Cryptocurrency: క్రిప్టో కరెన్సీలో నష్టం.. ఒకరి బలవన్మరణం

రామలింగస్వామి

సూర్యాపేట నేరవిభాగం, న్యూస్‌టుడే: ఆన్‌లైన్‌ వ్యాపారంలో నష్టం రావడంతో ఓ వ్యక్తి బలవన్మరణానికి పాల్పడిన ఘటన సూర్యాపేటలో బుధవారం వెలుగుచూసింది. పోలీసులు తెలిపిన వివరాల ప్రకారం.. ఖమ్మం పట్టణానికి చెందిన గుండెమెడ రామలింగస్వామి (36) క్రిప్టో కరెన్సీలో బాగాTS  లాభాలొస్తాయని భావించి ఇద్దరు స్నేహితులతో కలిసి పెద్దమొత్తంలో పెట్టుబడి పెట్టారు. నష్టం రావడంతో మనస్తాపానికి గురయ్యారు. సూర్యాపేటకు వచ్చి ఓ లాడ్జిలో మంగళవారం పురుగుమందు తాగి మృతిచెందారు. బుధవారం ఉదయం గదిలోంచి దుర్వాసన వస్తుండటంతో యాజమాన్యం పోలీసులకు తెలిపింది. వారొచ్చి తలుపులు పగలగొట్టి చూస్తే మృతదేహం కనిపించింది. రామలింగస్వామి తన ఆత్మహత్యకు కారణాలపై భార్య స్వాతి పేరిట రాసిన లేఖను పోలీసులు గుర్తించారు.