రైల్వేస్టేషన్లలో సమాచార కేంద్రాల ఏర్పాటు

ఇచ్ఛాపురంలో రైలు కోసం వేచి ఉన్న ప్రయాణికులు

ఆమదాలవలస పట్టణం, ఇచ్ఛాపురం, పలాస న్యూస్‌టుడే: ఒడిశా రాష్ట్రం బాలాసోర్‌ సమీపంలో శుక్రవారం రాత్రి జరిగిన ఘోర రైలు  ప్రమాదం నేపథ్యంలో జిల్లాకు చెందిన ప్రయాణికులు ఉంటే, వారి క్షేమ సమాచారం తెలుసుకునేందుకు శ్రీకాకుళం రోడ్‌, పలాస రైల్వేస్టేషన్లలో సహాయక కేంద్రాలు ఏర్పాటు చేశారు. ప్రాణనష్టంతో పాటు చాలామంది క్షతగాత్రులు అయ్యారని వారి సమాచారం కోసం దిగువనిచ్చిన నంబర్లకు ఫోన్‌ చేయవచ్చునని అధికారులు తెలిపారు. చాలావరకు రైళ్లు రద్దు కావడంతో ఇతర ప్రాంతాలకు వెళ్లాల్సిన ప్రయాణికులు ఇబ్బందులు పడ్డారు.