Home Loan: ఇంటి ఒరిజినల్ సేల్ డీడ్ బ్యాంకులో పోతే ఏంచేయాలి?
ఇంటి రుణ బకాయిలను పూర్తిగా తీర్చివేసిన తర్వాత ఇతర పత్రాలతో సహా ఒరిజినల్ సేల్ డీడ్ను బ్యాంకు తిరిగి రుణగ్రహీతకు ఇచ్చేయాలి. దీన్ని కోల్పోతే ఎం జరుగుతుందో ఇక్కడ చూడండి.
ఇంటర్నెట్ డెస్క్: చాలా మంది బ్యాంకు ద్వారా రుణం తీసుకుని ఇంటిని కొనుగోలు చేస్తారు. ఇలా ఇంటిని కొనుగోలు చేసినవారు చాలా పత్రాలను బ్యాంకులకు సమర్పించవలసి ఉంటుంది. ఇందులో ఇంటికి సంబంధించిన ఒరిజినల్ సేల్ డీడ్ కూడా ఉంటుంది. ఇంటి రుణ బకాయిలు పూర్తిగా చెల్లించిన తర్వాత బ్యాంకు రుణగ్రహీతలకు దీన్ని తిరిగి ఇచ్చేస్తుంది. సేల్ డీడ్ అనేది ఆస్తి యజమాన్యాన్ని తెలిపే విలువైన పత్రం. ఇది ఇంటికి సంబంధించి చట్టపరమైన పత్రం కూడా. ఇంటి కొనుగోలుదారులు.. తమ యాజమాన్యాన్ని నిరూపించుకోవడానికి, ఆస్తి లావాదేవీలను నిర్వహించడానికి వారి వద్ద అసలు సేల్ డీడ్ను కలిగి ఉండడం చాలా అవసరం.
బ్యాంకు బాధ్యత..
రుణగ్రహీత ఇంటి రుణాన్ని పూర్తిగా తిరిగి చెల్లించినప్పుడు బ్యాంకులు ‘నో డ్యూ సర్టిఫికెట్’తో పాటు సేల్ డీడ్ను కూడా తిరిగి ఇచ్చేస్తాయి. కొన్నిసార్లు అసలు సేల్ డీడ్ను రుణగ్రహీతకు ఇవ్వని సందర్భాలు కూడా ఉన్నాయి. అయితే, సేల్ డీడ్ బ్యాంకు వారు పోగొట్టినా, ఉద్దేశపూర్వకంగా ఇవ్వకపోయినా.. రుణగ్రహీతలు తీసుకోవలసిన కొన్ని చట్టపరమైన పరిష్కారాలు అందుబాటులో ఉన్నాయి. భారతీయ కాంట్రాక్ట్ చట్టంలోని సెక్షన్ 171 ప్రకారం.. ఏదైనా ఇతర లావాదేవీలకు సంబంధించి బకాయిలను దీనికి ముడిపెడుతూ, టైటిల్/సేల్ డీడ్లను బ్యాంకు తమ వద్ద భద్రపరచుకోవడానికి ఏ విధమైన హక్కు లేదని చట్టం చెబుతోంది. రుణగ్రహీత ఇంటి రుణ బకాయిలను పూర్తిగా తీర్చివేయగానే హోమ్ లోన్ నో డ్యూ సర్జిఫికేట్తో పాటు, డిపాజిట్ చేసిన అన్ని పత్రాలను తిరిగి ఇచ్చేయాలి. ఇటువంటి కేసులను పరిశీలించిన కోర్టులు కూడా దీన్ని బ్యాంకుల సేవా లోపంగా పరిగణిస్తున్నాయి. ఆస్తి బదిలీ చట్టంలోని సెక్షన్ 60 ప్రకారం చెల్లించాల్సిన మొత్తం బకాయిలను ఇచ్చేసిన తర్వాత టైటిట్ డీడ్ ఇవ్వాల్సిన బాధ్యత బ్యాంకుదే.
సేల్ డీడ్ ఎలా మిస్సవుతుంది?
ఇంటి రుణాలు 10-30 ఏళ్ల సుదీర్ఘకాల వ్యవధిని కలిగి ఉంటాయి. ఈ డాక్యుమెంట్లు బ్యాంకు సెంట్రల్ రిపోజిటరీకి పంపుతారు. ఇవి ఎక్కువుగా వారి ప్రధాన కార్యాలయం ఉన్న ప్రదేశాలలో ఉంటాయి. చాలా బ్యాంకుల ప్రధాన కార్యాలయాలు, సెంట్రల్ రిపోజిటరీలు ముంబయిలో ఉన్నాయి. ఎక్కువగా వీటి నిర్వహణ థర్డ్ పార్టీ చూస్తుంటుంది. ఈ పత్రాలను పంపడానికి, వాటిని సురక్షితంగా ఉంచడానికి మానవ జోక్యం అవసరం. కాబట్టి, ఎక్కడైనా పొరపాటు జరిగే అవకాశం ఉంది. సుదీర్ఘ కాలవ్యవధిలో వాటి స్థానం మారొచ్చు.
రుణగ్రహీత ఏం చేయాలి?
రుణం పూర్తిగా తిరిగి చెల్లించిన తర్వాత కూడా బ్యాంకు అసలు సేల్ డీడ్ను తిరిగి ఇవ్వడంలో విఫలమైతే, రుణగ్రహీత 'బ్యాంకింగ్ అంబుడ్స్మన్'కు ఫిర్యాదు చేయొచ్చు. అంబుడ్స్మన్ వినియోగదారుల ఫిర్యాదుల విషయంలో చాలా ప్రభావవంతంగా పనిచేస్తారు. ఒకవేళ ఈ సమస్యను పరిష్కరించడంలో వారు సహాయం చేయలేకపోతే, రుణగ్రహీత బ్యాంకుకు లీగల్ నోటీసును పంపడంతో పాటు అవసరమైన చట్టపరమైన చర్యను తీసుకోవచ్చు. బ్యాంకు అధీనంలో ఉండగానే సేల్ డీడ్ పోయింది కాబట్టి, బ్యాంకును పోలీసులకు ఫిర్యాదు చేయమని అడగొచ్చు. బ్యాంకు అలా చేయడానికి నిరాకరిస్తే, రుణగ్రహీతే స్వయంగా పోలీసులకు ఫిర్యాదు చేయొచ్చు. పోలీసుల నుంచి ఫస్ట్ ఇన్ఫర్మేషన్ రిపోర్ట్ (ఎఫ్ఐఆర్) కాపీని పొంది, బ్యాంకుకు ఆ కాపీని అందించండి. భవిష్యత్లో ఎఫ్ఐఆర్ చట్టపరమైన రికార్డుగా రుణగ్రహీతకు ఉపయోగపడుతుంది.
పబ్లిక్ నోటీసు
రుణగ్రహీతలు కనీసం రెండు ప్రముఖ వార్తాపత్రికలలో పబ్లిక్ నోటీసులను ఇవ్వాలి. ఈ నోటీసులో బ్యాంకు ద్వారా సేల్ డీడ్ను కోల్పోయినట్లు తెలియజేయాలి. నోటీసులో మీ ఆస్తికి సంబంధించిన అన్ని వివరాలు ఉండాలి. ఎవరైనా మీ పత్రాలను తిరిగి ఇవ్వొచ్చు లేదా ఏవైనా అభ్యంతరాలు లేవనెత్తచ్చు. ఒక వారం/10 రోజులు వేచి చూడండి. సేల్ డీడ్ను పోగొట్టుకున్నట్లు రుజువుగా నోటీసు ప్రచురణ అయిన పత్రికను మీ వద్ద భద్రపరచుకోవాలి.
