Ravi shastri: నా బిందాస్‌ బ్యాచే  నం.1
close

తాజా వార్తలు

Published : 14/05/2021 13:32 IST

Ravi shastri: నా బిందాస్‌ బ్యాచే  నం.1

ఇంటర్నెట్‌ డెస్క్‌: టీమ్‌ఇండియా కుర్రాళ్లపై కోచ్‌ రవిశాస్త్రి ప్రశంసల వర్షం కురిపించాడు. జట్టును అగ్రస్థానంలో నిలిపేందుకు అకుంఠిత దీక్ష, పట్టుదల ప్రదర్శించారని తెలిపాడు. అత్యంత కఠిన పరిస్థితుల్లో తన కుర్రాళ్లు అద్భుతంగా రాణించారని పొగిడాడు.

ఐసీసీ విడుదల చేసిన వార్షిక ర్యాంకింగ్స్‌లో టీమ్‌ఇండియా నంబర్‌వన్‌గా నిలిచింది. 121 రేటింగ్‌ సాధించింది. ఒక పాయింట్‌ అంతరంతో న్యూజిలాండ్‌ను రెండో స్థానంలోకి నెట్టేసింది. ఈ రెండు జట్లు త్వరలోనే ఐసీసీ టెస్టు ఛాంపియన్‌షిప్‌ ఫైనల్స్‌ ఆడుతున్న సంగతి తెలిసిందే. ఇక ఇంగ్లాండ్‌, ఆస్ట్రేలియా తర్వాతి ర్యాంకింగ్స్‌ అందుకోవడం గమనార్హం. కరోనా వైరస్‌ భయం, కఠిన క్వారంటైన్లు అనుభవిస్తూనే ఆస్ట్రేలియా, ఇంగ్లాండ్‌ను టీమ్‌ఇండియా ఓడించింది.

‘నంబర్‌ వన్‌ కిరీటం దక్కించుకొనేందుకు ఈ భారత జట్టు అకుంఠిత దీక్ష, అంకితభావం, మొక్కవోని పట్టుదల, ఏకాగ్రతను ప్రదర్శించింది. కుర్రాళ్లు నిజాయితీగా ఆడి, కష్టపడి దీనిని సాధించారు. మధ్యలోనే నిబంధనలు మార్చేశారు. కానీ టీమ్‌ఇండియా ఈ సుదీర్ఘ ప్రయాణంలో ప్రతి అడ్డంకినీ దాటేసింది. కఠిన పరిస్థితుల్లో నా కుర్రాళ్లు కఠిన క్రికెట్‌ ఆడారు. ఈ బిందాస్‌ బృందం పట్ల అత్యంత సంతోషంగా ఉన్నా’ అని రవిశాస్త్రి ట్వీట్‌ చేశాడు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని