Breaking | Feedback | ePratibha | E-PAPER | Pratibha

ముంబయి X చెన్నై ఐపీఎల్ మ్యాచ్‌ లైవ్‌ అప్‌డేట్స్

ముంబయితో జరిగిన మ్యాచ్‌లో చెన్నై 20 పరుగుల తేడాతో విజయం సాధించింది.

Updated : 14 Apr 2024 23:26 IST

14/04/2024 23:23(IST)

Mumbai vs Chennai: రోహిత్ సెంచరీ వృథా.. ముంబయిపై చెన్నై విజయం

ముంబయితో జరిగిన మ్యాచ్‌లో చెన్నై 20 పరుగుల తేడాతో విజయం సాధించింది.
తొలుత బ్యాటింగ్ చేసిన చెన్నై నిర్ణీత 20 ఓవర్లలో 4 వికెట్ల నష్టానికి 206 పరుగులు చేసింది.
ఈ భారీ లక్ష్యఛేదనలో ముంబయి 186/6కు పరిమితమైంది.
రోహిత్‌ శర్మ (105*; 63 బంతుల్లో 11 ఫోర్లు, 5 సిక్స్‌లు) సెంచరీ బాదినా జట్టును గెలిపించలేకపోయాడు.

14/04/2024 23:04(IST)

Mumbai vs Chennai: వరుసగా రెండు సిక్సర్లు బాది ఔటైన డేవిడ్

ముస్తాఫిజుర్ వేసిన 17 ఓవర్‌లో తొలి రెండు బంతులకు టిమ్ డేవిడ్ (13; 5 బంతుల్లో) రెండు సిక్స్‌లు బాదాడు.
తర్వాతి బంతికి జడేజాకు క్యాచ్‌ ఇచ్చాడు.
ఈ ఓవర్‌లో చివరి బంతికి రోహిత్ శర్మ (83) బౌండరీ బాదాడు.
17 ఓవర్లకు స్కోరు 154/5. షెఫర్డ్ (1) క్రీజులో ఉన్నాడు.

14/04/2024 22:55(IST)

Mumbai vs Chennai: హార్దిక్‌ పాండ్య (2) ఔట్.. ముంబయి నాలుగో వికెట్

ముంబయి నాలుగో వికెట్ కోల్పోయింది. హార్దిక్‌ పాండ్య (2) ఔటయ్యాడు.
తుషార్ దేశ్‌పాండే వేసిన 15.3 ఓవర్‌కు జడేజాకు క్యాచ్‌ ఇచ్చాడు.
16 ఓవర్లకు స్కోరు 135/4. రోహిత్ (78), టిమ్ డేవిడ్ (1) క్రీజులో ఉన్నారు.
ముంబయి విజయానికి 24 బంతుల్లో 72 పరుగులు అవసరం.

14/04/2024 22:45(IST)

Mumbai vs Chennai: తిలక్ వర్మ (31) ఔట్.. ముంబయి మూడో వికెట్

ముంబయి 130 పరుగుల వద్ద మూడో వికెట్ కోల్పోయింది.
తిలక్ వర్మ (31; 20 బంతుల్లో) ఔటయ్యాడు.
పతిరన వేసిన 14 ఓవర్లో ఐదో బంతికి శార్దూల్ ఠాకూర్‌కు క్యాచ్‌ ఇచ్చాడు.
14 ఓవర్లకు స్కోరు 130/3. హార్దిక్‌ పాండ్య (0), రోహిత్ శర్మ (76) క్రీజులో ఉన్నారు.

14/04/2024 22:07(IST)

Mumbai vs Chennai: అర్ధ శతకానికి చేరువలో రోహిత్ శర్మ..

శార్దూల్ ఠాకూర్‌ వేసిన ఆరో ఓవర్‌లో 10 పరుగులు వచ్చాయి.
ఈ ఓవర్లో రోహిత్ శర్మ (42; 25 బంతుల్లో) రెండు బౌండరీలు బాది అర్ధ శతకానికి చేరువయ్యాడు.
పవర్‌ ప్లే ముగిసేసరికి స్కోరు 63/0. ఇషాన్‌ కిషన్ (21) క్రీజులో ఉన్నాడు.

14/04/2024 22:02(IST)

Mumbai vs Chennai: హిట్‌మ్యాన్‌ దూకుడు.. 50 దాటిన ముంబయి స్కోరు

రోహిత్ శర్మ (32; 19 బంతుల్లో) దూకుడు కొనసాగిస్తున్నాడు.
ముస్తాఫిజుర్ వేసిన ఐదో ఓవర్‌లో మొదటి రెండు బంతులకు వరుసగా 4,6 కొట్టాడు.
చివరి బంతికి ఇషాన్ కిషన్ (21) బౌండరీ బాదాడు.
5 ఓవర్లకు స్కోరు 53/0.

14/04/2024 21:57(IST)

Mumbai vs Chennai: వరుసగా సిక్స్, ఫోర్‌ బాదిన ఇషాన్‌ కిషన్

ముంబయి ఓపెనర్లు దూకుడుగా ఆడుతున్నారు.
శార్దూల్ ఠాకూర్‌ వేసిన నాలుగో ఓవర్‌లో వరుసగా 6,4 బాదేశాడు.
ఈ ఓవర్‌లో 13 పరుగులు వచ్చాయి.
4 ఓవర్లకు స్కోరు 38/0. రోహిత్ శర్మ (21), ఇషాన్‌ కిషన్ (17) పరుగులతో ఉన్నారు.

14/04/2024 21:52(IST)

Mumbai vs Chennai: రోహిత్ సిక్సర్‌.. ఇషాన్‌ కిషన్ ఫోర్

తుషార్ దేశ్‌పాండే వేసిన మూడో ఓవర్‌లో 12 పరుగులు వచ్చాయి.
రెండో బంతికి ఇషాన్ కిషన్ (6) బౌండరీ బాదగా.. ఐదో బంతికి రోహిత్ శర్మ (19) డీప్‌ మిడ్‌ వికెట్ మీదుగా సిక్సర్‌ కొట్టాడు.
3 ఓవర్లకు స్కోరు 25/0.

14/04/2024 21:42(IST)

Mumbai vs Chennai: లక్ష్యఛేదనకు దిగిన ముంబయి.. టార్గెట్ 207

చెన్నై నిర్దేశించిన 207 పరుగుల భారీ టార్గెట్‌ని ఛేదించేందుకు ముంబయి బరిలోకి దిగింది.
తుషార్‌ దేశ్‌పాండే వేసిన తొలి ఓవర్లో మొదటి నాలుగు బంతులు డాట్.
ఐదో బంతికి రోహిత్ శర్మ (5) బౌండరీ బాదాడు.

14/04/2024 21:23(IST)

Mumbai vs Chennai: ధోనీ హ్యాట్రిక్‌ సిక్స్‌లు.. ముంబయి టార్గెట్ 207

ముంబయితో జరుగుతున్న మ్యాచ్‌లో చెన్నై భారీ స్కోరు చేసింది.
టాస్‌ ఓడి బ్యాటింగ్‌కు దిగి నిర్ణీత 20 ఓవర్లలో 4 వికెట్ల నష్టానికి 206 పరుగులు చేసింది.
చివర్లో ఎంఎస్ ధోనీ (20*; 4 బంతుల్లో) హ్యాట్రిక్‌ సిక్సర్లతో అలరించాడు. దీంతో చెన్నై స్కోరు దాటింది.
ఓపెనర్లు అజింక్య రహానె (5), రచిన్ రవీంద్ర (21) తక్కువ నిరాశపర్చినా.. రుతురాజ్‌ గైక్వాడ్ (69; 40 బంతుల్లో 5 ఫోర్లు, 5 సిక్స్‌లు), శివమ్‌ దూబె (66*; 38 బంతుల్లో 10 ఫోర్లు, 2 సిక్స్‌లు) అర్ధ శతకాలు బాదారు.
ముంబయి బౌలర్లలో హార్దిక్ పాండ్య 2, శ్రేయస్ గోపాల్, కొయెట్జీ ఒక్కో వికెట్ తీశారు.

14/04/2024 21:10(IST)

Mumbai vs Chennai: దూకుడుగా ఆడుతున్న చెన్నై బ్యాటర్లు

చెన్నై బ్యాటర్లు గత రెండు ఓవర్లలో 22 పరుగులు రాబట్టారు.
బుమ్రా వేసిన 17 ఓవర్‌లో 10 పరుగులు వచ్చాయి.
గెరాల్డ్ కొయెట్జీ వేసిన 18 ఓవర్‌లో శివమ్‌ దూబె (64) రెండు ఫోర్లు బాదాడు.
18 ఓవర్లకు స్కోరు 173/3. డారిల్ మిచెల్ (8) పరుగులతో ఉన్నాడు.

14/04/2024 20:54(IST)

Mumbai vs Chennai: శివమ్‌ దూబె హాఫ్‌ సెంచరీ.. రుతురాజ్ ఔట్

హార్దిక్ పాండ్య వేసిన 15.1 ఓవర్‌కు సింగిల్ తీసి శివమ్‌ దూబె అర్ధ శతకం (28 బంతుల్లో) పూర్తి చేసుకున్నాడు.
తర్వాతి బంతికి రుతురాజ్ గైక్వాడ్‌ (69; 40 బంతుల్లో) నబీకి క్యాచ్‌ ఇచ్చి వెనుదిరిగాడు.

14/04/2024 20:52(IST)

Mumbai vs Chennai: పోటాపోటీగా బౌండరీలు బాదుతున్న చెన్నై బ్యాటర్లు

చెన్నై బ్యాటర్లు శివమ్ దూబె (49), రుతురాజ్‌ గైక్వాడ్ (69) పోటాపోటీగా బౌండరీలు బాదుతున్నారు.
ఆకాశ్‌ మధ్వాల్ వేసిన 15 ఓవర్‌లో దూబె ఓ బౌండరీ బాదగా.. గైక్వాడ్‌ చివరి రెండు బంతులకు వరుసగా సిక్స్‌, ఫోర్ రాబట్టాడు.
15 ఓవర్లకు స్కోరు 149/2.

14/04/2024 20:45(IST)

Mumbai vs Chennai: దంచికొడుతున్న శివమ్ దూబె

శివమ్ దూబె చెలరేగి ఆడుతున్నాడు.
రొమారియో షెఫర్డ్ వేసిన 14 ఓవర్‌లో వరుసగా 6,6,4 బాదేశాడు.
చివరి బంతికి రుతురాజ్ గైక్వాడ్ (58) కూడా బౌండరీ రాబట్టడంతో ఈ ఓవర్‌లో 22 పరుగులు వచ్చాయి.
14 ఓవర్లకు స్కోరు 132/2. శివమ్‌ దూబె (43) అర్ధ శతకానికి చేరువలో ఉన్నాడు.

14/04/2024 20:39(IST)

Mumbai vs Chennai: 33 బంతుల్లో రుతురాజ్‌ హాఫ్‌ సెంచరీ

చెన్నై కెప్టెన్ రుతురాజ్ గైక్వాడ్ 33 బంతుల్లో అర్ధ శతకం బాదాడు.
కొయెట్జీ వేసిన 13 ఓవర్‌లో నాలుగో బంతికి సిక్సర్ బాది ఫిప్టీ సాధించాడు.
13 ఓవర్లకు స్కోరు 110/2. శివమ్ దూబె (27), రుతురాజ్‌ (53) పరుగులతో ఉన్నారు.

14/04/2024 20:35(IST)

Mumbai vs Chennai: రుతురాజ్‌ సిక్సర్.. 100 దాటిన చెన్నై స్కోరు

ఆకాశ్ మధ్వాల్ వేసిన 12 ఓవర్‌లో 10 పరుగులు రాగా.. చివరి బంతికి రుతురాజ్‌ గైక్వా్డ్ (46) సిక్సర్‌ బాదాడు.
దీంతో చెన్నై స్కోరు 100 దాటింది.
12 ఓవర్లకు స్కోరు 102/2. శివమ్ దూబె (27) పరుగులతో ఉన్నాడు.

14/04/2024 20:25(IST)

Mumbai vs Chennai: పాండ్య బౌలింగ్.. మూడు ఫోర్లు బాదిన శివమ్‌ దూబె

హార్దిక్‌ పాండ్య వేసిన 10 ఓవర్‌లో 15 పరుగులు వచ్చాయి.
శివమ్‌ దూబె (15) ఈ ఓవర్లో మూడు బౌండరీలు బాదాడు.
అంతకుముందు బుమ్రా వేసిన తొమ్మిదో ఓవర్‌లో నాలుగు పరుగులు వచ్చాయి.
10 ఓవర్లకు స్కోరు 80/2. రుతురాజ్‌ గైక్వాడ్‌ (36) పరుగులతో ఉన్నాడు.

14/04/2024 20:14(IST)

Mumbai vs Chennai: ఇషాన్‌ స్మార్ట్ వికెట్ కీపింగ్.. రచిన్ రవీంద్ర ఔట్

చెన్నై 60 పరుగుల వద్ద రెండో వికెట్ కోల్పోయింది. రచిన్ రవీంద్ర (21) ఔటయ్యాడు.
శ్రేయస్ గోపాల్ వేసిన ఎనిమిదో ఓవర్‌లో నాలుగో బంతికి సిక్సర్ బాదిన రచిన్‌ తర్వాతి బంతికే వికెట్ కీపర్‌ ఇషాన్‌ కిషన్‌కు క్యాచ్‌ ఇచ్చాడు.
తొలుత అంపైర్‌ నాటౌట్‌గా ప్రకటించాడు. కానీ, బంతి బ్యాట్‌కు తగిలిన శబ్దం వచ్చిందని ఇషాన్‌.. కెప్టెన్‌ హార్దిక్‌కు చెప్పాడు.
డీఆర్‌ఎస్‌లో బంతి బ్యాట్‌కు తగిలినట్లు తేలింది. దీంతో రచిన్‌ వెనుదిరిగాడు.
8 ఓవర్లకు స్కోరు 61/2. శివమ్ దూబె (1), రుతురాజ్‌ (32) పరుగులతో ఉన్నారు.

14/04/2024 20:07(IST)

Mumbai vs Chennai: పొదుపుగా బౌలింగ్ చేసిన మహ్మద్ నబీ

మహ్మద్‌ నబీ పొదుపుగా బౌలింగ్ చేస్తున్నాడు.
అతడు ఇన్నింగ్స్‌ ఏడో ఓవర్‌ వేసి నాలుగు సింగిల్స్ మాత్రమే ఇచ్చాడు.
7 ఓవర్లకు స్కోరు 52/1. రచిన్‌ రవీంద్ర (14), రుతురాజ్‌ గైక్వాడ్ (31) పరుగులతో ఉన్నారు.

14/04/2024 19:57(IST)

Mumbai vs Chennai: దూకుడుగా ఆడుతున్న రుతురాజ్ గైక్వాడ్

రుతురాజ్‌ గైక్వాడ్‌ దూకుడుగా ఆడుతున్నాడు.
గెరాల్డ్ కొయెట్జీ వేసిన ఐదో ఓవర్‌లో 14 పరుగులు రాగా.. గైక్వాడ్ రెండు ఫోర్లు, ఓ సిక్స్‌ బాదాడు.
5 ఓవర్లకు స్కోరు 38/1. రుతురాజ్ (24), రచిన్ రవీంద్ర (7) క్రీజులో ఉన్నారు.

14/04/2024 19:52(IST)

Mumbai vs Chennai: కట్టుదిట్టంగా బౌలింగ్ చేసిన జస్‌ప్రీత్‌ బుమ్రా

జస్‌ప్రీత్‌ బుమ్రా తన తొలి ఓవర్‌ కట్టుదిట్టంగా వేశాడు.
నాలుగో ఓవర్‌ వేసి ఆరు పరుగులు ఇచ్చాడు.
4 ఓవర్లకు స్కోరు 24/1. రచిన్‌ రవీంద్ర (7), రుతురాజ్‌ గైక్వాడ్ (10) పరుగులతో ఉన్నారు.

14/04/2024 19:46(IST)

Mumbai vs Chennai: నబీ బౌలింగ్‌లో సిక్సర్ బాదిన రుతురాజ్‌ గైక్వాడ్

మహ్మద్‌ నబీ వేసిన మూడో ఓవర్‌లో 9 పరుగులు వచ్చాయి.
నాలుగో బంతికి రుతురాజ్ గైక్వాడ్ (9) లాంగాన్‌ మీదుగా సిక్సర్ బాదాడు.
3 ఓవర్లకు స్కోరు 18/1. రచిన్ రవీంద్ర (3) పరుగులతో ఉన్నాడు.

14/04/2024 19:38(IST)

Mumbai vs Chennai: చెన్నైకి షాక్‌.. అజింక్య రహానె ఔట్

చెన్నైకి షాక్ తగిలింది. అజింక్య రహానె (5) ఔటయ్యాడు.
గెరాల్డ్ కొయెట్జీ వేసిన (1.4 ఓవర్‌) బంతికి పేలవమైన షాట్‌ ఆడి మిడ్‌ వికెట్‌లో హార్దిక్‌ పాండ్యకు క్యాచ్‌ ఇచ్చాడు.
2 ఓవర్లకు స్కోరు 9/1. రుతురాజ్‌ గైక్వాడ్ (1), రచిన్ రవీంద్ర (2) పరుగులతో ఉన్నారు.

14/04/2024 19:34(IST)

Mumbai vs Chennai: ప్రారంభమైన మ్యాచ్‌.. ఓపెనర్లుగా వచ్చిన రచిన్, రహానె

ముంబయి, చెన్నై మధ్య మ్యాచ్‌ ప్రారంభమైంది.
టాస్‌ ఓడి చెన్నై బ్యాటింగ్‌కు దిగింది.
ఓపెనర్లుగా అజింక్య రహానె, రచిన్ రవీంద్ర వచ్చారు.
మహ్మద్ నబీ వేసిన తొలి ఓవర్‌లో ఆరు పరుగులు వచ్చాయి.
మొదటి నాలుగు బంతులలో ఒకే పరుగు రాగా.. ఐదో బంతికి రహానె (5) బౌండరీ రాబట్టాడు.

14/04/2024 19:24(IST)

Mumbai vs Chennai: ఇంపాక్ట్ ప్లేయర్లుగా సూర్యకుమార్, పతిరన

చెన్నై ఇంపాక్ట్ సబ్‌స్టిట్యూట్‌లు: మతిశ పతిరన, నిషాంత్‌ సింధు, మిచెల్ శాంట్నర్‌, మెయిన్‌ అలీ, షేక్ రషీద్.

ముంబయి ఇంపాక్ట్ సబ్‌స్టిట్యూట్‌లు: సూర్యకుమార్‌ యాదవ్, డెవాల్డ్ బ్రెవిస్‌, నమన్ ధిర్, నేహల్ వధేరా, హార్విక్‌ దేశాయ్‌.

