Home Loan: హోమ్లోన్ తీసుకునేముందు వీటిని చెక్ చేసుకోండి..
ఇంటి రుణం అనేది సుదీర్ఘమైన కాలవ్యవధికి సంబంధించినది మాత్రమే కాకుండా, పెద్ద ఆర్థిక బాధ్యత కూడా. ఈ రుణానికి దరఖాస్తు చేసేవారు ఈ కింది అంశాలను పరిగణనలోకి తీసుకోవాలి.
ఇంటర్నెట్ డెస్క్: ఇల్లు కొనడం అనేది చాలా మందికి ఒక కల. వారి జీవితకాలంలో చేసే అత్యంత ఖరీదైన కొనుగోళ్లలో ఇదీ ఒకటి. చాలా మంది భారతీయులు ప్రతిష్టాత్మకమైన ప్రధాన లక్ష్యాలలో సొంత ఇల్లు అనేది ఉండాలని భావిస్తున్నారని ఒక అధ్యయనం తెలిపింది. అయితే, ఇంటి కొనుగోలు కేవలం పొదుపుతో సాధ్యం కాదు. అందుకు బలమైన ఆర్థిక చేయూత అవసరం. కాబట్టి చాలా మందికి ఇంటిని సొంతం చేసుకోవాలనే కలను నెరవేర్చుకోవడానికి బ్యాంకు రుణంపై ఆధారపడతారు. అయితే, ఇంటి రుణం కోసం దరఖాస్తు చేసుకునే ముందు పరిగణించవలసిన అనేక కీలకమైన అంశాలు ఇక్కడ ఉన్నాయి. ఈ అంశాలను బట్టి రుణానికి ప్రయత్నించాలా? కొంత కాలం పాటు వేచి చూడాలా? అనేది రుణ దరఖాస్తుదారులు ఆలోచించుకోవాలి.
క్రెడిట్ స్కోరు
మీ క్రెడిట్ స్కోర్ మీ రుణ దరఖాస్తుపై నేరుగా ప్రభావం చూపుతుంది. బ్యాంకులు 700 అంతకంటే ఎక్కువ స్కోరును కలిగి ఉన్న దరఖాస్తుదారులపై ఆసక్తి చూపుతాయి. ఈ స్కోరు మెరుగ్గా ఉంటే తక్కువ వడ్డీ రేట్లు, మెరుగైన రుణ నిబంధనలను పొందొచ్చు. తక్కువ క్రెడిట్ స్కోరు ఉంటే రుణాన్ని తిరస్కరించే అవకాశాలే ఎక్కువ. కాబట్టి, మీ క్రెడిట్ హిస్టరీ, క్రెడిట్ ఇన్ఫర్మేషన్ రిపోర్ట్ (సీఐఆర్)ని తప్పనిసరిగా చెక్ చేసుకోవాలి. ఇంటి రుణం కోసం దరఖాస్తు చేయడానికి కనీసం 6 నెలల ముందే వీటిని చెక్ చేసుకోవాలి. ఈ రిపోర్ట్లో ఏవైనా లోపాలుంటే సరిదిద్దుకోవడానికి తగిన సమయం ఉంటుంది. అందుచేత మీ క్రెడిట్ స్కోరు తక్కువ ఉంటే, రుణం కోసం దరఖాస్తు చేయడానికి ముందే దాన్ని మెరుగుపరచుకోవడానికి ప్రయత్నించాలి. మంచి క్రెడిట్ నివేదికను నిర్వహించడానికి గడువులోగా ఎప్పుడూ చెల్లింపులు చేయాలి.
ఖాతా నిర్వహణ
ఇంటి రుణానికి మీ నెలవారీ ఆదాయం కీలకపాత్ర పోషిస్తుంది. ఈ ఆదాయంలో ఎంత వరకు పొదుపు చేస్తారనేది చాలా ముఖ్యం. బ్యాంకులు సాధారణంగా గృహ రుణం కోసం దరఖాస్తు చేసినప్పుడు దరఖాస్తుదారుల బ్యాంకు ఖాతా స్టేట్మెంట్లను తీసుకుంటాయి. గత 6 నెలల బ్యాంకు స్టేట్మెంట్ ఆధారంగా బ్యాంకులు మీ రీపేమెంట్ సామర్థ్యాన్ని అంచనా వేస్తాయి. ప్రతి నెలా మీ ఆదాయంలో కనీసం మూడో వంతు ఆదా చేసుకోవాలి. ఈ స్టేట్మెంట్తో మీ ఆదాయం, ఖర్చులు, జీవనశైలి మొదలైన వాటి గురించి బ్యాంకులు విశ్లేషిస్తాయి. ప్రతి నెలా తగిన క్రెడిట్ బ్యాలెన్స్ని కలిగి ఉన్నారా లేదా అని బ్యాంకు స్టేట్మెంట్ ద్వారా తెలుసుకుంటాయి. ఈ క్రెడిట్ బ్యాలెన్స్ కనీసం ఇంటి రుణ ఈఎంఐకి సమానంగా ఉండాలి. ఇంకా చెక్కులు బౌన్స్ అయిన సందర్భాలు ఉండకూడదు. ఇది సాధ్యం కాకపోతే.. ఆ ఆర్థిక స్థితికి వచ్చే వరకు ఇంటి రుణాన్ని వాయిదా వేసుకోవడమే మేలు.
పాత రుణాలు క్లియర్
మీరు ఒకటి కంటే ఎక్కువ రుణాలను పొందినట్లయితే, ఇంటి రుణం కోసం దరఖాస్తు చేసేముందు వాటిని చెల్లించేయండి. ఎక్కువ రుణాలను కలిగి ఉండడం మీ లోన్ అర్హతపై ప్రభావం చూపుతుంది. అయితే, కొన్ని బ్యాంకులు రుణ ఏకీకరణ పథకాన్ని కూడా అందిస్తాయి. దాన్ని పరిశీలించొచ్చు. మీ హోమ్ లోన్ అర్హతను లెక్కించేటప్పుడు బ్యాంకులు ఇతర రుణ ఈఎంఐలను పరిగణనలోకి తీసుకుంటాయి. తక్కువ సంఖ్యలో ఈఎంఐలతో మీ రుణం పొందే అర్హత పెరుగుతుంది.
డౌన్ పేమెంట్, ఇతర ఖర్చులు
నేషనల్ హౌసింగ్ బ్యాంకు (ఎన్హెచ్బీ) నిబంధనల ప్రకారం.. ఇంటి రుణాన్ని తీసుకునేటప్పుడు డౌన్ పేమెంట్ను చెల్లించాలని బ్యాంకులు అడుగుతాయి. డౌన్ పేమెంట్ మొత్తం సాధారణంగా ఇంటి విలువలో 10-20% మధ్య ఉంటుంది. ఇది బ్యాంకును బట్టి మారుతుంది. మీరు రూ.60 లక్షల విలువైన ఇంటిని కొనుగోలు చేయాలనుకుంటే.. బ్యాంకు 20% డౌన్ పేమెంట్ని అడిగితే.. ఇది దాదాపు రూ.12 లక్షలు అవుతుంది. మీ డౌన్ పేమెంట్ ఎంత ఎక్కువ ఉంటే ఈఎంఐలు అంతగా తగ్గుతాయి. అలాగే, ఇంటీరియర్ డెకరేషన్, ఆస్తి రిజిస్ట్రేషన్, స్టాంప్ డ్యూటీ, ఇతర లావాదేవీ సంబంధిత రుసుములు మొత్తం దాదాపుగా రూ.10 లక్షలు వరకు దాటొచ్చు. ఇంటి విలువను బట్టి ఇవి మారతాయి. ఇటువంటి ఖర్చులను భరించడానికి సిద్ధంగా ఉండాలి.
ఈఎంఐ
ప్రస్తుత ఇంటి రుణ వడ్డీ రేట్లు 8.5- 8.75% వరకు ఉన్నాయి. పై విధంగా డౌన్ పేమెంట్ చేసిన తర్వాత రూ.50 లక్షల గృహ రుణానికి కనీస ఈఎంఐ, 20 సంవత్సరాల కాలవ్యవధికి సుమారుగా రూ.44 వేలు అవుతుంది. కాబట్టి రుణం కోసం దరఖాస్తు చేసే ముందు మీ నెలవారీ ఆదాయం, ఖర్చులను సరి చూసుకోండి. రుణ కాలవ్యవధిని సుదీర్ఘ కాలానికి సెట్ చేసుకోవచ్చు. సుదీర్ఘ కాలవ్యవధి అంటే చిన్న ఈఎంఐలు కానీ, కాలక్రమేణా ఎక్కువ వడ్డీని చెల్లిస్తారు. మరోవైపు తక్కువ కాలవ్యవధికి ఈఎంఐ మొత్తం మారుతుంది. అయితే, వడ్డీ భారం చాలా తగ్గుతుంది. మీకు ఆర్థిక భారం లేకుండా ఈఎంఐ చెల్లింపులను చేయగలరో లేదో అంచనా వేయండి. మీ రొటీన్ ఖర్చులు, ఈఎంఐ చెల్లింపులను సౌకర్యవంతంగా నిర్వహించడానికి మీ వద్ద తగినంత నిధులు ఉంటేనే లోన్ కోసం దరఖాస్తు చేసుకోండి.
ఆదాయం పెరుగుదల
రుణం కోసం దరఖాస్తు చేసే ముందు మీ ఆదాయం భవిష్యత్లో పెరగవచ్చో లేదో గ్రహించండి. ఇంటి రుణం దీర్ఘకాలిక ఆర్థిక నిబద్ధతతో చెల్లింపులు చేసేది కాబట్టి.. జీతం, ఇంక్రిమెంట్లు ఎంత వరకు పెరుగుతాయో ముందే ఒక అంచనాకు రావాలి. ఇవి పెరిగితే, రుణం ముందస్తు చెల్లింపులు చేయవచ్చు అని అనుకుంటారు. కానీ, కాలానుగుణంగా ఖర్చులు పెరుగుతాయి. కాబట్టి, మీ ఆదాయ పెరుగుదల ఈఎంఐలను వేగంగా తీర్చడానికి పనికరాకపోవచ్చు.
ఉమ్మడి రుణం
క్రెడిట్ స్కోరు, ఆదాయ స్థాయి మొదలైన అంశాల కారణంగా రుణాన్ని పొందే అర్హతను మీరు అందుకోకపోతే, సహ-రుణగ్రహీతను ఏర్పాటు చేసుకోవాలి. ఇలాంటి పరిస్థితుల్లో జీవిత భాగస్వామితో ఉమ్మడి రుణం కోసం దరఖాస్తు చేయడం ప్రయోజనకరంగా ఉంటుంది. ఇది మీ రుణం పొందే అవకాశాన్ని పెంచడమే కాకుండా తక్కువ వడ్డీ రేటుకు రుణం లభిస్తుంది. ఇద్దరు రుణగ్రహీతలు వారి ఆదాయంతో తమ జీవన ఖర్చులకు, ఈఎంఐలను తీర్చడానికి ఉపయోగించవచ్చు. ఈ విధంగా రుణం పొందినవారు ఆదాయం కలిపితే ఎక్కువే ఉంటుంది కాబట్టి, ముందస్తు చెల్లింపులు చేయొచ్చు. అంతేకాకుండా, ఉమ్మడి గృహ రుణ విషయంలో రుణగ్రహీతలిద్దరూ ఆదాయపు పన్ను చట్టంలోని సెక్షన్ 80సి, 24 కింద పన్ను ప్రయోజనాలను పొందుతారు.
పరిశోధన
ఇంటి రుణం తీసుకునే మందు వివిధ బ్యాంకులు అందిస్తున్న వడ్డీ రేట్లు, పథకాలను సరిపోల్చడానికి మీరు సమగ్రమైన ఆన్లైన్ పరిశోధన చేయాలి. కొన్ని ఫెస్టివల్ సీజన్లలో ప్రాసెసింగ్ రుసుములు మాఫీ వంటివి ఉంటాయి. ఇంకా వడ్డీలపై డిస్కౌంట్లను బ్యాంకులు ప్రకటిస్తుంటాయి. ఫ్లోటింగ్, ఫిక్స్డ్ వంటి ఇంటి రుణాలు అందుబాటులో ఉంటాయి. వీటి వడ్డీ రేట్లను స్పష్టంగా తెలుసుకోవాలి. ఫిక్స్డ్ రేట్లు, రుణ కాలవ్యవధిలో స్థిరంగా ఉంటాయి. ఫ్లోటింగ్ వడ్డీ రేట్లు మార్కెట్ పరిస్థితుల ఆధారంగా మారతాయి. అంటే ఈఎంఐలు కాలక్రమేణా మారొచ్చు. కాబట్టి, మీరు మీ అవసరాలకు సరిపోయే రుణ ప్రణాళికను ఎంచుకోవచ్చు.
చివరిగా: ఇంటి రుణం తీసుకోవడానికి పైన పేర్కొన్న అంశాలను పరిగణనలోకి తీసుకోవాలి. ఇంటి రుణం వంటి దీర్ఘకాలిక ప్రణాళికను నిర్వహించడానికి ఆర్థిక సామర్థ్యం ఒకటే సరిపోదు. దీర్ఘకాలం పాటు ఆర్థిక క్రమశిక్షణగా ఉండడం చాలా అవసరం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈ రుసుములు గమనించారా?
క్రెడిట్ కార్డును వాడుతున్నారా? తాజాగా వచ్చిన మీ కార్డు బిల్లును పరిశీలనగా చూశారా? చాలామంది క్రెడిట్ కార్డు బిల్లును సరిగా చూడకుండానే చెల్లిస్తుంటారు. -
బ్యాంకు అప్పు ఇవ్వనంటే...
అత్యవసరంలో కొన్నిసార్లు అప్పు చేయడం తప్పనిసరి అవుతోంది. అన్ని సందర్భాల్లోనూ బ్యాంకులు రుణం ఇవ్వకపోవచ్చు. ముఖ్యంగా వ్యక్తిగత రుణానికి సంబంధించి.. -
444 రోజుల అమృత్ వృష్టి
కొత్త పెట్టుబడి పథకాలు ఎన్ని వస్తున్నా, పెట్టుబడికీ, రాబడికీ హామీ ఉండే ఫిక్స్డ్ డిపాజిట్ల (ఎఫ్డీ) ప్రత్యేకతే వేరు. కాస్త అధిక రాబడినిచ్చే ఎఫ్డీలపై సీనియర్ సిటిజన్లతోపాటు, యువత సైతం ఆసక్తి చూపిస్తుంటారు. -
కారు రుణాలపై ఏ బ్యాంకులో వడ్డీ రేట్లు ఎంతెంత?
దాదాపుగా అన్ని బ్యాంకులు వాహన రుణాలందిస్తున్నాయి. ఈ రుణాలకై వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం. -
డీమ్యాట్ ఖాతా ఈ పొరపాట్లు చేయొద్దు
ఆర్థిక ప్రపంచంలోకి తొలి అడుగు పొదుపు ఖాతాతోనే ప్రారంభం అవుతుంది. ఇదే విధంగా స్టాక్ మార్కెట్లోకి ప్రవేశించాలనుకునే వారు డీమ్యాట్ ఖాతాతోనే తమ పెట్టుబడుల ప్రయాణాన్ని మొదలుపెడతారు. -
క్రెడిట్ కార్డులు రివార్డులు తగ్గుతున్నాయి
ఏడాది క్రితం వరకూ క్రెడిట్ కార్డులను ఎంత వాడితే.. అన్ని రివార్డు పాయింట్లు వచ్చేవి. వార్షిక రుసుములు రద్దయ్యేవి. చాలామంది వీటికోసమే డబ్బులున్నా సరే.. క్రెడిట్ కార్డులతోనే లావాదేవీలు చేసేవారు. -
స్థిరమైన రాబడి కోసం..
కెనరా రొబెకో మ్యూచువల్ ఫండ్ కొత్తగా బ్యాలెన్స్డ్ అడ్వాంటేజ్ ఫండ్ను ఆవిష్కరించింది. ‘కెనరా రొబెకో బ్యాలెన్స్డ్ అడ్వాంటేజ్ ఫండ్’ అనే ఈ పథకం ఎన్ఎఫ్ఓ ఈ నెల 26 వరకూ అందుబాటులో ఉంటుంది. -
ఇంటి పునరుద్ధరణ కోసం రుణం ఎలా పొందాలి?
ఇంటిని పునరుద్ధరించడం వల్ల దానికి మరింత ఆధునికతను జోడించవచ్చు. అయితే, దీనికి బాగానే ఖర్చవుతుంది, కాబట్టి రుణం తీసుకోవడం మేలు. ఈ రుణాన్ని పొందడానికి ఎలాంటి విషయాలను పరిగణనలోకి తీసుకోవాలో ఇక్కడ తెలుసుకుందాం. -
ఎస్బీఐ, బీఓబీ నుంచి స్పెషల్ ఎఫ్డీ స్కీమ్స్.. వారికి 7.75% వడ్డీ
SBI, BOB new FDs: ప్రభుత్వరంగ బ్యాంకులైన స్టేట్ బ్యాంక్ ఆఫ్ ఇండియా, బ్యాంక్ ఆఫ్ బరోడా కొత్త ఫిక్స్డ్ డిపాజిట్ పథకాలను తీసుకొచ్చాయి. -
వ్యక్తిగత రుణాల వడ్డీ రేట్లు ఎంతెంత?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
ఎస్బీఐ లోన్లు మరింత ప్రియం.. MCLR 10 పాయింట్లు పెంపు!
SBI Loans: రుణరేట్లను ఎస్బీఐ సవరించింది. ఎంసీఎల్ఆర్ ఆధారిత రేట్లను 0.10 శాతం మేర పెంచింది. -
ఉన్నత విద్యకు విద్యా రుణాలు ఎలా సహాయపడతాయి?
ఉన్నత విద్య సురక్షితమైన, సుసంపన్నమైన జీవితానికి ప్రవేశ ద్వారం లాంటిది. దీన్ని పొందడానికి బ్యాంకులిచ్చే విద్యారుణాలు ఎంతగానో ఉపయోగపడతాయి. -
ఫిక్స్డ్ డిపాజిట్లు.. అధిక వడ్డీ అందుతోందా?
గత కొన్నాళ్లుగా ఫిక్స్డ్ డిపాజిట్లపై అధిక వడ్డీ రేట్లు కొనసాగుతున్నాయి. చాలా బ్యాంకులు 7.15-7.25 శాతం వరకూ వడ్డీని అందిస్తున్నాయి. సీనియర్ సిటిజన్లకు దీనిపై అర శాతం అధికంగానే ఉంటుంది. -
ఆన్లైన్లో ఇన్స్టంట్ లోన్.. ఈ అంశాలు పరిశీలించాల్సిందే..!
ఆన్లైన్లో ఇన్స్టంట్ లోన్ తీసుకునే ముందు దరఖాస్తుదారులు గుర్తుంచుకోవలసిన ముఖ్య విషయాలను ఇక్కడ తెలుసుకుందాం. -
హెచ్డీఎఫ్సీ బ్యాంకు ఖాతాదారులకు అలర్ట్.. 13న ఈ సర్వీసులు పనిచేయవ్!
HDFC Bank downtime: జులై 13న హెచ్డీఎఫ్సీ బ్యాంక్ కస్టమర్లకు కొన్ని సర్వీసులు అందుబాటులో ఉండవు. ఆ వివరాలు తెలుసుకోండి. -
స్టెప్- అప్ హోమ్లోన్ గురించి తెలుసా? ఎవరికి ప్రయోజనకరం?
Step- up home loan: హోమ్లోన్ తీసుకోవాలనుకుంటున్నారా? ఇంతకీ స్టెప్- అప్ హోమ్లోన్ గురించి తెలుసా? -
విద్యుత్తు ఉపకరణాల సంస్థల్లో
విద్యుత్తు రంగంలో అనూహ్యమైన మార్పులు చోటు చేసుకుంటున్నాయి. ముఖ్యంగా విద్యుత్తు సరఫరా, పంపిణీ విభాగాల్లో ఆధునిక సాంకేతిక పరిజ్ఞాన వినియోగం పెరుగుతోంది. -
ఎఫ్డీలపై వడ్డీ రేట్లను సవరించిన ఐసీఐసీఐ బ్యాంక్
ప్రముఖ బ్యాంకింగ్ దిగ్గజం ఐసీఐసీఐ రూ.3 కోట్ల వరకు ఉన్న ఫిక్స్డ్ డిపాజిట్లపై వడ్డీ రేట్లను సవరించింది. -
క్రెడిట్ కార్డు రూల్స్లో మార్పులు.. ఈ జాబితాలో మీ బ్యాంక్ ఉందా?
Credit card rules: క్రెడిట్ కార్డులకు సంబంధించి బ్యాంకులు కొన్ని మార్పులు చేశాయి. జులై నుంచే ఆ మార్పులు అమల్లోకి రానున్నాయి. -
చికిత్స కోసం అప్పు చేస్తున్నారా?
ఆరోగ్య అత్యవసరం ఎప్పుడు ఏ రూపంలోనైనా రావచ్చు. దీనికి ఆర్థికంగా అన్ని వేళలా సిద్ధంగా ఉండాలి. ఆరోగ్య బీమా ఉన్నప్పుడు కొంత భరోసాగా ఉంటుంది. -
బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి, బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఇక్కడ చూద్దాం.