సీఐపై సస్పెన్షన్‌ ఎత్తివేత?

ఈనాడు, అమరావతి:  ఇటీవల సస్పెన్షన్‌కు గురైన వినుకొండ రూరల్‌ సీఐ అశోక్‌కుమార్‌ను తిరిగి విధుల్లోకి తీసుకోవటానికి రంగం సిద్ధమైంది. అయితే ఆయనకు మాత్రం పోస్టింగ్‌ ఇవ్వలేదు. అధికార పార్టీకే చెందిన వైకాపా కార్యకర్త, రైతు అయిన జి.నరేంద్రపై అక్రమంగా హత్యాయత్నం కేసు పెట్టి ఇబ్బంది పెట్టడం, జైలుకు పంపటం వంటివి ఇటీవల అధికార పార్టీ ప్రజాప్రతినిధుల మధ్య రచ్చకు దారితీసిన సంగతి విదితమే.   కేసు నమోదుకు దారితీసిన పరిస్థితులపై గుంటూరు రూరల్‌ అదనపు ఎస్పీ రిశాంత్‌రెడ్డి క్షేత్రస్థాయిలో విచారించి నివేదిక సమర్పించారు. వారం తిరగకుండానే ఎమ్మెల్యే బొల్లా బ్రహ్మనాయుడు సదరు అధికారిపై సస్పెన్షన్‌  ఎత్తివేసి తిరిగి అదే స్టేషన్‌లో పోస్టింగ్‌ ఇప్పించుకోవటానికి ప్రయత్నాలు చేశారని అది ఉన్నత స్థాయిలో సఫలమైనట్లు తెలుస్తోంది.