ప్రత్యేక ఎఫ్‌డీలను ప్రారంభించిన నార్త్‌ ఈస్ట్‌ స్మాల్‌ ఫైనాన్స్‌ బ్యాంక్‌

దిల్లీ: నార్త్‌ ఈస్ట్‌ స్మాల్‌ ఫైనాన్స్‌ బ్యాంక్‌ (NESFB) కొత్త ఎఫ్‌డీ పథకాలను ప్రారంభించినట్లు ఓ ప్రకటనలో తెలిపింది. 366 రోజుల నుంచి 1095 రోజుల కాలవ్యవధి ప్రత్యేక ఎఫ్‌డీపై సాధారణ డిపాజిటర్లకు 7.75%, 400 రోజుల ప్రత్యేక పథకంపై 8.4%, 555 రోజులు, 1111 రోజుల కాలవ్యవధి ప్రత్యేక పథకాలపై 8.5% వడ్డీని బ్యాంకు అందిస్తోంది. ఈ డిపాజిట్ల అన్నింటిపై సీనియర్‌ సిటిజన్లు 0.75% వడ్డీని అదనంగా  పొందుతారు. అంటే గరిష్ఠంగా 9.25% వడ్డీ వరకు అందుకుంటారు. రూ.5 కోట్ల వరకు డిపాజిట్లపై ఈ వడ్డీ రేట్లు వర్తిస్తాయి. ఈ బ్యాంకులో 7 రోజుల నుంచి 365 రోజుల ఎఫ్‌డీలపై 3.25% నుంచి 7% వరకు వడ్డీని సాధారణ డిపాజిటర్లు పొందుతారు. సీనియర్‌ సీటిజన్లు అదనంగా 0.75% వడ్డీ పొందొచ్చు. రూ.2 కోట్ల వరకు డిపాజిట్లపై ఈ వడ్డీ రేట్లు వర్తిస్తాయి.