14/04/2024 19:13(IST)

Mumbai vs Chennai: చెన్నై తుది జట్టులో ఉన్నది వీరే

రుతురాజ్ గైక్వాడ్ (కెప్టెన్‌), రచిన్ రవీంద్ర, అజింక్య రహానె, డారిల్ మిచెల్, శివమ్ దూబె, రవీంద్ర జడేజా, సమీర్‌ రిజ్వి, ఎంఎస్ ధోనీ (వికెట్ కీపర్), శార్దూల్ ఠాకూర్, తుషార్‌ దేశ్‌పాండే, ముస్తాఫిజుర్ రెహ్మన్‌.

14/04/2024 19:10(IST)

Mumbai vs Chennai: ముంబయి తుది జట్టు ఇదే

హార్దిక్‌ పాండ్య (కెప్టెన్‌), రోహిత్ శర్మ, ఇషాన్ కిషన్‌ (వికెట్ కీపర్‌), తిలక్ వర్మ, టిమ్ డేవిడ్, మహ్మద్‌ నబీ, రొమారియో షెఫర్డ్, శ్రేయస్ గోపాల్, గెరాల్డ్ కొయెట్జీ, జస్‌ప్రీత్ బుమ్రా, ఆకాశ్ మధ్వాల్.

14/04/2024 17:09(IST)

Mumbai vs Chennai: అందుకే ధోనీ ‘తలా ఫర్‌ ఏ రీజన్‌’: సునీల్ గావస్కర్‌

ఇండియన్‌ ప్రీమియర్‌ లీగ్‌లో చెన్నై సూపర్‌కింగ్స్‌ను అత్యంత విజయవంతం చేసిన సారథి ఎంఎస్‌ ధోనీ. 14 సీజన్లకు నాయకత్వం వహించి ఐదు టైటిళ్లు అందించాడు. ఈ సీజన్‌ ఆరంభంలో ధోనీ నాయకత్వ బాధ్యతల నుంచి వైదొలిగాడు. రుతురాజ్‌ గైక్వాడ్‌ను చెన్నై సూపర్‌ కింగ్స్‌ కెప్టెన్‌గా నియమించింది. ప్రతిభ ఉన్న ఆటగాళ్లను వెన్నుతట్టి ప్రోత్సహించడంలో ధోనీ ముందుంటాడు. అతడి కెప్టెన్సీలో ఆడిన ఎంతోమంది ఆటగాళ్లు ప్రస్తుతం టీమ్‌ఇండియాలో కీలకంగా ఉన్నారు. ఐపీఎల్‌-17వ సీజన్‌లో భాగంగా ఏప్రిల్ 14న ముంబయి, చెన్నై తలపడనున్నాయి. ఈ సందర్భంగా భారత మాజీ ఆటగాడు సునీల్ గావస్కర్‌ ధోనీ కెప్టెన్సీలో ఉన్న ప్రత్యేకతను వివరించాడు. పూర్తి వార్త కోసం క్లిక్‌ చేయండి

App

ముంబయి X చెన్నై ఐపీఎల్ మ్యాచ్‌ లైవ్‌ అప్‌డేట్స్

తాజా వార్తలు (Latest News)

హైదరాబాద్‌.. ఫస్ట్‌ బ్యాటింగ్‌ చేస్తారా? 300 కొట్టేస్తారా?

వాట్సప్‌లో కొత్త ఫీచర్‌.. ఇకపై ఈవెంట్‌ ప్లాన్‌ చేయొచ్చు!

ఈనాడు.నెట్‌లో టాప్‌ 10 వార్తలు @ 1 PM

నంబర్‌ 6 ర్యాంకర్‌కు నో ప్లేస్.. ఆ బాధను తట్టుకోవడం కష్టమే: ఇర్ఫాన్‌ పఠాన్

దిల్లీ ఎల్జీ కీలక నిర్ణయం.. మహిళా కమిషన్‌లో 223 మంది తొలగింపు

నా లక్ష్యం వికెట్లు కాదు.. డాట్‌బాల్స్‌ వేయడంపైనే దృష్టిపెట్టా: బ్రార్

సుఖీభవ

చదువు