అప్పుడు రాహుల్‌ గాంధీ పిక్నిక్‌కు వెళ్లారు..

తాజా వార్తలు

Published : 16/11/2020 11:01 IST

అప్పుడు రాహుల్‌ గాంధీ పిక్నిక్‌కు వెళ్లారు..

అపజయం నేపథ్యంలో ఆర్జీడీ సీనియర్‌ నేత ఆరోపణ

పట్నా: బిహార్‌ ఎన్నికల్లో తేజస్వీ యాదవ్‌ నేతృత్వంలోని మహాకూటమి 110 స్థానాలు గెలిచినప్పటికీ అధికారం లభించలేదు. ఎగ్జిట్‌ పోల్స్‌ అంచనాలను తారుమారు చేస్తూ 125 స్థానాలను కైవశం చేసుకున్న ఎన్డీయే ప్రభుత్వాన్ని ఏర్పాటు చేయనున్న సంగతి తెలిసిందే. ఈ నేపథ్యంలో కాంగ్రెస్‌తో పొత్తు విజయావకాశాలను దెబ్బదీసిందని అభిప్రాయాలు వ్యక్తమౌతున్నాయి. ఈ మేరకు ఆర్జీడీ సీనియర్‌ నేత శివానంద్‌ తివారీ చేసిన విమర్శతో ఈ అసంతృప్తి మరింత స్పష్టమయింది.

‘‘70 స్థానాల్లో పోటీచేసిన కాంగ్రెస్‌.. కనీసం 70 ప్రచార సభలు కూడా నిర్వహించలేదు. ఎన్నికల నేపథ్యంలో రాహుల్‌ గాంధీ కేవలం మూడు రోజుల పాటు బిహార్‌కు వచ్చారు. ప్రియాంకా గాంధీ వాద్రా అయితే అసలు రానేలేదు. దేశమంతా బిహార్‌ ఎన్నికల వైపు దృష్టి కేంద్రీకరించిన సమయంలో.. రాహుల్‌ తన సోదరి ప్రియాంక ఇంట్లో పిక్నిక్‌ చేసుకున్నారు. బిహార్‌కు ఏ మాత్రం పరిచయం లేనివారు ఇక్కడ ప్రచారం చేసేందుకు వచ్చారు. పార్టీని నడిపే తీరు ఇదేనా? ఇది సరి కాదు’’ అని ఆర్జేడీ జాతీయ ఉపాధ్యక్షుడు శివానంద్‌ తివారీ విమర్శించారు.

అధిక స్థానాల్లో పోటీ చేసేందుకు ఉత్సాహం చూపే కాంగ్రెస్‌.. ఆ సీట్లను గెలుచుకునేందుకు కృషి చేయదన్నారు. బిహార్‌కే కాకుండా ఇత రాష్ట్రాల్లో కూడా ఆ పార్టీ ఇదే వైఖరి ప్రదర్శిస్తుందని శివానంద్‌ విమర్శించారు. దీనిని గురించి ఆ పార్టీ పునరాలోచన చేయాలని ఈ మాజీ మంత్రి హితవు పలికారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని