పోటీ నుంచి తప్పుకునే ప్రసక్తే లేదు

భువనగిరి: భువనగిరి బరి నుంచి తాము తప్పుకునే ప్రసక్తే లేదని సీపీఎం కేంద్ర కమిటీ  సభ్యుడు చెరుపల్లి సీతారాములు స్పష్టం చేశారు. పోటీలో ఉండి కమ్యూనిస్టుల సత్తా ఏంటో చాటుతామని ఆయన స్పష్టం చేశారు. తమ ఏకైక లక్ష్యం మతతత్వ భాజపా పార్టీని ఓడించడమే అన్నారు. అదే సమయంలో ఎన్నికల సమయంలో కాంగ్రెస్ పార్టీ ఇచ్చిన 6 గ్యారంటీలను అమలు చేసేందుకు ఒత్తిడి తెస్తామన్నారు. మిగిలిన 16 లోకసభ స్థానాలలో ఇండియా కూటమి సభ్యులకు మద్దతు ఇస్తామని వెల్లడించారు. కాంగ్రెస్ హామీలను ప్రజలకు పట్టుబట్టి అందించేందుకు కమ్యూనిస్టులుగా ప్రయత్నం చేస్తామని వెల్లడించారు. ప్రజల కోసం పోరాటం చేసి పార్టీ సీపీఎం పార్టీ అని తెలిపారు.