వినియోగదారుల ఫోరంలో ఫిర్యాదు
రుణగ్రహీతలు సేల్ డీడ్ కోల్పోయినందుకు వినియోగదారుల ఫోరంలో బ్యాంకుపై ఫిర్యాదు చేయొచ్చు. ఇంటి పత్రాలు అందజేసినప్పుడు బ్యాంకు ద్వారా పొందిన రశీదులు, పోలీసు పిర్యాదు కాపీ, రుణానికి సంబంధించిన పత్రాలు, వార్తపత్రిక నోటీసు కాపీ.. వినియోగదారుల ఫోరానికి సమర్పించాలి. ఇలాంటి ఫిర్యాదులను వినియోగదారుల ఫోరం బ్యాంకు వల్ల ఏర్పడిన సేవా లోపంగా పరిగణిస్తుంది. ఒరిజినల్ డాక్యుమెంట్ల నష్టానికి బ్యాంకు ద్వారా పరిహారం పొందే అవకాశం కూడా ఉంది. నేషనల్ కన్స్యూమర్ డిస్ప్యూట్స్ రిడ్రెసల్ కమిషన్ (NCDRC) 2022 జనవరిలో ఒక తీర్పులో.. సేల్ డీడ్ కోల్పోయినందుకు పరిహారంగా వినియోగదారుడికి రూ.5 లక్షలు చెల్లించాలని బ్యాంకును ఆదేశించింది.
వేరొక సేల్ డీడ్ను పొందొచ్చు
సేల్ డీడ్ను కోల్పొయిన సందర్భంలో దస్తావేజు నమోదయిన సబ్-రిజిస్ట్రార్ కార్యాలయాన్ని సంప్రదించాలి. అక్కడ మీ సేల్ డీడ్కు సంబంధించిన హార్డ్/సాఫ్ట్ కాపీ ఉంటుంది. మీరు ఇప్పటి వరకు చేసిన ఫిర్యాదులతో సహా ఆస్తికి సంబంధించిన ఇతర పత్రాలతో సబ్-రిజిష్టర్కు దరఖాస్తు చేసి వేరొక సేల్ డీడ్ కాపీ పొందొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పు చేసి ఇల్లు కొంటున్నారా?
సొంతిల్లు.. ప్రతి ఒక్కరి కల. దీన్ని నిజం చేసుకునే క్రమంలో గృహరుణం తీసుకుంటాం. తొలిసారి ఇల్లు కొనుగోలు చేస్తున్నవారూ.. ఇప్పటికే ఉన్నదాన్ని మార్చి, పెద్దది తీసుకోవాలనుకున్నా. -
క్రెడిట్ కార్డు.. ఇలా తీసుకుందాం
క్రెడిట్ కార్డులు మన రోజువారీ ఆర్థిక లావాదేవీల్లో ఒక భాగం అయ్యాయి. ఇప్పుడు యూపీఐ ఆధారిత చెల్లింపుల కోసమూ వీటిని ఉపయోగించుకునేందుకు వీలవుతోంది. -
క్రెడిట్ కార్డు రుణం ఎప్పుడు తీసుకోవడం మేలు?
అత్యవసర పరిస్థితిల్లో క్రెడిట్ కార్డు మెరుగైన ఆర్థిక రక్షణ ఇస్తుంది. ఎలాంటి ఇబ్బందులు ఎదురైనప్పుడు క్రెడిట్ కార్డు ఉపయోగించి తాత్కాలికంగా ఆర్థిక రక్షణ పొందొచ్చో ఇక్కడ చూద్దాం. -
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!
SBI Credit Card: ఎస్బీఐ కార్డు విమాన ప్రయాణికుల కోసం మూడు ప్రత్యేక క్రెడిట్ కార్డులను తీసుకొచ్చింది. వాటిలోని ప్రయోజనాలు, ఫీజుల వివరాలు ఎలా ఉన్నాయో చూద్దాం..! -
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు
తాజా వార్తలు (Latest News)
-
ఏపీ డీజీపీగా ద్వారకా తిరుమలరావుకు అవకాశం!
-
నేటి రాశి ఫలాలు.. 12 రాశుల ఫలితాలు ఇలా... (06/05/24)
-
మోదీజీ.. ఇకనైనా మౌనం వీడండి: సెక్స్ కుంభకోణంపై కాంగ్రెస్
-
పార్టీ కార్యకర్తపై చేయి చేసుకున్న డీకే శివకుమార్!
-
ఆ సిబిల్ స్కోర్ చూస్తే జాతకం బయటపడుతుంది: ‘కర్మ’పై పూరి జగన్నాథ్
-
‘పోలీసుల నోటీసులు పట్టించుకోవద్దు’ - సిబ్బందికి బెంగాల్ గవర్నర్ ఆదేశం