Breaking | Feedback | ePratibha | E-PAPER | Pratibha

IND vs ENG: ఇంగ్లాండ్ ఆలౌట్.. సెమీస్‌కు భారత్

ఇంగ్లాండ్‌పై టీమ్ఇండియా 100 పరుగుల తేడాతో ఘన విజయం సాధించింది. భారత్ నిర్దేశించిన 230 పరుగుల లక్ష్యఛేదనలో ఇంగ్లాండ్ 129 పరుగులకే కుప్పకూలింది.

Updated : 29 Oct 2023 21:32 IST

29/10/2023 20:57(IST)

లివింగ్ స్టోన్ ఔట్

ఇంగ్లాండ్ ఎనిమిదో వికెట్ కోల్పోయింది.
లివింగ్ స్టోన్ (27) ఔటయ్యాడు.
కుల్‌దీప్‌ యాదవ్‌ వేసిన 30 ఓవర్‌లో రెండో బంతికి వికెట్ల ముందు దొరికిపోయాడు.
30 ఓవర్లకు స్కోరు 101/8. ఆదిల్ రషీద్ (20, డేవిడ్ విల్లీ (1) క్రీజులో ఉన్నారు.

29/10/2023 20:25(IST)

మొయిన్ అలీ ఔట్

షమి వేసిన 23.1 ఓవర్‌కు మొయిన్ అలీ (15) ఔటయ్యాడు.
అతడు కేఎల్ రాహుల్‌కు క్యాచ్‌ ఇచ్చాడు.
దీంతో 81 పరుగుల వద్ద ఇంగ్లాండ్ ఆరో వికెట్ కోల్పోయింది.
24 ఓవర్లకు స్కోరు 81/6. క్రిస్‌వోక్స్ (0), లివింగ్‌స్టోన్ (20) పరుగులతో ఉన్నారు.

29/10/2023 20:24(IST)

నిలకడగా ఆడుతున్న లివింగ్‌స్టోన్, మొయిన్ అలీ

ఐదు వికెట్లు కోల్పోయి కష్టాల్లో పడిన ఇంగ్లాండ్‌ను లివింగ్‌స్టోన్, మొయిన్ అలీ ఆదుకునే ప్రయత్నం చేస్తున్నారు.
గత రెండు ఓవర్లలో తొమ్మిది పరుగులు రాబట్టారు.
23 ఓవర్లకు స్కోరు 81/5.

29/10/2023 19:57(IST)

బట్లర్ క్లీన్‌బౌల్డ్

జోస్ బట్లర్ (10; 23 బంతుల్లో) ఔటయ్యాడు.
కుల్‌దీప్ యాదవ్ వేసిన 16 ఓవర్‌లో తొలి బంతికి క్లీన్‌బౌల్డ్ అయ్యాడు.
దీంతో 52 పరుగుల వద్ద ఇంగ్లాండ్ ఐదో వికెట్ కోల్పోయింది.
16 ఓవర్లకు స్కోరు 54/5. లివింగ్ స్టోన్ (1), మొయిన్ అలీ (7) పరుగులతో ఉన్నారు.

29/10/2023 19:23(IST)

క్యాచ్‌ మిస్

బుమ్రా వేసిన ఇన్నింగ్స్‌ తొమ్మిదో ఓవర్‌లో రెండో బంతిని బెయిర్‌ స్టో ఎదుర్కొన్నాడు.
బ్యాట్‌ ఎడ్జ్‌కు తాకిన బంతి స్లిప్‌లో ఉన్న కోహ్లీ వైపు రాగా.. అతడు అందుకునేందుకు ప్రయత్నించిన సాధ్యం కాలేదు.
9 ఓవర్లకు స్కోరు 39/3.

29/10/2023 19:16(IST)

బెన్‌స్టోక్స్ క్లీన్‌బౌల్డ్

టీమ్‌ఇండియా పేసర్లు విజృంభిస్తున్నారు.
బుమ్రా ఇప్పటికే రెండు వికెట్లు పడగొట్టగా.. తాజాగా షమికి వికెట్ దక్కింది.
అతడు వేసిన ఇన్నింగ్స్‌ ఎనిమిదో ఓవర్‌లో చివరి బంతికి బెన్‌స్టోక్స్ (0; 10 బంతుల్లో) క్లీన్‌బౌల్డ్ అయ్యాడు.

