Breaking | Feedback | ePratibha | E-PAPER | Pratibha

IND vs AFG: భారత్‌ vs అఫ్గానిస్థాన్‌.. మూడో టీ20 లైవ్‌ అప్‌డేట్స్‌

మూడు టీ20 మ్యాచ్‌ల సిరీస్‌లో భాగంగా భారత్, అఫ్గానిస్థాన్‌ (IND vs AFG) మధ్య మూడో టీ20 జరుగుతోంది. మ్యాచ్‌ లైవ్‌ అప్‌డేట్స్‌ మీకోసం..

Updated : 17 Jan 2024 19:44 IST

17/01/2024 23:21(IST)

IND vs AFG: రెండో సూపర్ ఓవర్‌.. భారత్ విజయం

బౌలర్‌: రవి బిష్ణోయ్‌.. అఫ్గాన్ టార్గెట్ 12 పరుగులు
తొలి బంతి: మహ్మద్ నబీ.. ఔట్.. (రింకు సింగ్‌కు క్యాచ్‌)
రెండో బంతి: కరీం జనత్ సింగిల్
మూడో బంతి: రహ్మనుల్లా ఔట్.. (రింకు సింగ్‌కు క్యాచ్‌)
దీంతో భారత్ విజయం సాధించింది. ఈ గెలుపుతో మూడు టీ20ల సిరీస్‌ను టీమ్ఇండియా 3-0 తేడాతో క్లీన్‌స్వీప్ చేసింది.

17/01/2024 23:14(IST)

IND vs AFG: భారత్ రెండో సూపర్‌ ఓవర్‌ పూర్తి.. అఫ్గాన్ టార్గెట్ 12 పరుగులు

తొలి బంతి: రోహిత్.. సిక్స్‌
రెండో బంతి: రోహిత్.. ఫోర్
మూడో బంతి: రోహిత్.. సింగిల్
నాలుగో బంతి: రింకు సింగ్.. ఔట్ (వికెట్ కీపర్‌కు క్యాచ్‌)
ఐదో బంతి: శాంసన్ (రోహిత్ రనౌట్)

17/01/2024 23:04(IST)

IND vs AFG: సూపర్‌ ఓవర్‌లో కూడా టై.. నాటకీయంగా మ్యాచ్‌

భారత్ సూపర్‌లో సాగిందిలా.. బౌలర్ అజ్మతుల్లా
తొలి బంతి: రోహిత్.. లెగ్ బై రూపంలో సింగిల్
రెండో బంతి: జైస్వాల్.. సింగిల్
మూడో బంతి: రోహిత్‌.. సిక్స్‌
నాలుగో బంతి: రోహిత్‌.. సిక్స్‌
ఐదో బంతి: రోహిత్.. సింగిల్ (రిటైర్డ్ ఔట్)
ఆరో బంతి: జైస్వాల్ సింగిల్

17/01/2024 22:46(IST)

IND vs AFG: సూపర్‌ ఓవర్‌.. భారత్ టార్గెట్ 17 పరుగులు

అఫ్గాన్‌ సూపర్‌ ఓవర్‌ సాగిందిలా.. అవేశ్‌ ఖాన్ బౌలర్
తొలి బంతికి గుల్బాదిన్ నైబ్‌ (1) రనౌటయ్యాడు.
రెండో బంతి: నబీ.. 1 పరుగు
మూడో బంతి: గుర్బాజ్‌.. ఫోర్
నాలుగో బంతి: సింగిల్
ఐదో బంతి: నబీ సిక్స్‌
ఆరో బంతి: బైస్‌ రూపంలో 3 పరుగులు
సూపర్‌ ఓవర్లో‌ మొత్తం అఫ్గాన్‌ 16/1 స్కోరు చేసింది.

