భార్య డబ్బు పంపలేదనే కోపంతోనే

పశ్చిమగోదావరి: కన్న తండ్రే బిడ్డలను చిత్రహింసలకు గురిచేస్తున్న అమానుష సంఘటన పశ్చిమగోదావరి జిల్లా నర్సాపురం మండలం సారవలో వెలుగు చూసింది. వివరాల్లోకి వెళితే గ్రామానికి చెందిన ఎలీశా అనే వ్యక్తికి ఇద్దరు పిల్లలు. అతని భార్య పని నిమిత్తం గల్ఫ్‌లో ఉంటోంది. అయితే, భార్య డబ్బులు పంపలేదనే కోపంతో ఎలీశా చిన్నారులను చిత్రహింసలకు గురిచేస్తున్నాడు. దీనికి సంబంధించిన వీడియోలను తన భార్యకు పంపించగా ఆమె తిరిగి వాటిని తమ బంధువులకు పంపింది. దీంతో వారు పిల్లల్ని తమ వద్దకు తీసుకొచ్చేశారు. పిల్లల్ని దౌర్జన్యంగా తన వద్దనుంచి తీసుకెళ్లిపోయారంటూ ఎలీశా బంధువులపై కేసు పెట్టాడు. ఎలీశా తన భార్యకు పంపిన వీడియోలు సామాజిక మాధ్యమాల్లో వెలుగుచూడగా పోలీసులు నిందితుడి కోసం గాలిస్తున్నారు.