29/10/2023 17:57(IST)

ఇంగ్లాండ్ లక్ష్యం 230

ప్రపంచకప్ భాగంగా ఇంగ్లాండ్‌తో జరుగుతున్న మ్యాచ్‌లో భారత్ బ్యాటింగ్‌ ముగిసింది.
టీమ్‌ఇండియా నిర్ణీత 50 ఓవర్లలో 9 వికెట్ల నష్టానికి 229 పరుగులు చేసింది.
టాప్‌ ఆర్డర్‌లో శుభ్‌మన్ గిల్ (9), విరాట్ కోహ్లీ (0), శ్రేయస్ అయ్యర్ (4) తీవ్రంగా నిరాశపర్చగా.. రోహిత్ శర్మ (87; 101 బంతుల్లో 10 ఫోర్లు, 3 సిక్స్‌లు) బాధ్యతయుతామైన ఇన్నింగ్స్ ఆడి సెంచరీ ముంగిట ఔటయ్యాడు.
కేఎల్ రాహుల్ (39; 58 బంతుల్లో 3 ఫోర్లు) ఫర్వాలేదనిపించగా.. రవీంద్ర జడేజా (8) విఫలమయ్యాడు.
సూర్యకుమార్ యాదవ్ (49; 47 బంతుల్లో 4 ఫోర్లు, 1 సిక్స్‌) త్రుటిలో అర్ధ శతకం చేజార్చుకున్నాడు.
ఇంగ్లాండ్ బౌలర్లలో డేవిడ్ విల్లీ 3, క్రిస్ వోక్స్ 2, ఆదిల్ రషీద్ 2, మార్క్ వుడ్ ఒక వికెట్ పడగొట్టారు.

29/10/2023 16:51(IST)

రోహిత్ ఔట్

రోహిత్ శర్మ (87) సెంచరీ ముంగిట ఔటయ్యాడు.
ఆదిల్ రషీద్ వేసిన 37 ఓవర్‌లో భారీ షాట్ ఆడి డీప్ మిడ్‌ వికెట్‌లో లివింగ్‌స్టోన్‌కు చిక్కాడు.
దీంతో 164 పరుగుల వద్ద భారత్ ఐదో వికెట్ కోల్పోయింది.
37 ఓవర్లకు స్కోరు 165/5. రవీంద్ర జడేజా (1), సూర్యకుమార్ (25) పరుగులతో ఉన్నారు.

29/10/2023 16:21(IST)

రాహుల్ ఔట్

కేఎల్ రాహుల్ (39; 58 బంతుల్లో 3 ఫోర్లు) ఔటయ్యాడు.
విల్లీ వేసిన 31 ఓవర్లో రెండో బంతికి భారీ షాట్ ఆడి బెయిర్‌స్టోకు చిక్కాడు.
దీంతో 131 పరుగుల వద్ద టీమ్‌ఇండియా నాలుగో వికెట్ కోల్పోగా.. 91 పరుగుల భాగస్వామ్యానికి తెరపడింది.

29/10/2023 16:14(IST)

నిలకడగా బౌండరీలు

రోహిత్ శర్మ నిలకడగా బౌండరీలు బాదుతున్నాడు.
లివింగ్ స్టోన్ వేసిన 29 ఓవర్‌లో ఏడు పరుగులు రాగా.. రోహిత్ ఓ బౌండరీ బాదడంతోపాటు రెండు పరుగులు సాధించాడు.
29 ఓవర్లకు స్కోరు 125/3. రోహిత్ (74), రాహుల్ (38) పరుగులతో ఉన్నారు.