17/01/2024 22:38(IST)

IND vs AFG: మ్యాచ్‌ టై.. సూపర్‌ ఓవర్‌లోనే ఫలితం

అఫ్గాన్‌ విజయానికి చివరి ఓవర్‌లో 19 పరుగులు అవసరం కాగా.. 18 పరుగులు చేసింది.
ముకేశ్‌ వేసిన చివరి ఓవర్‌లో రెండు వైడ్లు వచ్చాయి. గుల్బాదిన్ నైబ్ ఓ ఫోర్, సిక్స్‌ బాదాడు. చివరి బంతికి మూడు పరుగులు అవసరం కాగా.. గుల్బాదిన్ రెండు రన్స్‌ చేశాడు.
దీంతో మ్యాచ్‌ టై అయింది. సూపర్ ఓవర్‌లో ఫలితం తేలనుంది.

17/01/2024 22:22(IST)

IND vs AFG: అఫ్గాన్‌ ఐదు వికెట్లు..

ముకేశ్‌ వేసిన 18 ఓవర్‌లో తొలి బంతికి కరీం జనత్ (2) రనౌట్ అయ్యాడు.
18 ఓవర్లకు అఫ్గాన్‌ స్కోరు 177/5. నైబ్‌ (32), జద్రాన్ (1) క్రీజులో ఉన్నారు.
అఫ్గాన్‌ చివరి రెండు ఓవర్లలో 36 పరుగులు చేస్తే విజయం సాధిస్తుంది.

17/01/2024 22:16(IST)

IND vs AFG: మహ్మద్ నబీ (34) ఔట్.. అఫ్గాన్‌ నాలుగో వికెట్

అఫ్గాన్‌ నాలుగో వికెట్ కోల్పోయింది.
దూకుడుగా ఆడుతున్న మహ్మద్ నబీ (34) ఔటయ్యాడు. వాషింగ్టన్‌ సుందర్‌ వేసిన 17 ఓవర్లో రెండో బంతికి అవేశ్‌కు చిక్కాడు.
17 ఓవర్లకు స్కోరు 167/4. నైబ్ (23), కరీం జనత్ (2) పరుగులతో ఉన్నారు.

17/01/2024 22:12(IST)

IND vs AFG: దంచికొడుతున్న మహ్మద్ నబీ.. ఉత్కంఠగా మారుతున్న మ్యాచ్‌

అఫ్గాన్‌ బ్యాటర్లు దూకుడుగా ఆడుతుండటంతో మ్యాచ్‌ ఉత్కంఠగా మారుతోంది.
రవి బిష్ణోయ్‌ వేసిన 16 ఓవర్‌లో తొలి మూడు బంతులకు మహ్మద్‌ నబీ (35) రెండు ఫోర్లు, ఓ సిక్స్‌ బాదాడు.
16 ఓవర్లకు స్కోరు 162/3. నైబ్ (21) పరుగులతో ఉన్నాడు.

17/01/2024 22:07(IST)

IND vs AFG: దూకుడుగా ఆడుతున్న నబీ, నైబ్

అఫ్గాన్‌ బ్యాటర్లు దూకుడుగా ఆడుతున్నారు.
అవేశ్‌ వేసిన 14 ఓవర్లో గుల్బాదిన్ నైబ్(20) రెండు సిక్స్‌లు, ఓ ఫోర్ బాదాడు.
కుల్‌దీప్‌ వేసిన తర్వాతి ఓవర్‌లో మహ్మద్ నబీ (19) రెండు సిక్స్‌లు కొట్టాడు.
15 ఓవర్లకు స్కోరు 145/3.

