కొనసాగుతున్న ఒత్తిళ్లతో వాలంటీర్ల రాజీనామా

కాకుమాను, న్యూస్‌టుడే: ప్రత్తిపాడు నియోజకవర్గం కాకుమానులో 20 మంది వాలంటీర్లు రాజీనామా చేసినట్లు పంచాయతీ కార్యదర్శి పూర్ణచంద్రరావు తెలిపారు. వారు రాజీనామా పత్రాలు ఇచ్చే సమయంలో బయట వైకాపాకు చెందిన నాయకుడు కూర్చుని వారితో మాట్లాడటం చర్చనీయంశమైంది. వారితో బలవంతంగా రాజీనామాలు ఏమైనా చేయించారేమో అని గ్రామంలో విమర్శలు వచ్చాయి.

 పెదనందిపాడు, న్యూస్‌టుడే :  పెదనందిపాడు మండలంలోని పలు గ్రామాలకు చెందిన 23 మంది వాలంటీర్లు శుక్రవారం రాజీనామా చేశారు. మండలంలో మొత్తం 232 మంది వాలంటీర్లు ఉండగా ఇప్పటికీ 72 మంది రాజీనామా పత్రాలు ఇచ్చారు.వ్యక్తిగత కారణాలతో రాజీనామా చేస్తున్నట్లు లేఖలో పేర్కొన్నారు. కొందరు వైకాపా నాయకులు ఒత్తిడి వల్లనే రాజీనామా చేస్తునట్లు ఆరోపణలు ఉన్నాయి.