Breaking | Feedback | ePratibha | E-PAPER | Pratibha

పంజాబ్‌ X హైదరాబాద్‌ ఐపీఎల్ మ్యాచ్‌ లైవ్‌ అప్‌డేట్స్‌

పంజాబ్‌తో జరిగిన ఉత్కంఠ పోరులో హైదరాబాద్‌ రెండు పరుగుల తేడాతో విజయం సాధించింది. తొలుత హైదరాబాద్‌ నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది. ఈ భారీ లక్ష్యఛేదనలో పంజాబ్ 6 వికెట్ల నష్టానికి 180 పరుగులు చేసింది.

Updated : 09 Apr 2024 23:23 IST

09/04/2024 23:13(IST)

Punjab vs Hyderabad: ఉత్కంఠ పోరులో హైదరాబాద్‌ విజయం

పంజాబ్‌తో జరిగిన ఉత్కంఠ పోరులో హైదరాబాద్‌ రెండు పరుగుల తేడాతో విజయం సాధించింది.
తొలుత హైదరాబాద్‌ నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది.
ఈ భారీ లక్ష్యఛేదనలో పంజాబ్ 6 వికెట్ల నష్టానికి 180 పరుగులు చేసింది.
చివరి ఓవర్‌లో పంజాబ్‌ విజయానికి 29 పరుగులు అవసరం కాగా.. ఉనద్కత్‌ 26 పరుగులు ఇచ్చాడు.
చివర్లో అషుతోష్ శర్మ (33*; 15 బంతులలో 3 ఫోర్లు, 2 సిక్స్‌లు), శశాంక్ సింగ్ (46; 25 బంతుల్లో 6 ఫోర్లు, 1 సిక్స్‌) చెలరేగి ఆడినా పంజాబ్‌కు ఓటమి తప్పలేదు.
హైదరాబాద్ బౌలర్లలో భువనేశ్వర్‌ కుమార్‌ 2, కమిన్స్‌, నటరాజన్, నితీశ్ రెడ్డి, ఉనద్కత్ ఒక్కో వికెట్ పడగొట్టారు.

09/04/2024 23:03(IST)

Punjab vs Hyderabad: ఉత్కంఠగా మారుతున్న మ్యాచ్‌

మ్యాచ్‌ ఉత్కంఠగా మారుతోంది.
కమిన్స్‌ వేసిన 18 ఓవర్‌లో అషుతోష్ శర్మ (11) వరుసగా రెండు ఫోర్లు బాదాడు.
18 ఓవర్లకు స్కోరు 144/6. శశాంక్ సింగ్ (35) పరుగులతో ఉన్నాడు.
పంజాబ్ విజయానికి 12 బంతుల్లో 39 పరుగులు అవసరం.

09/04/2024 22:59(IST)

Punjab vs Hyderabad: భువీ బౌలింగ్‌.. మూడు ఫోర్లు బాదిన శశాంక్

భువనేశ్వర్‌ వేసిన 17 ఓవర్‌లో 17 పరుగులు వచ్చాయి.
శశాంక్‌ సింగ్ (33; 19 బంతుల్లో) మూడు ఫోర్లు బాదాడు.
17 ఓవర్లకు స్కోరు 133/6. అషుతోష్ (2) పరుగులతో ఉన్నాడు.
పంజాబ్ విజయానికి 18 బంతుల్లో 50 పరుగులు అవసరం.

09/04/2024 22:50(IST)

Punjab vs Hyderabad: జితేశ్‌ శర్మ ఔట్.. పంజాబ్ ఆరో వికెట్

నితీశ్‌ రెడ్డి వేసిన 16 ఓవర్‌లో రెండో బంతికి సిక్స్ బాదిన జితేశ్‌ శర్మ (19) తర్వాతి బంతికే అభిషేక్‌కు క్యాచ్‌ ఇచ్చాడు.
16 ఓవర్లకు స్కోరు 116/6. అషుతోష్ శర్మ (1), శశాంక్ సింగ్ (19) పరుగులతో ఉన్నారు.