17/01/2024 21:59(IST)

IND vs AFG: వరుసగా రెండు వికెట్లు కోల్పోయిన అఫ్గానిస్థాన్‌

అఫ్గానిస్థాన్‌ వరుసగా రెండు వికెట్లు కోల్పోయింది.
వాషింగ్టన్ సుందర్‌ వేసిన 13 ఓవర్‌లో నాలుగో బంతి (వైడ్‌)కి ఇబ్రహీం జద్రాన్‌ స్టంపౌటయ్యాడు.
తర్వాత బంతికే అజ్మతుల్లా (0) రవి బిష్ణోయ్‌కి చిక్కాడు.
13 ఓవర్లకు స్కోరు 108/3. మహ్మద్ నబీ (1), గుల్బాదిన్ నైబ్ (2) పరుగులతో ఉన్నారు.

17/01/2024 21:49(IST)

IND vs AFG: అర్ధ శతకం బాది ఔటైన రహ్మనుల్లా గుర్బాజ్‌

అఫ్గానిస్థాన్ మొదటి వికెట్ కోల్పోయింది. రహ్మనుల్లా గుర్బాజ్ (50) ఔటయ్యాడు.
కుల్‌దీప్‌ యాదవ్‌ వేసిన 11 ఓవర్‌లో మూడో బంతికి సిక్స్ బాది అర్ధ శతకం అందుకున్న అతడు.. చివరి బంతికి వాషింగ్టన్ సుందర్‌కు చిక్కాడు.
11 ఓవర్లకు స్కోరు 93/1.

17/01/2024 21:42(IST)

IND vs AFG: దంచికొడుతున్న అఫ్గానిస్థాన్‌ ఓపెనర్లు

అఫ్గాన్‌ ఓపెనర్లు మళ్లీ జోరందుకున్నారు.
శివమ్ దూబె వేసిన 10 ఓవర్‌లో 18 పరుగులు రాబట్టారు.
జద్రాన్ (38) బౌండరీ బాదగా.. రహ్మనుల్లా గుర్బాజ్‌ (44) వరుసగా 4,6 కొట్టాడు.
10 ఓవర్లకు స్కోరు 85/0.

17/01/2024 21:23(IST)

IND vs AFG: ధాటిగా ఆడుతున్న అఫ్గాన్‌ ఓపెనర్లు

అఫ్గాన్‌ ఓపెనర్లు దూకుడుగా ఆడుతున్నారు.
రవి బిష్ణోయ్‌ వేసిన ఐదో ఓవర్‌లో 11 పరుగులు రాగా.. ఇబ్రహీం జద్రాన్‌ రెండు ఫోర్లు బాదాడు.
అవేశ్‌ వేసిన ఐదో ఓవర్‌లో ఎనిమిది పరుగులు వచ్చాయి.
5 ఓవర్లకు స్కోరు 45/0. జద్రాన్‌ (23), రహ్మనుల్లా గుర్బాజ్‌ (19) పరుగులతో ఉన్నారు.

17/01/2024 21:13(IST)

IND vs AFG: దూకుడుగా ఆడుతున్న రహ్మనుల్లా గుర్బాజ్‌

అఫ్గాన్ ఓపెనర్ రహ్మనుల్లా గుర్బాజ్‌ దూకుడుగా ఆడుతున్నాడు.
అవేశ్ ఖాన్‌ వేసిన రెండో ఓవర్‌లో ఓ సిక్స్‌ బాదిన అతడు.. ముకేశ్‌ కుమార్‌ వేసిన మూడో ఓవర్‌లో ఫోర్‌, సిక్స్‌ కొట్టాడు.
3 ఓవర్లకు స్కోరు 26/0. ఇబ్రహీం జద్రాన్‌ (5), గుర్బాజ్‌ (18) క్రీజులో ఉన్నారు.

17/01/2024 21:05(IST)

IND vs AFG: లక్ష్యఛేదనకు దిగిన అఫ్గానిస్థాన్.. టార్గెట్ 213

భారత్ నిర్దేశించి 213 పరుగుల భారీ లక్ష్యాన్ని ఛేదించేందుకు అఫ్గాన్ బరిలోకి దిగింది.
ముకేశ్‌ కుమార్ వేసిన మొదటి ఓవర్‌లో నాలుగు పరుగులు వచ్చాయి.
ఇబ్రహీం జద్రాన్‌ (2), రహ్మనుల్లా గుర్బాజ్‌ (0) క్రీజులో ఉన్నారు.

