Bank Cheque: బ్యాంకు చెక్కు ఇచ్చే ముందు తీసుకోవాల్సిన జాగ్రత్తలు!
బ్యాంకు చెక్కు రాయడం చాలా సులభమైన పనే. కానీ, చెక్కులను జారీ చేసేటప్పుడు కొన్ని ముఖ్యమైన అంశాలను పరిగణనలోకి తీసుకోవాలి.
ఇంటర్నెట్ డెస్క్: ఈ రోజుల్లో ఆన్లైన్ ద్వారా నగదు పంపడం, తీసుకోవడం చాలా సులభం అయిపోయింది. గతంలో నగదు కార్యకలాపాలకు బ్యాంకు జారీ చేసిన చెక్లను విరివిగా వాడేవారు. అయితే, ఇప్పటికీ నగదు చెల్లింపులకు చెక్లు జారీ చేస్తుంటారు. చెక్ జారీ చేసేముందు కొన్ని జాగ్రత్తలు తీసుకోవాలి. లేకపోతే అనేక ఆర్థిక నష్టాలు, వివాదాలకు కారణమవుతుంది. భవిష్యత్తులో చాలా ఇబ్బందులు ఏర్పడతాయి. చిన్న చిన్న జాగ్రత్తలు తీసుకుంటే మోసాలు, చట్టపరమైన సమస్యల బారిన పడే ప్రమాదాల నుంచి తప్పించుకోవచ్చు.
నగదు నిల్వ, తేదీ
బ్యాంకులో తగినంత నగదు బ్యాలెన్స్ లేకుండా చెక్ను ఎవరికీ ఇవ్వొద్దు. చెక్పై రాసిన మొత్తానికి మీ ఖాతాలో తగినంత నిధులు ఉన్నాయని నిర్ధారించుకోవాలి. బ్యాంకులో తగిన బ్యాలెన్స్ లేక చెక్ బౌన్స్ అయితే స్వీకరించినవారికి పెనాల్టీ ఉంటుంది. అంతేకాకుండా అది ఇచ్చిన వారి ఆర్థిక విశ్వసనీయత దెబ్బతినడమే కాకుండా కోర్టు కేసును ఎదుర్కోవాల్సి ఉంటుంది. ప్రస్తుతం బ్యాంకులో తగిన నిల్వ లేనప్పుడు కొద్దిగా లేటుగా తేదీని రాయడం మరువొద్దు. ఆ తేదీకి కాస్త ముందుగానే బ్యాంకులో తగినంత డిపాజిట్ చేయడానికి వెసులుబాటు ఉంటుంది. అలాగే తేదీ లేకుండా చెక్కు ఇస్తే బ్యాంకు అంగీకరించదు. సంవత్సరం లేదా నెలను తప్పుగా రాసినా కూడా మీ చెక్ బౌన్స్ అయ్యే అవకాశం ఉంది. కచ్చితమైన ఆర్థిక రికార్డులను నిర్వహించడానికి చెక్ నంబర్తో సహా తేదీ చాలా కీలకం.
పోస్ట్-డేటెడ్ చెక్కు
సాధారణంగా చాలా మంది పోస్ట్-డేటెడ్ చెక్కులు ఇస్తుంటారు. ముఖ్యంగా తక్కువ కాలవ్యవధిలో ఎక్కువ పోస్ట్-డేటెడ్ చెక్కులను వేర్వేరు వ్యక్తులకు ఇవ్వొద్దు. దీనివల్ల తికమకకు గురై బ్యాంకులో డబ్బు నిల్వ ఉంచడంలో ఇబ్బందులు ఏర్పడవచ్చు. పోస్ట్-డేటెడ్ చెక్ ఇచ్చినప్పుడు ఆ డేట్ను నోట్ చేసుకోవడమే కాకుండా.. దాని కోసం ముందుగానే ప్లాన్ చేసుకోవడం చాలా అవసరం.
చెక్కులో పేరు, మొత్తం
మీరు చెక్కును జారీ చేస్తున్న వ్యక్తి/వ్యాపారం పేరును స్పష్టంగా రాయాలి. సరిగ్గా పేరు రాస్తేనే చెక్ పనిచేస్తుంది. పేరు రాయడంలో పొరపాట్లు జరిగితే చెక్కు క్లియర్ అవ్వడంలో జాప్యం కావచ్చు లేదా తిరస్కరణకు గురికావచ్చు. చెక్కును ఇచ్చేటప్పుడు దానిపై రాసే మొత్తాన్ని ఒకటికి రెండు సార్లు తనిఖీ చేయండి. చెక్కులో పేరును రెండు, మూడు పదాలుగా రాసేటప్పుడు, పదాల మధ్యలో తక్కువ గ్యాప్ వదలాలి. ఎక్కువ గ్యాప్ వదిలితే ఆ పదాల మధ్య ఏదైనా అక్షరాన్ని చేర్చి ‘పేరు’ మార్చేయడానికి అవకాశం ఉంది. డబ్బు మొత్తాన్ని సంఖ్యలో రాసినప్పుడు, ఆ సంఖ్యను ఎవరూ మార్చకుండా చూడాలి. ఉదాహరణకు 5000/- ఇలా కుడివైపు బాక్స్లో రాయాలి. అంతేకాకుండా ఎడమవైపు గీతపై Rupees Five Thousand only అని అక్షరాలలో కూడా తప్పనిసరిగా రాయాలి. దీనివల్ల అమౌంట్ మొత్తం ఎవరూ ఉద్దేశపూర్వకంగా మార్చకుండా ఉంటుంది.
సంతకం, ఓవర్రైట్
చెక్కుకు కుడివైపు కింద సంతకం చేయవలసి ఉంటుంది. ఇది చాలా కీలకం. మీరు బ్యాంకులో ఇచ్చిన సంతకంతో ఇది సరిపోలాలి. లేని పక్షంలో బ్యాంకు మీ చెక్కును తిరస్కరించే అవకాశం ఉంది. దీనివల్ల చాలా విలువైన సమయం వృథా అవుతుంది. అంతేకాకుండా మీరు రాసిన చెక్కులో ఎలాంటి వివరాలను ఓవర్రైట్ చేయకుండా జాగ్రత్త వహించండి. చెక్ను అంగీకరించడానికి, నిరాకరించడానికి బ్యాంకుకు స్వేచ్ఛ ఉన్నందున చెక్కుపై కొట్టివేతలు ఉండకూడదు. మీరు చెక్ రైటింగ్ ఫార్మాట్లో పొరపాటు చేస్తే, కొత్త చెక్కును రాయండి.
క్రాస్ ది చెక్, BEARER
మీరు ఎవరి పేరు మీద చెక్కు ద్వారా డబ్బు చెల్లించినా.. చెక్కు ఎడమవైపున పైన డబుల్ క్రాస్ లైన్ను గీయాలి. ఆ రెండు లైన్ల మధ్యలో 'A/C Pay only' అని రాయాలి. దీనివల్ల ఆ డబ్బు కచ్చితంగా అతడి బ్యాంకు ఖాతాలోకే వెళుతుంది. మధ్యలో ఎవరూ దీన్ని దుర్వినియోగం చేయలేరు. బ్యాంకు ఖాతాకే వెళుతుంది కాబట్టి, ప్రూఫ్ కింద ఉంటుంది. అంతేకాకుండా చెక్కు పైనుంచి 2వ లైన్లో చివర BEARER అని ఉంటుంది. ఆ అక్షరాలను అడ్డండా గీత గీయాలి (కొట్టివేయాలి). ఇలా చేయడం వల్ల రిసీవర్ బ్యాంకు ఖాతాకు మాత్రమే మొత్తం జమ అవుతుంది. చాలా మంది చెక్కు ఇచ్చేటప్పుడు హడావిడిలో ఇది మర్చిపోతుంటారు.
బ్లాంక్ చెక్
ఖాళీగా ఉన్న చెక్కును ఎవరికీ ఇవ్వొద్దు. సంతకం మాత్రమే చేసి అసలు ఇవ్వకూడదు. అవతలి వ్యక్తులు దీన్ని దుర్వినియోగం చేయడానికి అవకాశం ఇచ్చినట్లు ఉంటుంది. ఈ అజాగ్రత్త కారణంగా చెక్కు జారీ చేసినవారు అనేక ఆర్థిక నష్టాలకు, చట్టపరమైన ఇబ్బందులకు గురవుతారు. ఎల్లప్పుడూ చెక్కు వివరాలను పూర్తిగా రాసి సరైన వ్యక్తులకు మాత్రమే అందజేయండి.
చెక్కు వివరాలు
మీరు ఎవరికైనా చెక్కు ఇచ్చినప్పుడు దాని నంబరు, ఖాతా పేరు, అమౌంట్ మొత్తం, జారీ చేసిన తేదీ లాంటివన్నీ ముఖ్యమైన చోట నోట్ చేసుకోండి. సాధారణంగా చెక్ బుక్ మొదట్లోనే దీనికోసం ఒక పేజీ అందుబాటులో ఉంటుంది. ఏ కారణం వల్లనైనా చెక్కును రద్దు చేయాలనుకున్నప్పుడు ఈ సమాచారం అవసరం పడుతుంది. బ్యాంకుకు కాల్ చేసి తెలుపాలన్నా, స్వయంగా వెళ్లి అడిగినా బ్యాంకు తప్పక ఆ చెక్కు వివరాలు అడుగుతుంది. ప్రస్తుతం చాలా మంది స్మార్ట్ఫోన్లనే వాడుతున్నారు కాబట్టి, చెక్కును ఇచ్చే ముందు దాన్ని స్నాప్షాట్ పొందడం మంచిది.
అదనపు జాగ్రత్తలు
సాధారణంగా చెక్కు ఇస్తున్నప్పుడు.. పేరు, అమౌంట్ మొత్తంపై ట్రాన్స్పరెంట్ సెల్లో టేప్ను అతికించాలని ముఖ్యమైన సూచన. దీని వల్ల చెక్కును మార్చడానికి ఎవరూ ప్రయత్నం చేయలేరు. చెమట, నీరు లాంటివి తగిలినప్పుడు చెక్కుపై అక్షరాలు చెరిగిపోవు. చెక్ బుక్ను జాగ్రత్తగా నిర్వహించాలి. మడత పెట్టడం గానీ, పాడు చేయడం గానీ చేయకూడదు. చెక్కు స్వరూపం కొద్దిగా మారినా, మురికిగా ఉన్నా బ్యాంకు ఆ చెక్కులను తిరస్కరిస్తుంది. చెక్కును జారీ చేసేటప్పుడు వెనుక భాగంలో మీ పేరు, ఖాతా వివరాలు, మొబైల్ నంబర్తో పాటు సంతకం కూడా చేయండి. ఇతర కారణాల వల్ల అవసరమైతే తప్ప రద్దు చేసిన చెక్కులను పూర్తిగా నాశనం చేయండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈ రుసుములు గమనించారా?
క్రెడిట్ కార్డును వాడుతున్నారా? తాజాగా వచ్చిన మీ కార్డు బిల్లును పరిశీలనగా చూశారా? చాలామంది క్రెడిట్ కార్డు బిల్లును సరిగా చూడకుండానే చెల్లిస్తుంటారు. -
బ్యాంకు అప్పు ఇవ్వనంటే...
అత్యవసరంలో కొన్నిసార్లు అప్పు చేయడం తప్పనిసరి అవుతోంది. అన్ని సందర్భాల్లోనూ బ్యాంకులు రుణం ఇవ్వకపోవచ్చు. ముఖ్యంగా వ్యక్తిగత రుణానికి సంబంధించి.. -
444 రోజుల అమృత్ వృష్టి
కొత్త పెట్టుబడి పథకాలు ఎన్ని వస్తున్నా, పెట్టుబడికీ, రాబడికీ హామీ ఉండే ఫిక్స్డ్ డిపాజిట్ల (ఎఫ్డీ) ప్రత్యేకతే వేరు. కాస్త అధిక రాబడినిచ్చే ఎఫ్డీలపై సీనియర్ సిటిజన్లతోపాటు, యువత సైతం ఆసక్తి చూపిస్తుంటారు. -
కారు రుణాలపై ఏ బ్యాంకులో వడ్డీ రేట్లు ఎంతెంత?
దాదాపుగా అన్ని బ్యాంకులు వాహన రుణాలందిస్తున్నాయి. ఈ రుణాలకై వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం. -
డీమ్యాట్ ఖాతా ఈ పొరపాట్లు చేయొద్దు
ఆర్థిక ప్రపంచంలోకి తొలి అడుగు పొదుపు ఖాతాతోనే ప్రారంభం అవుతుంది. ఇదే విధంగా స్టాక్ మార్కెట్లోకి ప్రవేశించాలనుకునే వారు డీమ్యాట్ ఖాతాతోనే తమ పెట్టుబడుల ప్రయాణాన్ని మొదలుపెడతారు. -
క్రెడిట్ కార్డులు రివార్డులు తగ్గుతున్నాయి
ఏడాది క్రితం వరకూ క్రెడిట్ కార్డులను ఎంత వాడితే.. అన్ని రివార్డు పాయింట్లు వచ్చేవి. వార్షిక రుసుములు రద్దయ్యేవి. చాలామంది వీటికోసమే డబ్బులున్నా సరే.. క్రెడిట్ కార్డులతోనే లావాదేవీలు చేసేవారు. -
స్థిరమైన రాబడి కోసం..
కెనరా రొబెకో మ్యూచువల్ ఫండ్ కొత్తగా బ్యాలెన్స్డ్ అడ్వాంటేజ్ ఫండ్ను ఆవిష్కరించింది. ‘కెనరా రొబెకో బ్యాలెన్స్డ్ అడ్వాంటేజ్ ఫండ్’ అనే ఈ పథకం ఎన్ఎఫ్ఓ ఈ నెల 26 వరకూ అందుబాటులో ఉంటుంది. -
ఇంటి పునరుద్ధరణ కోసం రుణం ఎలా పొందాలి?
ఇంటిని పునరుద్ధరించడం వల్ల దానికి మరింత ఆధునికతను జోడించవచ్చు. అయితే, దీనికి బాగానే ఖర్చవుతుంది, కాబట్టి రుణం తీసుకోవడం మేలు. ఈ రుణాన్ని పొందడానికి ఎలాంటి విషయాలను పరిగణనలోకి తీసుకోవాలో ఇక్కడ తెలుసుకుందాం. -
ఎస్బీఐ, బీఓబీ నుంచి స్పెషల్ ఎఫ్డీ స్కీమ్స్.. వారికి 7.75% వడ్డీ
SBI, BOB new FDs: ప్రభుత్వరంగ బ్యాంకులైన స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా కొత్త ఫిక్స్డ్ డిపాజిట్ పథకాలను తీసుకొచ్చాయి. -
వ్యక్తిగత రుణాల వడ్డీ రేట్లు ఎంతెంత?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
ఎస్బీఐ లోన్లు మరింత ప్రియం.. MCLR 10 పాయింట్లు పెంపు!
SBI Loans: రుణరేట్లను ఎస్బీఐ సవరించింది. ఎంసీఎల్ఆర్ ఆధారిత రేట్లను 0.10 శాతం మేర పెంచింది. -
ఉన్నత విద్యకు విద్యా రుణాలు ఎలా సహాయపడతాయి?
ఉన్నత విద్య సురక్షితమైన, సుసంపన్నమైన జీవితానికి ప్రవేశ ద్వారం లాంటిది. దీన్ని పొందడానికి బ్యాంకులిచ్చే విద్యారుణాలు ఎంతగానో ఉపయోగపడతాయి. -
ఫిక్స్డ్ డిపాజిట్లు.. అధిక వడ్డీ అందుతోందా?
గత కొన్నాళ్లుగా ఫిక్స్డ్ డిపాజిట్లపై అధిక వడ్డీ రేట్లు కొనసాగుతున్నాయి. చాలా బ్యాంకులు 7.15-7.25 శాతం వరకూ వడ్డీని అందిస్తున్నాయి. సీనియర్ సిటిజన్లకు దీనిపై అర శాతం అధికంగానే ఉంటుంది. -
ఆన్లైన్లో ఇన్స్టంట్ లోన్.. ఈ అంశాలు పరిశీలించాల్సిందే..!
ఆన్లైన్లో ఇన్స్టంట్ లోన్ తీసుకునే ముందు దరఖాస్తుదారులు గుర్తుంచుకోవలసిన ముఖ్య విషయాలను ఇక్కడ తెలుసుకుందాం. -
హెచ్డీఎఫ్సీ బ్యాంకు ఖాతాదారులకు అలర్ట్.. 13న ఈ సర్వీసులు పనిచేయవ్!
HDFC Bank downtime: జులై 13న హెచ్డీఎఫ్సీ బ్యాంక్ కస్టమర్లకు కొన్ని సర్వీసులు అందుబాటులో ఉండవు. ఆ వివరాలు తెలుసుకోండి. -
స్టెప్- అప్ హోమ్లోన్ గురించి తెలుసా? ఎవరికి ప్రయోజనకరం?
Step- up home loan: హోమ్లోన్ తీసుకోవాలనుకుంటున్నారా? ఇంతకీ స్టెప్- అప్ హోమ్లోన్ గురించి తెలుసా? -
విద్యుత్తు ఉపకరణాల సంస్థల్లో
విద్యుత్తు రంగంలో అనూహ్యమైన మార్పులు చోటు చేసుకుంటున్నాయి. ముఖ్యంగా విద్యుత్తు సరఫరా, పంపిణీ విభాగాల్లో ఆధునిక సాంకేతిక పరిజ్ఞాన వినియోగం పెరుగుతోంది. -
ఎఫ్డీలపై వడ్డీ రేట్లను సవరించిన ఐసీఐసీఐ బ్యాంక్
ప్రముఖ బ్యాంకింగ్ దిగ్గజం ఐసీఐసీఐ రూ.3 కోట్ల వరకు ఉన్న ఫిక్స్డ్ డిపాజిట్లపై వడ్డీ రేట్లను సవరించింది. -
క్రెడిట్ కార్డు రూల్స్లో మార్పులు.. ఈ జాబితాలో మీ బ్యాంక్ ఉందా?
Credit card rules: క్రెడిట్ కార్డులకు సంబంధించి బ్యాంకులు కొన్ని మార్పులు చేశాయి. జులై నుంచే ఆ మార్పులు అమల్లోకి రానున్నాయి. -
చికిత్స కోసం అప్పు చేస్తున్నారా?
ఆరోగ్య అత్యవసరం ఎప్పుడు ఏ రూపంలోనైనా రావచ్చు. దీనికి ఆర్థికంగా అన్ని వేళలా సిద్ధంగా ఉండాలి. ఆరోగ్య బీమా ఉన్నప్పుడు కొంత భరోసాగా ఉంటుంది. -
బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి, బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం.
తాజా వార్తలు (Latest News)
-
గోదావరిలో పెరుగుతున్న వరద.. ధవళేశ్వరం వద్ద రెండో ప్రమాద హెచ్చరిక జారీ
-
ఒకే ట్రాక్పైకి నాలుగు రైళ్లు.. వైరల్ వీడియోపై రైల్వే శాఖ స్పష్టత
-
శ్రీవారి భక్తులకు మరింత సౌకర్యవంతంగా తితిదే సేవలు: అదనపు ఈవో వెంకయ్య చౌదరి
-
సీఎం నీతి ఆయోగ్ సమావేశాన్ని బహిష్కరించడం సరికాదు : కేంద్ర మంత్రి ప్రహ్లాద్ జోషి
-
ఎక్కడ గంజాయి పట్టుబడినా ధూల్పేట్లోనే మూలాలు: ఎక్సైజ్ ఎన్ఫోర్స్మెంట్ డైరెక్టర్
-
అక్కడ భర్తలకు భార్యలు పాకెట్ మనీ ఇస్తారట..