29/10/2023 15:53(IST)

రోహిత్ అర్ధ శతకం

టీమ్ఇండియా కెప్టెన్ రోహిత్ శర్మ అర్ధ శతకం పూర్తిచేసుకున్నాడు.
మార్క్‌వుడ్ వేసిన 24 ఓవర్‌లో మూడో బంతికి రెండు పరుగులు చేసి హాప్‌ సెంచరీ మార్క్‌ అందుకున్నాడు.
నాలుగో బంతిని ఫైన్‌ లెగ్ మీదుగా స్టాండ్స్‌లోకి పంపాడు హిట్‌మ్యాన్‌.
24 ఓవర్లకు స్కోరు 89/3. రాహుల్ (19), రోహిత్ (57) పరుగులతో ఉన్నారు.

29/10/2023 15:44(IST)

రోహిత్ @ 18,000

ఆదిల్ రషీద్ వేసిన 21 ఓవర్‌లో ఐదు పరుగులు వచ్చాయి.
మొదటి బంతికి రాహుల్ సింగిల్ తీయగా.. మూడో బంతిని రోహిత్ శర్మ బౌండరీ బాదాడు.
ఈ ఫోర్‌తో హిట్‌మ్యాన్‌ అంతర్జాతీయ క్రికెట్‌లో 18 వేల పరుగుల మైలురాయిని అందుకున్నాడు.
21 ఓవర్లకు స్కోరు 78/3. రోహిత్‌ (48) అర్ధ శతకానికి చేరువ కాగా.. కేఎల్ రాహుల్‌ (17) పరుగులతో ఉన్నారు.

29/10/2023 15:23(IST)

కవర్స్‌ మీదుగా బౌండరీ

17 ఓవర్లు: రోహిత్ శర్మ (42*) అద్భుతమైన బౌండరీ కొట్టాడు.
అదిల్ రషీద్ వేసిన మూడో బంతిని కవర్స్‌ మీదుగా ఫోర్‌కు తరలించాడు.
ఈ ఓవర్‌లో ఏడు పరుగులు వచ్చాయి.
దీంతో భారత్ స్కోరు 63/3కి చేరింది.

29/10/2023 15:17(IST)

బౌలింగ్‌కు మార్క్ వుడ్‌.. రోహిత్‌కు దక్కిన లైఫ్‌

16 ఓవర్లు: మరో పేసర్‌ మార్క్ వుడ్ బౌలింగ్‌కు వచ్చాడు.
ఐదో బంతికి ఎల్బీగా ఔటయ్యే ప్రమాదం నుంచి డీఆర్‌ఎస్‌ నిర్ణయంతో బయటపడ్డాడు.
తొలుత అంపైర్ ఔట్ ఇచ్చాడు. అయితే, సమీక్షలో వికెట్లను తాకడం లేదని తేలింది.
చివరి బంతిని రోహిత్ శర్మ (37*) బ్యాక్‌వర్డ్‌పాయింట్‌ మీదుగా ఫోర్‌ బాదేశాడు.
ఈ ఓవర్‌లో ఐదు పరుగులు వచ్చాయి.
భారత్‌ స్కోరు 55/3.

29/10/2023 14:58(IST)

శ్రేయస్‌ ఔట్

భారత్ మరో వికెట్‌ను కోల్పోయింది.
శ్రేయస్‌ అయ్యర్ (4) బాధ్యతారాహితంగా ఆడి వికెట్‌ను సమర్పించాడు.
అత్యంత చెత్త షాట్‌తో వికెట్‌ను పడేసుకున్నాడు.
క్రిస్‌ వోక్స్‌ వేసిన (11.5వ ఓవర్‌) షార్ట్‌ పిచ్‌ బంతిని కొట్టే ప్రయత్నంలో మార్క్‌వుడ్‌ చేతికి చిక్కాడు.
దీంతో 40 పరుగుల వద్ద భారత్‌ మూడో వికెట్‌ను నష్టపోయింది.
అనంతర క్రీజ్‌లోకి కేఎల్ రాహుల్‌ వచ్చాడు.
ఈ ఓవర్‌లో కేవలం ఒక్క పరుగు మాత్రమే వచ్చింది.
ప్రస్తుతం 12 ఓవర్లకు భారత్‌ స్కోరు 40/3.