17/01/2024 20:54(IST)

IND vs AFG: చెలరేగిన రోహిత్‌ శర్మ, రింకు సింగ్.. అఫ్గాన్ ముందు భారీ టార్గెట్

అఫ్గాన్‌తో జరుగుతున్న మూడో టీ20లో భారత కెప్టెన్ రోహిత్ శర్మ (121*; 69 బంతుల్లో 11 ఫోర్లు, 8 సిక్స్‌లు) ఆకాశమే హద్దుగా చెలరేగాడు.
మిడిల్ ఆర్డర్ బ్యాటర్ రింకు సింగ్ (69*; 39 బంతుల్లో 2 ఫోర్లు, 6 సిక్స్‌లు) కూడా చెలరేగి ఆడాడు.
దీంతో 20 ఓవర్లలో భారత్ నాలుగు వికెట్ల నష్టానికి 212 పరుగులు చేసింది.
ఒకదశలో 22 పరుగులకే నాలుగు వికెట్లు కోల్పోయి పీకల్లోతు కష్టాల్లో పడిన భారత్‌ను రోహిత్, రింకు ఆదుకుని భారీ స్కోరు అందించారు.

17/01/2024 20:48(IST)

IND vs AFG: చివరి ఓవర్‌లోనూ దంచికొట్టారు..

కరీం జనత్ వేసిన ఇన్నింగ్స్‌ చివరి ఓవర్‌లోనూ భారత బ్యాటర్లు చెలరేగి ఆడారు.
రోహిత్ రెండు సిక్స్‌లు, ఓ ఫోర్ బాదగా.. చివరి మూడు బంతులకు రింకు సింగ్ సిక్సర్లు బాదాడు.
దీంతో చివరి ఓవర్‌లో ఏకంగా 36 పరుగులు వచ్చాయి.
20 ఓవర్లకు భారత్ స్కోరు 212/4. రింకు సింగ్ (69*), రోహిత్ (121*) పరుగులు చేశారు.

17/01/2024 20:38(IST)

IND vs AFG: రోహిత్ శర్మ సెంచరీ.. టీ20ల్లో తొలి బ్యాటర్‌గా రికార్డు

రోహిత్ శర్మ సెంచరీ (64 బంతుల్లో) పూర్తి చేసుకున్నాడు.
అజ్మతుల్లా వేసిన 19 ఓవర్‌లో వరుసగా 6,4,4 బాది మూడంకెల స్కోరు అందుకున్నాడు.
ఈ క్రమంలోనే టీ20ల్లో అత్యధిక (5) సెంచరీలు చేసిన తొలి ఆటగాడిగా రికార్డు సృష్టించాడు.
ఇదే ఓవర్‌లో చివరి బంతికి రింకు సింగ్ (51) సిక్స్ బాది అర్ధ శతకం పూర్తి చేసుకున్నాడు.
19 ఓవర్లకు స్కోరు 176/4. రోహిత్ (104) పరుగులతో ఉన్నాడు.

17/01/2024 20:25(IST)

IND vs AFG: దంచికొడుతున్న రోహిత్ శర్మ.. అర్ధ శతకం దిశగా రింకు

రోహిత్ శర్మ చెలరేగి ఆడుతున్నాడు.
సలీమ్ వేసిన 16 ఓవర్‌లో మొదటి రెండు బంతులకు వరుసగా 4,6 బాదాడు.
చివరి బంతిని రింకు సింగ్ బౌండరీకి పంపాడు.
ఈ ఓవర్‌లో ఎక్స్‌ట్రాలతో కలిపి 22 పరుగులు వచ్చాయి.
16 ఓవర్లకు స్కోరు 131/4. రోహిత్ (68), రింకు (41) పరుగులతో ఉన్నారు.

17/01/2024 20:17(IST)

IND vs AFG: నిలకడగా ఆడుతున్న రోహిత్, రింకు సింగ్

భారత బ్యాటర్లు రోహిత్, రింకు సింగ్ నిలకడగా ఆడుతున్నారు.
సలీమ్ వేసిన 14 ఓవర్‌లో ఏడు పరుగులు రాగా.. కరీం జనత్ వేసిన తర్వాఇ ఓవర్‌లో 5 రన్స్‌ వచ్చాయి.
15 ఓవర్లకు స్కోరు 109/4. రోహిత్ (55), రింకు (36) పరుగులతో ఉన్నారు.

17/01/2024 20:08(IST)

IND vs AFG: హాఫ్‌ సెంచరీ పూర్తి చేసుకున్న రోహిత్ శర్మ

రోహిత్ శర్మ దూకుడు కొనసాగిస్తున్నాడు.
కైస్‌ అహ్మద్ వేసిన 13 ఓవర్లో రెండు ఫోర్లు బాది అర్ధ శతకం (41 బంతుల్లో) పూర్తి చేసుకున్నాడు.
ఇదే ఓవర్‌లో రింకు సింగ్ (30) ఓ సిక్స్ బాదాడు. 13 ఓవర్లకు స్కోరు 97/4.

17/01/2024 20:03(IST)

IND vs AFG: దూకుడు పెంచుతున్న రోహిత్ శర్మ

రోహిత్ శర్మ దూకుడు పెంచుతున్నాడు.
షారాఫుద్దీన్‌ వేసిన 12 ఓవర్‌లో నాలుగు, ఐదు బంతులకు సిక్సర్లు బాదాడు.
అంతకుముందు కైస్ అహ్మద్‌ వేసిన 11 ఓవర్‌లో నాలుగు పరుగులే వచ్చాయి.
12 ఓవర్లకు స్కోరు 81/4. రోహిత్ (41), రింకు సింగ్ (23) పరుగులతో ఉన్నారు.

17/01/2024 19:53(IST)

IND vs AFG: 10 ఓవర్లు పూర్తి.. భారత్‌ స్కోరెంతంటే?

22 పరుగులకే నాలుగు వికెట్లు కోల్పోయి కష్టాల్లో పడిన భారత్‌ను రోహిత్, రింకు సింగ్ ఆదుకుంటున్నారు.
నిలకడగా పరుగులు రాబడుతూ ఇన్నింగ్స్‌ను గాడిలో పెడుతున్నారు.
10 ఓవర్లు ముగిసేసరికి స్కోరు 61/4. రోహిత్ (27), రింకు సింగ్ (19) పరుగులతో ఉన్నారు.

17/01/2024 19:40(IST)

IND vs AFG: నిలకడగా భారత్ బ్యాటింగ్.. క్రీజులో రోహిత్, రింకు సింగ్

కష్టాల్లో పడిన భారత్‌ను ఆదుకునేందుకు రోహిత్, రింకు సింగ్ ఆదుకునేందుకు ప్రయత్నిస్తున్నారు.
కైస్‌ అహ్మద్‌ వేసిన ఏడో ఓవర్‌లో రోహిత్ (17) ఓ ఫోర్ బాదాడు.
7 ఓవర్లకు స్కోరు 34/4. రింకు సింగ్ (2) పరుగులతో ఉన్నాడు.

17/01/2024 19:27(IST)

IND vs AFG: ఐదు ఓవర్లలోపే భారత్ నాలుగు వికెట్లు

భారత బ్యాటర్లు పెవిలియన్‌కు క్యూ కట్టారు.
సంజు శాంసన్ (0) ఎదుర్కొన్న తొలి బంతికే వెనుదిరిగాడు.
ఫరీద్ అహ్మద్‌ వేసిన ఐదో ఓవర్‌లో నాలుగో బంతికి నబీకి క్యాచ్‌ ఇచ్చాడు.
5 ఓవర్లకు స్కోరు 22/4. రింకు సింగ్ (0), రోహిత్ శర్మ (8) క్రీజులో ఉన్నారు.

17/01/2024 19:24(IST)

IND vs AFG: స్వల్ప వ్యవధిలో మూడు వికెట్లు.. కష్టాల్లో భారత్

ఇప్పటికే రెండు వికెట్లు కోల్పోయి భారత్ మరో వికెట్‌ను చేజార్చుకుంది.
గత మ్యాచ్‌లో అర్ధ శతకం అదరగొట్టిన శివమ్ దూబె (1) ఈ సారి సింగిల్ డిజిట్‌కే పరిమితమయ్యాడు.
అజ్మతుల్లా వేసిన నాలుగో ఓవర్‌లో చివరి బంతికి గుర్బాజ్‌కు చిక్కాడు. 4 ఓవర్లకు స్కోరు 21/3.

17/01/2024 19:17(IST)

IND vs AFG: భారత్‌కు గట్టి షాక్‌.. కోహ్లీ గోల్డెన్ డక్

టీమ్ఇండియాకు గట్టి షాక్‌ తగిలింది. వరుస బంతుల్లో రెండు వికెట్లు కోల్పోయింది.
గత మ్యాచ్‌లో అదరగొట్టిన యశస్వి జైస్వాల్ (4) ఈ సారి నిరాశపరిచాడు.
ఫరీద్‌ అహ్మద్‌ వేసిన 2.3 ఓవర్‌కు భారీ షాట్ ఆడి నబీకి చిక్కాడు.
తర్వాతి బంతికే కోహ్లీ (0) గోల్డెన్ డక్‌గా వెనుదిరిగాడు.
అతడు ఇబ్రహీం జద్రాన్‌కు మిడాఫ్‌లో చిక్కాడు.
3 ఓవర్లకు స్కోరు 19/2. రోహిత్ (6), శివమ్ దూబె (1) క్రీజులో ఉన్నారు.

17/01/2024 19:05(IST)

IND vs AFG: ప్రారంభమైన మ్యాచ్‌. ఓపెనర్లుగా రోహిత్, యశస్వి జైస్వాల్

భారత్, అఫ్గాన్‌ మధ్య మూడో టీ20 ప్రారంభమైంది.
రోహిత్ శర్మ, యశస్వి జైస్వాల్ ఓపెనర్లుగా వచ్చారు.
ఫరీద్‌ అహ్మద్‌ వేసిన తొలి ఓవర్‌లో లెగ్‌బైస్‌ రూపంలో రెండు ఫోర్లు వచ్చాయి.
1 ఓవర్‌ ముగిసేసరికి భారత్ స్కోరు 11/0.
యశస్వి జైస్వాల్ (3), రోహిత్ శర్మ (0) క్రీజులో ఉన్నారు.

17/01/2024 18:42(IST)

అఫ్గానిస్థాన్‌ తుది జట్టు:

రహ్మానుల్లా గుర్బాజ్ (వికెట్ కీపర్‌), ఇబ్రహీం జద్రాన్ (కెప్టెన్‌), గుల్బాదిన్ నైబ్, అజ్మతుల్లా ఒమర్‌జాయ్‌, మహ్మద్ నబీ, నజీబుల్లా జద్రాన్, కరీం జనత్, షరాఫుద్దీన్ అష్రఫ్, కైస్ అహ్మద్, మహ్మద్ సలీమ్, ఫరీద్‌ అహ్మద్‌ మాలిక్‌.

17/01/2024 18:37(IST)

IND vs AFG: టీమ్‌ఇండియా తుది జట్టులో మార్పులు

టీమ్ఇండియా తుది జట్టులో పలు మార్పులు చేశారు.
అక్షర్ పటేల్, జితేశ్ శర్మ, అర్ష్‌దీప్‌ సింగ్‌లను పక్కనపెట్టారు.
వారి స్థానంలో సంజు శాంసన్, కుల్‌దీప్‌ యాదవ్‌, అవేశ్‌ ఖాన్‌లను తుది జట్టులోకి తీసుకున్నారు.

17/01/2024 17:34(IST)

ఒక్క విజయం.. టీ20 క్రికెట్‌లో చరిత్ర సృష్టించనున్న భారత్‌..!

టీ20 క్రికెట్‌లో చరిత్ర సృష్టించడానికి భారత్‌(Team India) సిద్ధంగా ఉంది. నేడు బెంగళూరు వేదికగా అఫ్గాన్‌తో జరిగే మ్యాచ్‌లో ఆ ఘనత సాధించేందుకు రోహిత్‌ సేన ఉవ్విళ్లూరుతోంది. పూర్తి వార్త కోసం క్లిక్‌ చేయండి

17/01/2024 17:33(IST)

చుట్టేస్తారా?క్లీన్‌స్వీప్‌పై భారత్‌ దృష్టి

బ్యాటింగ్‌లో తిరుగులేదు.. బౌలింగ్‌లో ఎదురులేదు.. ప్రత్యర్థి నుంచి అసలు పోటీనే లేదు.. ఆఖరి టీ20లోనే భారతే ఫేవరెట్‌. బుధవారం అఫ్గానిస్థాన్‌తో మూడో టీ20లోనూ విజయం సాధించి సిరీస్‌ను క్లీన్‌స్వీప్‌ చేస్తుందనే అందరి అంచనా. ఇప్పుడు అంతా చూస్తోంది కెప్టెన్‌ రోహిత్‌ శర్మవైపే. టీ20 ప్రపంచకప్‌ ముందు టీమ్‌ఇండియా ఆడుతున్న ఆఖరి టీ20లోనైనా అతడు రాణిస్తాడా..?పూర్తి వార్త కోసం క్లిక్‌ చేయండి

17/01/2024 17:30(IST)

నెట్స్‌లో పంత్‌

రిషబ్‌ పంత్‌ ఫిట్‌నెస్‌ మెరుగుపడుతుందనడానికి ఇంకో సూచిక. మంగళవారం చిన్నస్వామి స్టేడియంలో నెట్స్‌లో అతడు 20 నిమిషాలు సాధన చేశాడు. ఎన్‌సీఏ సిబ్బంది నుంచి అతడు త్రోలు ఎదుర్కొన్నాడు. భారత ఆటగాళ్లు ప్రాక్టీస్‌కు రావడానికి ముందు పంత్‌ నెట్స్‌లో గడిపాడు. పూర్తి వార్త కోసం క్లిక్ చేయండి

App

IND vs AFG: భారత్‌ vs అఫ్గానిస్థాన్‌.. మూడో టీ20 లైవ్‌ అప్‌డేట్స్‌

తాజా వార్తలు (Latest News)

అభిమానుల ప్రేమను పొందడం సులభం కాదు: సమంత

మా పార్టీ పుట్టుక సంచలనం.. దారి పొడవునా రాజీలేని రణం: కేటీఆర్‌

కిందపడేసి, మోకాలితో అదిమిపెట్టి.. అమెరికాలో పోలీసుల కర్కశత్వం

సునీల్ నరైన్‌కు థ్యాంక్స్‌.. శశాంక్‌ ఓ అద్భుతం: బెయిర్‌స్టో

రెచ్చిపోయిన మిలిటెంట్లు.. సీఆర్పీఎఫ్‌ శిబిరంపై 2 గంటల పాటు కాల్పుల వర్షం

పింఛన్ల పంపిణీపై ఏపీ ప్రభుత్వానికి ఈసీ ఆదేశాలు

సుఖీభవ

చదువు