రోడ్ల మీదే ఆటలు

8 నెలలు మోసగించారు.. రూ.7 కోట్లు కొట్టేశారు

కారు రూపురేఖలు మార్చి.. భయభ్రాంతులకు గురిచేస్తూ..

రాజాసింగ్‌.. రాస్తా అలగ్‌

ఆరేళ్ల పిల్లాడితో పోటీ పడుతున్నా: జో బైడెన్‌

గుండెజబ్బుల ముప్పును పెంచే వాహన ధ్వనులు

సుఖీభవ

చదువు