గృహరుణం.. వడ్డీ భారం తగ్గేలా
రెండేళ్ల నుంచి 6.40 శాతం వరకూ ఉన్న వడ్డీ రేట్లు ఎంతో మందిని సొంతింటి కొనుగోలు వైపు ప్రోత్సహించాయి. కానీ, ద్రవ్యోల్బణ ప్రభావంతో వడ్డీ రేట్లు పెరుగుతూ వచ్చాయి.
రెండేళ్ల నుంచి 6.40 శాతం వరకూ ఉన్న వడ్డీ రేట్లు ఎంతో మందిని సొంతింటి కొనుగోలు వైపు ప్రోత్సహించాయి. కానీ, ద్రవ్యోల్బణ ప్రభావంతో వడ్డీ రేట్లు పెరుగుతూ వచ్చాయి. ఏడాది కాలంలో గృహరుణ వడ్డీ రేట్లు ఒక్కసారిగా అధికమయ్యాయి. చాలామంది రుణ గ్రహీతలు 9 శాతానికి మించే వడ్డీ చెల్లిస్తున్నారు. ఫలితంగా గృహరుణ అవధులు ఎంతో పెరిగాయి. 2020లో తీసుకున్న 20 ఏళ్ల గృహరుణం ఇప్పుడు 30 లేదా 35 ఏళ్లుగా మారిపోయింది. ఆర్బీఐ రెపో రేటును 6.50శాతం వద్ద నిలిపితే కొంత ఉపశమనం దొరికినట్లే. రేట్లు తగ్గకపోతే, వ్యవధి మరింత పెరిగే అవకాశం లేకపోలేదు. ఈ నేపథ్యంలో రుణగ్రహీతలు కొంత జాగ్రత్తగా ఉండక తప్పదు.
ప్రస్తుతం రెపో రేటు 6.50శాతంగా ఉంది. గృహరుణానికి ప్రామాణికంగా తీసుకునే రెపో ఆధారిత రుణ వడ్డీ రేటు (ఆర్ఎల్ఎల్ఆర్) కాస్త అధికంగా ఉంటుంది. రెపో-గృహరుణం వడ్డీ రేటు మధ్య వ్యత్యాసాన్నే బ్యాంకింగ్ పరిభాషలో స్ప్రెడ్గా పేర్కొంటారు. ఉదాహరణకు మీ గృహరుణ వడ్డీ రేటు 9.50 శాతం ఉందనుకుంటే.. 3 శాతం అధికంగా చెల్లిస్తున్నారన్నమాట. క్రమం తప్పకుండా ఈఎంఐలు చెల్లిస్తూ, మీ క్రెడిట్ స్కోరు బాగుంటే.. మీరు చెల్లిస్తున్న 3శాతం స్ప్రెడ్ చాలా ఎక్కువే. ఎందుకంటారా? ప్రస్తుతం గృహరుణాల మార్కెట్లో ఒక ఆసక్తికరమైన ధోరణి కొనసాగుతోంది. మార్చి 2020లో రెపో కన్నా గృహరుణాలు 2.75 - 3.50 శాతం వరకూ అధికంగా ఉన్నాయి. 5.15 శాతం రెపో ఉన్నప్పుడు గృహరుణ వడ్డీ రేట్లు 7.90-8.65 శాతం వరకూ ఉన్నాయి. 2022లో రెపో 4 శాతం ఉన్నప్పుడు వ్యత్యాసం 2.40 శాతానికి చేరింది. ఏప్రిల్ 2023లో రెపో 6.50 శాతం వద్ద ఉన్నప్పుడు 1.90శాతం కన్నా తక్కువ వ్యత్యాసం కనిపిస్తోంది. రుణగ్రహీతలు తమ రుణ భారాన్ని తగ్గించుకోవాలంటే.. స్వల్ప స్ప్రెడ్ ఉన్న రుణదాతలను ఎంపిక చేసుకోవాల్సిన అవసరం ఎంతైనా ఉంది. ఇలా చేయడం వల్ల రుణం తీరడానికి దీర్ఘకాలిక వ్యవధి ఉంటే.. కొన్ని లక్షల రూపాయలను ఆదా చేసుకోవచ్చు.
బదిలీ చేసుకుంటే...
మీరు తీసుకున్న గృహరుణం బేస్ రేట్ లేదా ఎంసీఎల్ఆర్ లాంటి పాత బెంచ్మార్క్లతో అనుసంధానమై ఉందా చూసుకోండి. ఇలా ఉంటే వెంటనే బ్యాంకును సంప్రదించి, రెపో ఆధారిత రుణ వడ్డీ రేటులోకి మార్చుకోండి. దీనివల్ల రెపో రేటును బట్టి, వడ్డీ రేటు మారుతుంది. మీరు రుణం తీసుకున్న చోటనే రీఫైనాన్సింగ్ చేసుకునేందుకు ప్రయత్నించండి. ఇది చాలా సులభమైన ప్రక్రియ. బ్యాంకు శాఖను సంప్రదించి, నిర్ణీత మొత్తంలో ప్రాసెసింగ్ రుసుమును చెల్లిస్తే సరిపోతుంది. రుణగ్రహీతలు తమ రుణాన్ని మెరుగైన నిబంధనలు, తక్కువ వడ్డీ రేటు అందిస్తున్న మరో బ్యాంకుకు బదిలీ చేసుకునే అవకాశమూ ఉంది. కానీ, ఇది కొంత శ్రమ, ఖర్చుతో కూడుకున్నది. రుణ మొత్తంలో దాదాపు 1 శాతం వరకూ వ్యయాలు ఉండే అవకాశం ఉంది. కనీసం 50 బేసిస్ పాయింట్ల మేరకు వడ్డీ తగ్గుతుంది అనుకున్నప్పుడే వేరే బ్యాంకుకు మారే అవకాశాన్ని పరిశీలించాలి.
ఎందుకు కీలకం...
గృహరుణం వడ్డీకి సంబంధించి 2019 నుంచి కీలక మార్పులు వచ్చాయి. ఆర్బీఐ సూచనల మేరకు బ్యాంకులు తాము అందిస్తున్న గృహరుణాలను రెపో రేటును ప్రామాణికంగా తీసుకుంటున్నాయి. రెపోపై ఎంత వసూలు చేయాలన్నది బ్యాంకులకు స్వేచ్ఛ ఉంటుంది. కానీ, రుణం వ్యవధిలో ఈ స్ప్రెడ్ స్థిరంగా ఉండాలి. రుణగ్రహీత క్రెడిట్ స్కోరు క్షీణించినప్పుడు బ్యాంకులు దీన్ని పెంచే ఆస్కారం ఉంది. ఉదాహరణకు మీరు ఈ రోజు 2 శాతం స్ప్రెడ్తో రుణం తీసుకుంటే.. రుణం తీరే వరకూ అది అలాగే కొనసాగుతుంది. రెపో రేటు 6.50 శాతం ఉంటే.. మీ గృహరుణ వడ్డీ రేటు 8.50శాతం అన్నమాట. భవిష్యత్తులో రెపో 5 శాతానికి చేరితే, రుణంపై వడ్డీ రేటు 7శాతానికి తగ్గుతుంది. అందుకే, రుణం తీసుకునేటప్పుడు బ్యాంకు ఎంత అధికంగా వసూలు చేస్తోందన్నది తప్పకుండా తెలుసుకోవాల్సిన విషయం.
కొత్త రుణాలకు..
బ్యాంకులు 2020 నుంచి తమ స్ప్రెడ్లను తగ్గించుకుంటూ వస్తున్నట్లు గమనించవచ్చు. లేకపోతే ఇప్పుడున్న రెపోతో పోలిస్తే వడ్డీ రేట్లు 10 శాతానికి మించి ఉండాలి. ఇలా జరిగితే గృహరుణ మార్కెట్పై తీవ్ర ప్రతికూల ప్రభావాన్ని చూపుతుంది. కొన్ని బ్యాంకులు కొత్త రుణగ్రహీతలకు 8.35 నుంచి 8.50 శాతం వడ్డీకి రుణాలను అందిస్తున్న దాఖలాలున్నాయి. అంటే, బ్యాంకులు రెపో-గృహరుణం రేట్ల మధ్య వ్యత్యాసాన్ని తగ్గిస్తున్నాయి. ముందు చెప్పినట్లు 2020కి ముందు గృహరుణాలు రెపో రేటు కంటే 3-4 శాతం అధికంగా ఉండేవి. కాబట్టి, కొత్త రుణగ్రహీతలతో పోలిస్తే పాత వారికి వడ్డీ భారం అధికంగానే ఉంటోంది. భవిష్యత్తులో రెపో 1 శాతం తగ్గితే 8.50 శాతం ఉన్న రుణం 7.50 శాతానికి చేరుతుంది. కానీ, ఇప్పుడు 9.50 శాతం ఉన్న రుణం 8.50 శాతం దగ్గర కొనసాగుతుంది.
స్కోరు అధికంగా ఉంటే..
తక్కువ వడ్డీకి రుణం పొందాలంటే కొన్ని షరతులు ఉంటాయి. క్రెడిట్ స్కోరు 750కి మించి ఉన్నప్పుడు బ్యాంకుతో కొంత బేరం చేయొచ్చు. స్థిరమైన ఆదాయాలు కలిగి ఉండటం, ఇప్పటి వరకూ తీసుకున్న రుణాలన్నీ తీర్చేయడం, అదే బ్యాంకులో వేతనం ఖాతా ఉండటం, మహిళలు, పెద్ద సంస్థల్లో ఉద్యోగం ఇలా కొన్ని సందర్భాల్లో బ్యాంకులు తమ స్ప్రెడ్ను తగ్గించుకొని, గృహరుణం అందిస్తాయి. ఒకసారి మీ బ్యాంకుతో మాట్లాడి, తక్కువ వడ్డీ వర్తించేందుకు ఉన్న అవకాశాలను పరిశీలించండి. ద్రవ్యోల్బణం పెరుగుతున్న నేపథ్యంలో వీలైనంత వరకూ పొదుపు చేయడం ఒక్కటే దారి. కాబట్టి, ఏ చిన్న అవకాశాన్నీ వదులుకోవద్దు.
అధిల్ శెట్టి, సీఈఓ, బ్యాంక్బజార్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈ రుసుములు గమనించారా?
క్రెడిట్ కార్డును వాడుతున్నారా? తాజాగా వచ్చిన మీ కార్డు బిల్లును పరిశీలనగా చూశారా? చాలామంది క్రెడిట్ కార్డు బిల్లును సరిగా చూడకుండానే చెల్లిస్తుంటారు. -
బ్యాంకు అప్పు ఇవ్వనంటే...
అత్యవసరంలో కొన్నిసార్లు అప్పు చేయడం తప్పనిసరి అవుతోంది. అన్ని సందర్భాల్లోనూ బ్యాంకులు రుణం ఇవ్వకపోవచ్చు. ముఖ్యంగా వ్యక్తిగత రుణానికి సంబంధించి.. -
444 రోజుల అమృత్ వృష్టి
కొత్త పెట్టుబడి పథకాలు ఎన్ని వస్తున్నా, పెట్టుబడికీ, రాబడికీ హామీ ఉండే ఫిక్స్డ్ డిపాజిట్ల (ఎఫ్డీ) ప్రత్యేకతే వేరు. కాస్త అధిక రాబడినిచ్చే ఎఫ్డీలపై సీనియర్ సిటిజన్లతోపాటు, యువత సైతం ఆసక్తి చూపిస్తుంటారు. -
కారు రుణాలపై ఏ బ్యాంకులో వడ్డీ రేట్లు ఎంతెంత?
దాదాపుగా అన్ని బ్యాంకులు వాహన రుణాలందిస్తున్నాయి. ఈ రుణాలకై వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం. -
డీమ్యాట్ ఖాతా ఈ పొరపాట్లు చేయొద్దు
ఆర్థిక ప్రపంచంలోకి తొలి అడుగు పొదుపు ఖాతాతోనే ప్రారంభం అవుతుంది. ఇదే విధంగా స్టాక్ మార్కెట్లోకి ప్రవేశించాలనుకునే వారు డీమ్యాట్ ఖాతాతోనే తమ పెట్టుబడుల ప్రయాణాన్ని మొదలుపెడతారు. -
క్రెడిట్ కార్డులు రివార్డులు తగ్గుతున్నాయి
ఏడాది క్రితం వరకూ క్రెడిట్ కార్డులను ఎంత వాడితే.. అన్ని రివార్డు పాయింట్లు వచ్చేవి. వార్షిక రుసుములు రద్దయ్యేవి. చాలామంది వీటికోసమే డబ్బులున్నా సరే.. క్రెడిట్ కార్డులతోనే లావాదేవీలు చేసేవారు. -
స్థిరమైన రాబడి కోసం..
కెనరా రొబెకో మ్యూచువల్ ఫండ్ కొత్తగా బ్యాలెన్స్డ్ అడ్వాంటేజ్ ఫండ్ను ఆవిష్కరించింది. ‘కెనరా రొబెకో బ్యాలెన్స్డ్ అడ్వాంటేజ్ ఫండ్’ అనే ఈ పథకం ఎన్ఎఫ్ఓ ఈ నెల 26 వరకూ అందుబాటులో ఉంటుంది. -
ఇంటి పునరుద్ధరణ కోసం రుణం ఎలా పొందాలి?
ఇంటిని పునరుద్ధరించడం వల్ల దానికి మరింత ఆధునికతను జోడించవచ్చు. అయితే, దీనికి బాగానే ఖర్చవుతుంది, కాబట్టి రుణం తీసుకోవడం మేలు. ఈ రుణాన్ని పొందడానికి ఎలాంటి విషయాలను పరిగణనలోకి తీసుకోవాలో ఇక్కడ తెలుసుకుందాం. -
ఎస్బీఐ, బీఓబీ నుంచి స్పెషల్ ఎఫ్డీ స్కీమ్స్.. వారికి 7.75% వడ్డీ
SBI, BOB new FDs: ప్రభుత్వరంగ బ్యాంకులైన స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా కొత్త ఫిక్స్డ్ డిపాజిట్ పథకాలను తీసుకొచ్చాయి. -
వ్యక్తిగత రుణాల వడ్డీ రేట్లు ఎంతెంత?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
ఎస్బీఐ లోన్లు మరింత ప్రియం.. MCLR 10 పాయింట్లు పెంపు!
SBI Loans: రుణరేట్లను ఎస్బీఐ సవరించింది. ఎంసీఎల్ఆర్ ఆధారిత రేట్లను 0.10 శాతం మేర పెంచింది. -
ఉన్నత విద్యకు విద్యా రుణాలు ఎలా సహాయపడతాయి?
ఉన్నత విద్య సురక్షితమైన, సుసంపన్నమైన జీవితానికి ప్రవేశ ద్వారం లాంటిది. దీన్ని పొందడానికి బ్యాంకులిచ్చే విద్యారుణాలు ఎంతగానో ఉపయోగపడతాయి. -
ఫిక్స్డ్ డిపాజిట్లు.. అధిక వడ్డీ అందుతోందా?
గత కొన్నాళ్లుగా ఫిక్స్డ్ డిపాజిట్లపై అధిక వడ్డీ రేట్లు కొనసాగుతున్నాయి. చాలా బ్యాంకులు 7.15-7.25 శాతం వరకూ వడ్డీని అందిస్తున్నాయి. సీనియర్ సిటిజన్లకు దీనిపై అర శాతం అధికంగానే ఉంటుంది. -
ఆన్లైన్లో ఇన్స్టంట్ లోన్.. ఈ అంశాలు పరిశీలించాల్సిందే..!
ఆన్లైన్లో ఇన్స్టంట్ లోన్ తీసుకునే ముందు దరఖాస్తుదారులు గుర్తుంచుకోవలసిన ముఖ్య విషయాలను ఇక్కడ తెలుసుకుందాం. -
హెచ్డీఎఫ్సీ బ్యాంకు ఖాతాదారులకు అలర్ట్.. 13న ఈ సర్వీసులు పనిచేయవ్!
HDFC Bank downtime: జులై 13న హెచ్డీఎఫ్సీ బ్యాంక్ కస్టమర్లకు కొన్ని సర్వీసులు అందుబాటులో ఉండవు. ఆ వివరాలు తెలుసుకోండి. -
స్టెప్- అప్ హోమ్లోన్ గురించి తెలుసా? ఎవరికి ప్రయోజనకరం?
Step- up home loan: హోమ్లోన్ తీసుకోవాలనుకుంటున్నారా? ఇంతకీ స్టెప్- అప్ హోమ్లోన్ గురించి తెలుసా? -
విద్యుత్తు ఉపకరణాల సంస్థల్లో
విద్యుత్తు రంగంలో అనూహ్యమైన మార్పులు చోటు చేసుకుంటున్నాయి. ముఖ్యంగా విద్యుత్తు సరఫరా, పంపిణీ విభాగాల్లో ఆధునిక సాంకేతిక పరిజ్ఞాన వినియోగం పెరుగుతోంది. -
ఎఫ్డీలపై వడ్డీ రేట్లను సవరించిన ఐసీఐసీఐ బ్యాంక్
ప్రముఖ బ్యాంకింగ్ దిగ్గజం ఐసీఐసీఐ రూ.3 కోట్ల వరకు ఉన్న ఫిక్స్డ్ డిపాజిట్లపై వడ్డీ రేట్లను సవరించింది. -
క్రెడిట్ కార్డు రూల్స్లో మార్పులు.. ఈ జాబితాలో మీ బ్యాంక్ ఉందా?
Credit card rules: క్రెడిట్ కార్డులకు సంబంధించి బ్యాంకులు కొన్ని మార్పులు చేశాయి. జులై నుంచే ఆ మార్పులు అమల్లోకి రానున్నాయి. -
చికిత్స కోసం అప్పు చేస్తున్నారా?
ఆరోగ్య అత్యవసరం ఎప్పుడు ఏ రూపంలోనైనా రావచ్చు. దీనికి ఆర్థికంగా అన్ని వేళలా సిద్ధంగా ఉండాలి. ఆరోగ్య బీమా ఉన్నప్పుడు కొంత భరోసాగా ఉంటుంది. -
బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి, బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
రైళ్ల రీ షెడ్యూల్.. గమ్యాల కుదింపు
-
రైలుబండి.. దొంగలున్నారు జాగ్రత్తండీ
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్