09/04/2024 22:38(IST)

Punjab vs Hyderabad: సగం వికెట్లు కోల్పోయిన పంజాబ్‌

ఉనద్కత్ వేసిన 13.1 ఓవర్‌కు సికిందర్ రజా (28) క్లాసెన్‌కు చిక్కాడు.
దీంతో 91 పరుగుల వద్ద పంజాబ్‌ ఐదో వికెట్ కోల్పోయింది.
14 ఓవర్లకు స్కోరు 97/5. జితేశ్‌ శర్మ (5), శశాంక్ సింగ్ (16) పరుగులతో ఉన్నారు.

09/04/2024 22:31(IST)

Punjab vs Hyderabad: దూకుడుగా ఆడుతున్న సికిందర్ రజా

సికిందర్‌ రజా దూకుడుగా ఆడుతున్నాడు.
షాబాజ్‌ అహ్మద్‌ వేసిన 12 ఓవర్‌లో 10 పరుగులు వచ్చాయి.
నాలుగో బంతికి డీప్‌స్క్వేర్‌ లెగ్ మీదుగా 95 మీటర్ల సిక్స్ బాదాడు.
12 ఓవర్లకు స్కోరు 84/4. శశాంక్ సింగ్ (10) పరుగులతో ఉన్నాడు.

09/04/2024 22:11(IST)

Punjab vs Hyderabad: సామ్ కరన్‌ సిక్సర్‌.. 50కి చేరువలో పంజాబ్

జయ్‌దేవ్ ఉనద్కత్ వేసిన ఎనిమిదో ఓవర్‌లో తొమ్మిది పరుగులు వచ్చాయి.
తొలి బంతికి సామ్‌ కరన్ (21) సిక్స్ బాదగా.. తర్వాత మూడు సింగిల్స్‌ వచ్చాయి.
8 ఓవర్లకు స్కోరు 49/3. సికిందర్ రజా (9) పరుగులతో ఉన్నాడు.

09/04/2024 21:59(IST)

Punjab vs Hyderabad: పవర్‌ ప్లే పూర్తి.. పంజాబ్‌ స్కోరు 27/3

లక్ష్య ఛేదనకు దిగిన పంజాబ్‌ పవర్‌ ప్లే పూర్తయింది.
6 ఓవర్లు ముగిసే సరికి 3 వికెట్ల నష్టానికి 27 పరుగులు చేసింది.
ఈ ఓవర్లో బౌండరీ సహా 6 పరుగులు వచ్చాయి.
సామ్‌ కరన్‌ (8), సికిందర్‌ (0) క్రీజులో ఉన్నారు.

09/04/2024 21:53(IST)

Punjab vs Hyderabad: మూడో వికెట్‌ డౌన్‌.. ధావన్‌ (14) స్టంపౌట్‌

పంజాబ్‌ వరుస వికెట్లు కోల్పోతోంది.
ఓపెనర్‌ ధావన్‌ ఔటయ్యాడు.
భువనేశ్వర్‌ వేసిన 4.4వ బంతికి స్టంపౌటయ్యాడు.
అంతకు ముందుబంతికే లైఫ్‌ వచ్చినా వినియోగించుకోలేకపోయాడు.
4.3వ బంతిని షాట్‌ ఆడగా స్లిప్‌లో ఉన్న సమద్‌ క్యాచ్‌ అందుకోలేకపోయాడు.
సికిందర్‌ క్రీజులోకి వచ్చాడు
5 ఓవర్లకు స్కోరు 20/3.

09/04/2024 21:46(IST)

Punjab vs Hyderabad: మరో వికెట్‌ కోల్పోయిన పంజాబ్‌.. ప్రభ్‌సిమ్రన్‌ (4) ఔట్‌

పంజాబ్‌ రెండో వికెట్‌ కోల్పోయింది.
ప్రభ్‌ సిమ్రన్‌ (4) ఔటయ్యాడు.
మూడో ఓవర్ చివరి బంతికి భారీ షాట్‌కు ప్రయత్నించి నితీశ్‌ రెడ్డి చేతికి చిక్కిపోయాడు.
సామ్‌ కరన్‌ క్రీజులోకి వచ్చాడు.
3 ఓవర్లకు స్కోరు 11/2

09/04/2024 21:41(IST)

Punjab vs Hyderabad: కట్టు దిట్టంగా బంతులు విసురుతున్న హైదరాబాద్‌

హైదరాబాద్‌ బౌలర్లు కట్టుదిట్టంగా బంతులు విసురుతున్నారు
2 ఓవర్లలో పంజాబ్‌ ఒక వికెట్‌ కోల్పోయి 2 పరుగులు మాత్రమే చేసింది.
ధావన్‌ (1), ప్రభ్‌ సిమ్రన్‌ (0) కొనసాగుతున్నారు.

09/04/2024 21:16(IST)

Punjab vs Hyderabad: దుమ్మురేపిన తెలుగు కుర్రాడు.. పంజాబ్ లక్ష్యం 183

పంజాబ్‌తో జరుగుతున్న మ్యాచ్‌లో హైదరాబాద్‌ భారీ స్కోరు సాధించింది.
నిర్ణీత 20 ఓవర్లలో 9 వికెట్ల నష్టానికి 182 పరుగులు చేసింది.
తెలుగు కుర్రాడు నితీశ్ రెడ్డి (64; 37 బంతుల్లో 4 ఫోర్లు, 5 ఫోర్లు) చెలరేగి ఆడి ఐపీఎల్‌లో తొలి అర్ధ శతకం పూర్తి చేసుకున్నాడు.
39 పరుగులకే మూడు వికెట్లు కోల్పోయి కష్టాల్లో పడిన హైదరాబాద్‌ను నితీశ్‌ రెడ్డి ఆదుకున్నాడు. దూకుడుగా ఆడి 32 బంతుల్లోనే హాఫ్‌ సెంచరీ పూర్తి చేసుకున్నాడు.
అబ్దుల్ సమద్ (25; 12 బంతుల్లో 5 ఫోర్లు) ధాటిగా ఆడినా ఎక్కువసేపు క్రీజులో నిలవలేకపోయాడు.
ఓపెనర్లు ట్రావిస్ హెడ్ (21), అభిషేక్ శర్మ (16) పరుగులు చేశారు. మార్‌క్రమ్‌ (0), క్లాసెన్ (9), రాహుల్ త్రిపాఠి (11) నిరాశ పర్చారు.
పంజాబ్‌ బౌలర్లలో అర్ష్‌దీప్‌ సింగ్ 4, సామ్ కరన్, హర్షల్ పటేల్ రెండేసి వికెట్లు పడగొట్టారు. రబాడ ఒక వికెట్ తీశాడు.

09/04/2024 21:03(IST)

Punjab vs Hyderabad: ఎనిమిది వికెట్లు కోల్పోయిన హైదరాబాద్

హైదరాబాద్‌ వరుసగా వికెట్లు కోల్పోతోంది.
రబాడ వేసిన 17.3 ఓవర్‌కు పాట్ కమిన్స్ (3) క్లీన్‌బౌల్డ్ అయ్యాడు.
దీంతో 155 పరుగుల వద్ద హైదరాబాద్‌ ఎనిమిదో వికెట్ కోల్పోయింది.
18 ఓవర్లకు స్కోరు 156/8. భువనేశ్వర్‌ (0), షాబాజ్‌ అహ్మద్‌ (1) క్రీజులో ఉన్నారు.

09/04/2024 21:00(IST)

Punjab vs Hyderabad: నితీశ్‌ రెడ్డి (64) ఔట్.. హైదరాబాద్‌ ఏడో వికెట్

అర్ధ శతకం బాదిన నితీశ్ రెడ్డి (64) ఔటయ్యాడు.
అర్ష్‌దీప్ వేసిన 17 ఓవర్‌లో ఐదో బంతికి భారీ షాట్ ఆడి రబాడకు క్యాచ్‌ ఇచ్చాడు.
17 ఓవర్లకు స్కోరు 152/7. షాబాజ్‌ అహ్మద్‌ (1), పాట్ కమిన్స్ (1) క్రీజులో ఉన్నారు.

09/04/2024 20:47(IST)

Punjab vs Hyderabad: అర్ధ శతకం బాదేసిన నితీశ్ రెడ్డి

ఐపీఎల్‌లో నితీశ్ రెడ్డి తొలి అర్ధ శతకం బాదాడు.
హర్‌ప్రీత్ బ్రార్‌ వేసిన 15 ఓవర్‌లో వరుసగా 4,6,4,6 బాదేశాడు.
ఈ క్రమంలో 32 బంతుల్లో హాఫ్‌ సెంచరీ అందుకున్నాడు.
15 ఓవర్లకు స్కోరు 133/5. నితీశ్ ((63), అబ్దుల్ సమద్ (9) పరుగులతో ఉన్నారు.

09/04/2024 20:39(IST)

Punjab vs Hyderabad: క్లాసెన్ (9) ఔట్.. ఐదో వికెట్ కోల్పోయిన హైదరాబాద్‌

సూపర్ ఫామ్‌లో ఉన్న హెన్రిచ్ క్లాసెన్ (9) ఈ మ్యాచ్‌లో నిరాశపర్చాడు.
హర్షల్ పటేల్ వేసిన 13.1 ఓవర్‌కు సామ్‌కరన్‌కు క్యాచ్‌ ఇచ్చాడు.
దీంతో 100 పరుగుల వద్ద హైదరాబాద్‌ ఐదో వికెట్ కోల్పోయింది.

09/04/2024 20:30(IST)

Punjab vs Hyderabad: దూకుడు పెంచిన హైదరాబాద్‌ బ్యాటర్లు

హైదరాబాద్ బ్యాటర్లు దూకుడు పెంచారు.
హర్‌ప్రీత్ బ్రార్ వేసిన 11 ఓవర్‌లో 15 పరుగులు వచ్చాయి.
నితీశ్‌ రెడ్డి (25) వరుసగా ఫోర్, సిక్స్‌ బాదాడు. చివరి బంతికి క్లాసెన్ (5) బౌండరీ రాబట్టాడు.
11 ఓవర్లకు స్కోరు 81/4.

09/04/2024 20:25(IST)

Punjab vs Hyderabad: రాహుల్ త్రిపాఠి (11) ఔట్.. హైదరాబాద్‌ నాలుగో వికెట్

హైదరాబాద్‌ కష్టాలు కొనసాగుతున్నాయి.
హర్షల్ పటేల్ వేసిన పదో ఓవర్‌లో నాలుగో బంతికి రాహుల్ త్రిపాఠి (11) ఔటయ్యాడు.
అతడు వికెట్ కీపర్‌ జితేశ్‌కు క్యాచ్‌ ఇచ్చాడు.
10 ఓవర్లు ముగిసేసరికి స్కోరు 66/4. నితీశ్‌ రెడ్డి (14), హెన్రిచ్‌ క్లాసెన్ (1) పరుగులతో ఉన్నారు.

09/04/2024 20:14(IST)

Punjab vs Hyderabad: 8 ఓవర్‌.. 50 దాటిన హైదరాబాద్ స్కోరు

సామ్ కరన్‌ వేసిన ఎనిమిదో ఓవర్‌లో తొమ్మిది పరుగులు వచ్చాయి.
తొలి బంతికి నితీశ్ రెడ్డి (8) ఫోర్ బాదాడు. చివరి రెండు బంతులకు రెండేసి పరుగులు వచ్చాయి.
8 ఓవర్లకు స్కోరు 56/3. త్రిపాఠి (8) పరుగులతో ఉన్నాడు.

09/04/2024 20:10(IST)

Punjab vs Hyderabad: నిలకడగా ఆడుతున్న హైదరాబాద్‌ బ్యాటర్లు

హైదరాబాద్‌ బ్యాటర్లు నిలకడగా ఆడుతున్నారు.
హర్‌ప్రీత్‌ బ్రార్‌ వేసిన ఏడో ఓవర్‌ ఏడు పరుగులు వచ్చాయి.
7 ఓవర్లకు స్కోరు 47/3. నితీశ్ రెడ్డి (3), రాహుల్ త్రిపాఠి (4) పరుగులతో ఉన్నారు.

09/04/2024 19:58(IST)

Punjab vs Hyderabad: అభిషేక్‌ దూకుడుకు చెక్‌ పెట్టిన సామ్‌ కరన్

సామ్‌కరన్‌ వేసిన ఐదో ఓవర్‌లో నాలుగో బంతికి అభిషేక్ శర్మ (16) సిక్సర్ బాదాడు.
తర్వాతి బంతికి ఫోర్ కొట్టిన అభిషేక్‌.. చివరి బంతికి శశాంక్‌ సింగ్‌కు క్యాచ్‌ ఇచ్చాడు.
5 ఓవర్లకు స్కోరు 39/3.

09/04/2024 19:51(IST)

Punjab vs Hyderabad: హైదరాబాద్‌కు మరో షాక్‌ ఇచ్చిన అర్ష్‌దీప్‌ సింగ్

అర్ష్‌దీప్‌ సింగ్ ఈ ఓవర్‌లోనే మరో వికెట్ పడగొట్టాడు.
మార్‌క్రమ్‌ డకౌటయ్యాడు. 3.4 ఓవర్‌కు వికెట్‌ కీపర్‌ జితేశ్‌కు క్యాచ్‌ ఇచ్చాడు.
4 ఓవర్లకు స్కోరు 28/2. నితీశ్ రెడ్డి (0), అభిషేక్ శర్మ (6) క్రీజులో ఉన్నారు.

09/04/2024 19:44(IST)

Punjab vs Hyderabad: హ్యాట్రిక్‌ ఫోర్లు కొట్టిన ట్రావిస్‌ హెడ్

కగిసో రబాడ తన రెండో ఓవర్‌లో 16 పరుగులు సమర్పించుకున్నాడు.
అతడు వేసిన ఇన్నింగ్స్‌ మూడో ఓవర్‌లో తొలి మూడు బంతులను ట్రావిస్ హెడ్ (21) బౌండరీకి తరలించాడు.
3 ఓవర్లకు స్కోరు 26/0. అభిషేక్ శర్మ (5) పరుగులతో ఉన్నాడు.

09/04/2024 19:35(IST)

Punjab vs Hyderabad: బౌండరీతో ఖాతా తెరిచిన ట్రావిస్ హెడ్

రబాడ వేసిన తొలి ఓవర్‌లో బౌండరీ బాది హైదరాబాద్‌ పరుగుల ఖాతా తెరిచాడు ట్రావిస్ హెడ్.
ఈ ఓవర్‌లో తొలి రెండు బంతులు డాట్.. మూడో బంతికి హెడ్ బౌండరీ రాబట్టగా.. తర్వాత పరుగులేమీ రాలేదు.

09/04/2024 19:13(IST)

Punjab vs Hyderabad: హైదరాబాద్ తుది జట్టు ఇదే

పాట్ కమిన్స్‌ (కెప్టెన్), ట్రావిస్ హెడ్, అభిషేక్ శర్మ, ఐదెన్ మార్‌క్రమ్‌, హెన్రిచ్ క్లాసెన్ (వికెట్ కీపర్‌), షాబాజ్ అహ్మద్, నితీష్ కుమార్ రెడ్డి, అబ్దుల్ సమద్, భువనేశ్వర్ కుమార్, నటరాజన్, జయదేవ్ ఉనద్కత్.

09/04/2024 19:07(IST)

Punjab vs Hyderabad: పంజాబ్ తుది జట్టులో ఉన్నది వీరే

శిఖర్ ధావన్ (కెప్టెన్‌), జానీ బెయిర్‌స్టో, జితేశ్‌ శర్మ (వికెట్ కీపర్‌), సామ్ కరన్, సికందర్ రజా, శశాంక్ సింగ్, అషుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబాడ, అర్ష్‌దీప్ సింగ్.

09/04/2024 18:25(IST)

Punjab vs Hyderabad: తుది జట్లు (అంచనా)

పంజాబ్: శిఖర్ ధావన్ (కెప్టెన్), జానీ బెయిర్‌స్టో, ప్రభ్‌ సిమ్రన్ సింగ్, సామ్ కరన్, జితేశ్ శర్మ (వికెట్ కీపర్), శశాంక్‌ సింగ్, లియామ్‌ లివింగ్‌స్టోన్, అషుతోష్‌ శర్మ, హర్‌ప్రీత్ బ్రార్, హర్షల్ పటేల్, కగిసో రబాడ

హైదరాబాద్‌: ట్రావిస్ హెడ్, అభిషేక్ శర్మ, ఐదెన్ మార్‌క్రమ్, హెన్రిచ్‌ క్లాసెన్ (వికెట్ కీపర్), అబ్దుల్ సమద్, నితీశ్‌ రెడ్డి, షాబాజ్ అహ్మద్, పాట్ కమిన్స్ (కెప్టెన్), భువనేశ్వర్ కుమార్, నటరాజన్‌, మయాంక్‌ మార్కండే/జయ్‌దేవ్ ఉనద్కత్

09/04/2024 18:24(IST)

Punjab vs Hyderabad: హైదరాబాద్‌దే ఆధిపత్యం

ఇప్పటివరకు ఇరు జట్లూ తలపడిన మ్యాచుల్లో హైదరాబాద్‌దే ఆధిపత్యం.
21 మ్యాచుల్లో సన్‌రైజర్స్ 14 గెలవగా.. పంజాబ్ ఏడింట్లోనే గెలిచింది.
చివరిసారిగా 2023 సీజన్‌లో ఉప్పల్‌ వేదికగా తలపడిన మ్యాచ్‌లో హైదరాబాద్‌నే విజయం వరించింది.

09/04/2024 18:24(IST)

హైదరాబాద్‌ బ్యాటింగ్‌ త్రయం.. మళ్లీ ‘పంజా’ విసిరేనా?

గత రెండు సీజన్లకు భిన్నంగా ప్రస్తుత ఐపీఎల్ ఎడిషన్‌లో హైదరాబాద్‌ దూకుడు కొనసాగుతోంది. ఆడిన నాలుగు మ్యాచుల్లో రెండు విజయాలు సాధించింది. చెన్నై, ముంబయి వంటి పటిష్ఠమైన జట్లను ఓడించింది. బ్యాటింగ్‌ విధ్వంసం.. బౌలింగ్‌ మెరుపులతో అదరగొట్టేస్తున్న హైదరాబాద్‌ ఇవాళ పంజాబ్‌తో తలపడేందుకు సిద్ధమైంది. పూర్తి వార్త కోసం క్లిక్‌ చేయండి

App

పంజాబ్‌ X హైదరాబాద్‌ ఐపీఎల్ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

‘ఇప్పటికి నిద్ర లేచారు..’: పతంజలి ఉత్పత్తుల లైసెన్సు రద్దుపై సుప్రీం

యువ రోహిత్‌ను చూశారా.. బర్త్‌డే గిఫ్ట్‌గా టీనేజ్ ఫొటో షేర్‌ చేసిన తల్లి పుర్ణిమ

షారుక్‌ విమానం కోరిక.. కమల్‌ హాసన్‌ ఫన్నీ కామెంట్

ఈనాడు.నెట్‌లో టాప్‌ 10 వార్తలు @ 1 PM

అభ్యంతరకర వీడియోల ఘటన.. ఎంపీ ప్రజ్వల్‌పై సస్పెన్షన్ వేటు

సోనీ రియాన్‌ పాకెట్‌ ఏసీ.. ఎక్కడికైనా వెంట తీసుకెళ్లొచ్చు!

సుఖీభవ

చదువు