29/10/2023 14:50(IST)

ముగిసిన పవర్‌ ప్లే

10 ఓవర్లు: తొలి పవర్‌ ప్లే ముగిసింది.
భారత్‌ రెండు కీలక వికెట్లను కోల్పోయింది.
పదో ఓవర్‌ వేసిన క్రిస్‌ వోక్స్‌ ఒక బౌండరీ మాత్రమే ఇచ్చాడు.
అదీనూ రోహిత్ శర్మ (24*) కొట్టాడు.
దీంతో భారత్ స్కోరు 35/2కి చేరింది.
క్రీజ్‌లో రోహిత్‌తోపాటు శ్రేయస్‌ (2*) ఉన్నాడు.

29/10/2023 14:37(IST)

విరాట్ డకౌట్

విరాట్ కోహ్లీ డకౌట్‌గా పెవిలియన్‌కు చేరాడు.
తొమ్మిది బంతులు ఆడినా సింగిల్‌ కూడా చేయలేకపోయాడు.
దీంతో డేవిడ్‌ విల్లే బౌలింగ్‌లో (6.5వ ఓవర్‌) భారీ షాట్‌కు యత్నించాడు.
దీంతో 27 పరుగుల వద్ద భారత్‌ రెండో వికెట్‌ను నష్టపోయింది.
అనంతరం క్రీజ్‌లోకి శ్రేయస్‌ అయ్యర్ (1*) వచ్చాడు.
చివరి బంతికి రనౌట్‌ ప్రమాదం నుంచి తప్పించుకున్నాడు.
ఈ ఓవర్‌లో కేవలం ఒక్క పరుగు మాత్రమే వచ్చింది.
దీంతో భారత్ స్కోరు 7 ఓవర్లకు 28/1.
వరల్డ్‌ కప్‌ టోర్నీల్లో విరాట్ కోహ్లీ తొలిసారి డకౌట్‌ కావడం గమనార్హం.

29/10/2023 14:31(IST)

కట్టుదిట్టంగా బౌలింగ్‌

6 ఓవర్లు: ఇంగ్లాండ్‌ బౌలర్లు కట్టుదిట్టంగా బౌలింగ్‌ వేస్తున్నారు.
క్రిస్‌ వోక్స్‌ ఈ ఓవర్‌ను మెయిడిన్‌ చేశాడు.
నాలుగో బంతికి రోహిత్ శర్మ (18*) ఔటయ్యే ప్రమాదం నుంచి బయటపడ్డాడు.
రోహిత్ బ్యాట్‌కు ఎడ్జ్‌ తీసుకున్న బంతి స్లిప్‌లోఉన్న రూట్‌కు కాస్త ముందు పడింది.
దీంతో మరోవికెట్‌నుకోల్పోయేప్రమాదం తప్పింది.
ప్రస్తుతం భారత్‌ స్కోరు 27/1.

29/10/2023 14:22(IST)

గిల్ క్లీన్‌ బౌల్డ్‌

భారత్ తొలి వికెట్‌ను కోల్పోయింది.
శుభ్‌మన్‌ గిల్ (9) క్లీన్‌ బౌల్డయ్యాడు.
క్రిస్‌ వోక్స్‌ వేసిన ఇన్‌స్వింగర్‌ను అంచనా వేయడంలో విఫలమైన గిల్ వికెట్‌ను సమర్పించాడు.
దీంతో 4 ఓవర్లకు భారత్‌ స్కోరు 26/1.
క్రీజ్‌లోకి విరాట్ కోహ్లీ వచ్చాడు.

29/10/2023 14:16(IST)

రోహిత్ సిక్స్‌, ఫోర్

3 ఓవర్లు: తొలి ఓవర్‌ను ఆచితూచి ఆడిన రోహిత్ (11*) బ్యాట్‌ను ఝుళిపించాడు.
డేవిడ్ విల్లే బౌలింగ్‌లో రెండు సిక్స్‌లు, ఫోర్‌ కొట్టాడు.
ఈ ఓవర్‌లో మొత్తం 18 పరుగులు వచ్చాయి.
దీంతో భారత్‌ స్కోరు 22/0కి చేరింది.
గిల్ (5*) నిదానంగా ఆడాడు.

29/10/2023 13:38(IST)

సేమ్‌ టీమ్‌

గత మ్యాచ్‌లో కివీస్‌తో ఆడిన జట్టుతోనే ఈసారి కూడా భారత్‌ బరిలోకి దిగింది. జట్టులో రోహిత్ శర్మ (కెప్టెన్), శుభ్‌మన్‌ గిల్, విరాట్ కోహ్లీ, శ్రేయస్‌ అయ్యర్, కేఎల్ రాహుల్ (వికెట్ కీపర్), సూర్యకుమార్‌ యాదవ్, రవీంద్ర జడేజా, కుల్‌దీప్‌ యాదవ్, షమీ, బుమ్రా, సిరాజ్‌ ఉన్నారు.

29/10/2023 13:34(IST)

ఇంగ్లాండ్‌దే టాస్‌

ఇంగ్లాండ్‌తో మ్యాచ్‌కు భారత కెప్టెన్‌ రోహిత్ శర్మ వచ్చేశాడు. గాయపడినట్లు వార్తలు వచ్చినా.. టాస్‌ సమయంలో జోస్‌ బట్లర్‌తో కలిసి రోహిత్ మైదానంలోకి వచ్చాడు. ఈ క్రమంలో టాస్‌ నెగ్గిన ఇంగ్లాండ్‌ కెప్టెన్ జోస్ బట్లర్ బౌలింగ్‌ ఎంచుకున్నాడు.

29/10/2023 13:14(IST)

లఖ్‌నవూ వేదిక.. ఇప్పటికీ ఆ బాధ అలానే ఉంది: కేఎల్ రాహుల్

వన్డే ప్రపంచకప్‌ (ODI World Cup 2023)లో ఇంగ్లాండ్‌తో లఖ్‌నవూ వేదికగా భారత్ (IND vs ENG) తలపడనుంది. లఖ్‌నవూలోని ఏకనా స్టేడియంతో టీమ్‌ఇండియా ఆటగాడు కేఎల్ రాహుల్‌కు ప్రత్యేక అనుబంధం ఉంది. ఇండియన్‌ ప్రీమియర్‌ లీగ్‌ (IPL 2023)లో లఖ్‌నవూ సూపర్‌ జెయింట్స్‌కు సారథిగా రాహుల్ వ్యవహరిస్తున్న విషయం తెలిసిందే. అలానే ఈ స్టేడియంలో చేదు అనుభవమూ రాహుల్ ఎదుర్కొన్నాడు. ఐపీఎల్‌ లీగ్‌ మధ్యలోనే గాయపడటంతో దాదాపు ఐదు నెలలు ఆటకు దూరం కావాల్సి వచ్చింది. ఇంగ్లాండ్‌తో మ్యాచ్‌కు ముందు నిర్వహించిన ప్రెస్ కాన్ఫరెన్స్‌లో కేఎల్ రాహుల్ (KL Rahul) కీలక వ్యాఖ్యలు చేశాడు. ఇప్పుడు వాటన్నింటినీ పక్కన పెట్టేసి ఫ్రెష్‌గా ఆడాలని ఈ మిడిలార్డర్‌ బ్యాటర్ భావిస్తున్నాడు. పూర్తి వార్త కోసం క్లిక్‌ చేయండి

29/10/2023 13:13(IST)

అదిగో సెమీస్‌ బెర్తు.. ఇంగ్లాండ్‌తో భారత్‌ ఢీ

చిన్నదైనా, పెద్దదైనా.. ప్రపంచకప్‌లో ఏ జట్టు ఎదురొచ్చినా తగ్గట్లేదు టీమ్‌ఇండియా. తొలి మ్యాచ్‌లో ఆస్ట్రేలియా, చివరి మ్యాచ్‌లో న్యూజిలాండ్‌ విసిరిన సవాళ్లను కూడా కాచుకుంది. మధ్యలో మిగతా జట్లు అసలు భారత్‌కు పోటీనే ఇవ్వలేకపోయాయి. అయిదుకు అయిదు విజయాలతో సెమీస్‌కు అత్యంత చేరువగా నిలిచిన రోహిత్‌ సేన.. ఇంకొక్క గెలుపు సాధిస్తే నాకౌట్‌లో అడుగు పెడుతుంది. కివీస్‌ను ఓడించాక వారం విరామం పొందిన టీమ్‌ఇండియా.. తర్వాతి పోరుకు సిద్ధమైంది. టోర్నీలో పేలవ ప్రదర్శనతో షాక్‌ల మీద షాక్‌లు తిన్న డిఫెండింగ్‌ ఛాంపియన్‌ ఇంగ్లాండ్‌ను ఢీకొనబోతున్న భారత్‌.. స్థాయికి తగ్గ ప్రదర్శన చేస్తే సెమీస్‌ చేరుతుంది. పూర్తి వార్త కోసం క్లిక్‌ చేయండి

29/10/2023 13:12(IST)

ఫ్యాన్స్‌కు షాకింగ్‌ న్యూస్.. రోహిత్‌ శర్మకు గాయం!

వన్డే ప్రపంచకప్‌లో (ODI World Cup 2023) లఖ్‌నవూ వేదికగా ఇంగ్లాండ్‌తో తలపడేందుకు భారత్ (IND vs ENG) సిద్ధమవుతోంది. వరుస విజయాలతో కొనసాగుతున్న భారత్ సెమీస్ బెర్తుపై కన్నేసింది. అయితే, టీమ్‌ఇండియా క్రికెట్ అభిమానులకు షాకింగ్‌ న్యూస్‌ ఒకటి బయటకొచ్చింది. ఆంగ్ల వెబ్‌సైట్ల కథనాల ప్రకారం.. భారత కెప్టెన్ రోహిత్ శర్మ ఇంగ్లాండ్‌తో మ్యాచ్‌కు దూరమవుతున్నట్లు తెలుస్తోంది. ప్రాక్టీస్‌ సందర్భంగా స్వల్ప గాయం కావడంతో ఈ మ్యాచ్‌కు విశ్రాంతి తీసుకుంటాడనే కథనాలు వస్తున్నాయి. శనివారం ప్రాక్టీస్ సెషన్‌లో రోహిత్‌ మణికట్టుకు గాయమైనట్లు సమాచారం. అయితే, బీసీసీఐ లేదా టీమ్‌ మేనేజ్‌మెంట్‌ మాత్రం అధికారికంగా ఎలాంటి అప్‌డేట్‌ ఇవ్వలేదు. ఒకవేళ ఈ మ్యాచ్‌లో రోహిత్ ఆడకపోతే అతడి స్థానంలో కేఎల్ రాహుల్‌ కెప్టెన్సీ బాధ్యతలు నిర్వర్తిస్తాడు.

IND vs ENG: ఇంగ్లాండ్ ఆలౌట్.. సెమీస్‌కు భారత్

తాజా వార్తలు (Latest News)

Hyderabad vs Lucknow: ఐపీఎల్‌లో చరిత్ర సృష్టించిన హైదరాబాద్‌.. రికార్డుల మీద రికార్డులు

అక్షయ తృతీయకు బంగారం కొంటున్నారా? నాణ్యతను గుర్తించండిలా..

వేసవి విహారానికి ఎక్కువగా సెర్చ్‌ చేసిన ప్రదేశాలు ఇవే..

నిహారికను ఫొటో తీసిన ప్రియదర్శి.. రెడ్‌ కలర్‌ డ్రెస్సులో కృతి

జపాన్‌లో ఖాళీగా 90 లక్షల ఇళ్లు..!

మమ్మల్ని సంజూ కంగారు పెట్టేశాడు.. అందుకే ఆ రియాక్షన్‌: దిల్లీ ఓనర్

సుఖీభవ

చదువు