పీలేరు బృందం, న్యూస్‌టుడే: ‘తెదేపా నుంచి వైకాపాలో చేరినవారు వారి పనులు చేసుకుని వెన్నుపోటు పొడిచి మళ్లీ తెదేపాకు వెళ్లిపోయారు. అలాంటివారు ఎన్నికల తర్వాత ‘ఫిష్‌ ఫ్రై’ అవుతారు’ అని మంత్రి పెద్దిరెడ్డి రామచంద్రారెడ్డి హెచ్చరించారు. సోమవారం మంత్రి పెద్దిరెడ్డి, ఆయన కుమారుడు, ఎంపీ అభ్యర్థి మిథున్‌రెడ్డి, ఎమ్మెల్యే అభ్యర్థి చింతల రామచంద్రారెడ్డిల ఆధ్వర్యంలో నియోజకవర్గంలో ప్రచారం నిర్వహించారు. ఈ సందర్భంగా మంత్రి ఇలా బెదిరించేలా మాట్లాడారు. దీనికి తోడు మైనారిటీ కమిషన్‌ ఛైర్మన్‌ ఇక్బాల్‌ అహ్మద్‌ఖాన్‌ రాజ్యాంగబద్ధమైన పదవిలో ఉంటూ ప్రచారంలో పాల్గొనడమే కాకుండా, మైకందుకుని మైనారిటీలంతా వైకాపాకే ఓటు వేయాలని ప్రసంగాలు చేశారు.