Rajeev Ratan: విజిలెన్స్‌ డీజీ రాజీవ్‌ రతన్‌ హఠాన్మరణం

హైదరాబాద్‌: విజిలెన్స్‌ డీజీ, సీనియర్‌ ఐపీఎస్‌ అధికారి రాజీవ్‌ రతన్‌ (Rajeev Ratan) కన్నుమూశారు. మంగళవారం ఉదయం ఆయనకు గుండెపోటు రావడంతో కుటుంబసభ్యులు నగరంలోని ఏఐజీ ఆస్పత్రికి తరలించారు. అక్కడ చికిత్స పొందుతూ తుదిశ్వాస విడిచారు. రాజీవ్‌ రతన్‌ గతంలో కరీంనగర్‌ ఎస్పీగా పనిచేశారు. పోలీస్‌ హౌసింగ్‌ కార్పొరేషన్‌ ఛైర్మన్‌గానూ బాధ్యతలు నిర్వర్తించారు. 

సీఎం రేవంత్‌ దిగ్భ్రాంతి

రాజీవ్‌ రతన్‌ హఠాన్మరణంపై సీఎం రేవంత్‌రెడ్డి సంతాపం వ్యక్తం చేశారు. ఆయన కుటుంబసభ్యులకు తన ప్రగాఢ సానుభూతి తెలిపారు. సమర్థంగా పనిచేసిన అధికారులను తెలంగాణ సమాజం మరిచిపోదన్నారు.