Published : 05/12/2021 05:16 IST

ఎన్టీఆర్‌ వర్సిటీ స్నాతకోత్సవం వాయిదా

ఉద్యోగులతో ఫలించని చర్చలు

ఈనాడు, అమరావతి-ఎన్టీఆర్‌ ఆరోగ్య విశ్వవిద్యాలయం, న్యూస్‌టుడే: ఈనెల 8న నిర్వహించాల్సిన డాక్టర్‌ ఎన్టీఆర్‌ ఆరోగ్య విశ్వవిద్యాలయం స్నాతకోత్సవం వాయిదా పడింది. వర్శిటీ నిధులను ప్రభుత్వ సంస్థకు మళ్లించడాన్ని వ్యతిరేకిస్తూ ఉద్యోగులు విధులను బహిష్కరించి ఆందోళనబాట పట్టడంతో ఈ నిర్ణయం తీసుకున్నారు.  వాస్తవానికి 2019-20, 2020-21 రెండేళ్ల స్నాతకోత్సవాలను ఘనంగా నిర్వహించడానికి ఏర్పాట్లు చేశారు. చాలామంది ప్రముఖులను ఆహ్వానించారు. ప్రస్తుతం నెలకొన్న పరిణామాలతో వాయిదా వేయాల్సి వచ్చింది. శనివారం ఉద్యోగ ఐకాస నాయకులతో చర్చించిన రిజిస్ట్రార్‌ డాక్టర్‌ శంకర్‌ మాట్లాడుతూ.. స్నాతకోత్సవానికి సహకరించాలని, నిధుల మళ్లింపుతో ముడిపెట్టవద్దని విజ్ఞప్తి చేశారు.  నిధుల విషయం తేల్చే వరకు విధులకు హాజరయ్యేది లేదని ఉద్యోగ ఐకాస నాయకులు చెప్పేశారు. రాష్ట్ర ప్రభుత్వం నుంచి సానుకూల స్పందన రాకపోవడంతో సోమవారం నుంచి ఆందోళన ఉద్ధృతం చేయనున్నట్టు ప్రకటించారు. ఈ నేపథ్యంలో స్నాతకోత్సవాన్ని నిరవధికంగా వాయిదా వేయాలని నిర్ణయించామని రిజిస్ట్రార్‌ డాక్టర్‌ శంకర్‌ ప్రకటించారు. ఎప్పుడు నిర్వహించేది త్వరలో ప్రకటిస్తామన్నారు. అలాగే విశ్వవిద్యాలయం సాంకేతిక పరిజ్ఞానం, పరికరాలకు సంబంధించిన టెండర్ల గడువు శనివారంతో ముగిసింది. టెండరును దక్కించుకున్నా.. డబ్బులు వస్తాయో.. రావో అనే సందేహాన్ని గుత్తేదారులు వ్యక్తం చేస్తున్నారు.

Read latest State News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని