Paralympics: దేశాన్ని గర్వపడేలా చేశారు.. మా విమానాల్లో ఉచితంగా ప్రయాణించండి

తాజా వార్తలు

Published : 31/08/2021 23:59 IST

Paralympics: దేశాన్ని గర్వపడేలా చేశారు.. మా విమానాల్లో ఉచితంగా ప్రయాణించండి

ప్రకటించిన ఇండిగో సంస్థ

ఇంటర్నెట్‌ డెస్క్‌: టోక్యో పారాలింపిక్స్‌లో బంగారు పతకాలు సాధించిన అవని లేఖరా, సుమిత్‌ అంటిల్‌కు ‘ఇండిగోఎయిర్‌లైన్స్‌’ బంపర్‌ ఆఫర్‌ ప్రకటించింది. ఏడాది పాటు తమ విమానాల్లో ఉచిత ప్రయాణ సేవలు అందించనున్నట్లు మంగళవారం వెల్లడించింది. దేశీయ, అంతర్జాతీయ సర్వీసులకు ఇవి వర్తిస్తాయని ఓ ప్రకటనలో తెలిపింది. ఈ మేరకు ఆ సంస్థ సీఈవో రొనోజోయ్‌ దత్తా మాట్లాడుతూ.. ‘మీరిద్దరూ అసమాన పట్టుదల, ధైర్యం, తెగువ కనబరిచారు. ఇదంతా సులభమైన విషయం కాదు. మీరు దేశాన్ని గర్వపడేలా చేశారు. మీకు ఉచితంగా ఏడాదిపాటు ఇండిగో విమాన సేవలు అందించాలనుకుంటున్నాం’ అని ఆయన పేర్కొన్నారు. అవని.. 10 మీటర్ల ఎయిర్‌ రైఫిల్‌ స్టాండింగ్‌ విభాగంలో, సుమిత్‌ జావెలిన్‌ త్రో ఎఫ్‌-64 విభాగంలో స్వర్ణాలు సాధించిన విషయం తెలిసిందే. పారాలింపిక్స్‌లో స్వర్ణం సాధించిన భారత తొలి మహిళగా అవని రికార్డు సృష్టించగా, పతకాన్ని సాధించే క్రమంలో సుమిత్‌ మూడుసార్లు ప్రపంచ రికార్డు నెలకొల్పడం విశేషం.


Advertisement

Tags :

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని