icon icon icon
icon icon icon

నల్గొండ

Published : 01 Apr 2024 16:53 IST

లోక్‌సభ నియోజకవర్గం

నల్గొండ లోక్‌సభ నియోజకవర్గం (Nalgonda Lok Sabha constituency) 1952లో ఏర్పడింది. మొదటి నుంచి జనరల్‌ కేటగిరిలో ఉంది.

లోక్‌సభ పరిధిలోని అసెంబ్లీ స్థానాలు: నల్గొండ, నాగార్జున సాగర్, దేవరకొండ, మిర్యాలగూడ, సూర్యాపేట, కోదాడ, హుజూర్‌నగర్ అసెంబ్లీ నియోజకవర్గాలు దీని పరిధిలో ఉన్నాయి.

2019 ఎన్నికల్ల కాంగ్రెస్‌ పార్టీ నుంచి పోటీ చేసిన ఉత్తమ్‌ కుమార్‌రెడ్డి విజయం సాధించారు. ప్రస్తుతం భాజపా నుంచి శానంపూడి సైదిరెడ్డి, కాంగ్రెస్‌ నుంచి రఘువీర్‌ కుందూరు, భారాస నుంచి కంచర్ల కృష్ణారెడ్డి పోటీలో ఉన్నారు.

భారాస ఇలా..

అధికారంలో కోల్పోవడంతో డీలా పడ్డ కార్యకర్తలను తిరిగి లోక్‌సభ ఎన్నికలకు సన్నద్ధం చేసేలా భారాస ఎత్తుగడలు వేస్తోంది. సామాజిక సమీకరణాల నేపథ్యంలో నల్గొండ నుంచి కంచర్ల కృష్ణారెడ్డిని బరిలోకి దింపింది.  నల్గొండ పార్టీ అభ్యర్థిగా ఎంపికైన కంచర్ల కృష్ణారెడ్డి నియోజకవర్గ పరిధిలోని పార్టీ మాజీ ఎమ్మెల్యేలను కలిసి తనకు మద్దతివ్వాలని కోరుతున్నారు.  పార్టీ అధినేత, మాజీ సీఎం కేసీఆర్‌ పలు ప్రాంతాల్లో పర్యటించి, స్వయంగా ప్రచారం చేసే అవకాశం ఉంది.

మరోసారి కాంగ్రెస్‌..

రెండు సిట్టింగ్‌ స్థానాలను నిలబెట్టుకోవాలనే లక్ష్యంతో అధికార కాంగ్రెస్‌ పార్టీ ప్రచార వ్యూహాలను సిద్ధం చేస్తోంది. నల్గొండ లోక్‌సభ స్థానానికి సీనియర్‌ నేత జానారెడ్డి తనయుడు రఘువీర్‌రెడ్డిని ప్రకటించింది.అభ్యర్థిగా ఎంపికైన రఘువీర్‌రెడ్డి ఇప్పటికే  నాగార్జునసాగర్‌, మిర్యాలగూడ నియోజకవర్గాల్లోని పలు ప్రాంతాల్లో పార్టీ కార్యక్రమాలకు హాజరవుతున్నారు. సీనియర్‌ నేత జానారెడ్డి సైతం ఉమ్మడి జిల్లా మంత్రులు కోమటిరెడ్డి, ఉత్తమ్‌లను కలిసి తన కుమారుడికి మద్దతివ్వాలని కోరారు.

కేంద్ర పథకాలతో భాజపా

నల్గొండ నుంచి అనూహ్యంగా టిక్కెట్‌ దక్కించుకున్న మాజీ ఎమ్మెల్యే శానంపూడి సైదిరెడ్డి నియోజకవర్గంలోని వివిధ వర్గాలతో సమావేశం అవుతూ భాజపాకు ఓటేయాలని కోరుతున్నారు. తాజాగా నల్గొండలో సామాజిక మాధ్యమాల కార్యకర్తలతో పాటూ సీనియర్‌నేతతో సమావేశమై గెలుపు వ్యూహాలను చర్చించారు. త్వరలోనే నియోజకవర్గాల వారీగా ప్రచార కార్యక్రమాలు ఉండేలా కార్యాచరణ రూపొందిస్తున్నారు.

  • గత ఎన్నికల్లో గెలుపొందిన అభ్యర్థుల వివరాలు
  • 1952(ద్వి): ఆర్.నారాయణరెడ్డి పీడీఎఫ్ వి.బి.రావు(కాంగ్రెస్)
  • 1957: (ద్వి)డి.వెంకటేశ్వరరావు పీడీఎఫ్ జి.ఎన్.రెడ్డి(కాంగ్రెస్)
  • 1960: (ఉ.ఎ) ఎం.పెద్దయ్య(కాంగ్రెస్)
  • 1962: రావి నారాయణరెడ్డి(సీపీఐ)
  • 1967: ఎం.వై.సలీం (కాంగ్రెస్)
  • 1971: కె.రామకృష్ణారెడ్డి (టీపీఎస్)
  • 1977: ఎండీ.అబ్దుల్‌లతీఫ్ (కాంగ్రెస్)
  • 1980: టి.దామోదర్‌రెడ్డి (కాంగ్రెస్-ఐ)
  • 1984: ఎం.రఘుమారెడ్డి (టీడీపీ)
  • 1989: చకిలం శ్రీనివాసరావు (కాంగ్రెస్)
  • 1991: బొమ్మగాని ధర్మబిక్షం (సీపీఐ)
  • 1996: బి.ధర్మబిక్షం (సీపీఐ)
  • 1998: సురవరం సుధాకర్‌రెడ్డి (సీపీఐ)
  • 1999: గుత్తాసుఖేందర్‌రెడ్డి (తెదేపా)
  • 2004: సురవరంసుధాకర్‌రెడ్డి (సీపీఐ)
  • 2009: జి.సుఖేందర్‌రెడ్డి (కాంగ్రెస్)
  • 2014: సుఖేందర్‌రెడ్డి (కాంగ్రెస్‌)
  • 2019: ఉత్తమ్‌కుమార్‌రెడ్డి (కాంగ్రెస్‌)
Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని