Kajal: టాలీవుడ్‌ హీరోలపై కాజల్‌ ఆసక్తికర కామెంట్స్‌.. ఎవరెవరి గురించి ఏమన్నారంటే

‘సత్యభామ’తో మొదటిసారి పోలీస్‌గా ఆకట్టుకోవడానికి సిద్ధమయ్యారు హీరోయిన్‌ కాజల్‌ అగర్వాల్‌. సుమన్‌ చిక్కాల దర్శకత్వంలో తెరకెక్కిన ఈ చిత్రం మే 31న ప్రేక్షకుల ముందుకురానుంది. ఈ నేపథ్యంలో కాజల్ వరుస ప్రమోషన్స్‌తో జోరు పెంచారు. ఇందులోభాగంగా తాజాగా ఇచ్చిన ఇంటర్వ్యూలో తన (Kajal Aggarwal) ఇష్టాయిష్టాలను పంచుకున్నారు. 

మీరు ఇప్పటివరకు చేసిన చిత్రాల్లో ఏదంటే ఇష్టం

కాజల్‌: ‘సత్యభామ’. నటీనటులు ఎవరైనా ప్రస్తుతం వాళ్లు చేస్తోన్న సినిమాను అమితంగా ఇష్టపడాలి. అందుకే నాకు ‘సత్యభామ’ అంటే ఇష్టం.

మీకు ఏ జానర్‌ చిత్రాలంటే ఇష్టం?

కాజల్‌: కామెడీ, రొమాన్స్‌ సినిమాలను ఇష్టపడతాను. ‘బాద్‌ షా’లో నా పాత్ర చాలా ఇష్టం. నేను ఇప్పటివరకు చేసిన సినిమాలోని పాత్రల పేర్లన్నీ గుర్తే.

మీరు, మీ అబ్బాయి ఒకే తేదీన పుట్టారు కదా ఎలా అనిపిస్తుంది?

కాజల్‌: మేమిద్దరం 19 తేదీన పుట్టాం. నేను జూన్‌ 19, మా అబ్బాయి ఏప్రిల్‌ 19. అది యాదృచ్ఛికంగా జరిగిందంతే. ప్లాన్‌ చేసుకోలేదు.

మీకు ఇష్టమైన డ్రెస్‌?

కాజల్‌: చీర కట్టుకోవడం ఇష్టపడతాను. మామిడి పండ్లంటే ఇష్టం. ఇప్పుడు సీజన్‌ కదా. ప్రతిరోజూ తింటున్నాను. ఒక్కోరోజు మూడు పండ్లు కూడా తినేస్తున్నా.

సోషల్‌ మీడియా ఎక్కువ వాడతారా?

కాజల్‌: చాలా తక్కువ వాడతాను. ఏదైనా ముఖ్యమైన విషయం ఉంటేనే పోస్ట్‌ చేస్తా.

లాంగ్‌ డ్రైవ్స్‌ ఇష్టపడతారా?

కాజల్‌: నో. నాకు ప్రయాణం చేయడం నచ్చదు. దానికోసం సమయం వృథా చేసుకోను. అందుకే విమానంలోనే ప్రయాణించడానికే ప్రాధాన్యమిస్తా.

టాలీవుడ్‌లో మీకు ఇష్టమైన నటీనటులు ఎవరు?

కాజల్‌: నాకు అందరూ ఇష్టమే. వాళ్లలో ఒక్కరు అని చెప్పలేను. 

టాలీవుడ్‌ హీరోలపై మీ అభిప్రాయం చెప్పండి?

కాజల్‌: ప్రభాస్‌- సినిమాలను ఎంపిక చేసుకునే విధానం చాలా బాగుంటుంది. పాన్‌ ఇండియా, గ్లోబల్‌ స్క్రిప్ట్‌లను ఎంచుకుంటాడు. మన సినిమాలకు అంతర్జాతీయస్థాయిలో గుర్తింపు తెచ్చాడు.
ఎన్టీఆర్‌- చాలా టాలెంటెడ్‌.
రామ్‌ చరణ్‌- ఆల్‌ రౌండర్‌. ప్రతి సినిమాకు ఎదుగుతున్నాడు.
మహేశ్‌బాబు- చార్మింగ్‌ పర్సన్‌.
అల్లు అర్జున్‌ - ప్రతి సన్నివేశంలో అద్భుతంగా నటిస్తాడు. ‘పుష్ప2’ కోసం ఎదురుచూస్తున్నా.
పవన్‌ కల్యాణ్‌- ఆయనతో కలిసి పనిచేసిన అనుభవాన్ని ఎప్పటికీ మర్చిపోలేను. 
చిరంజీవి- కంప్లీట్‌ ప్యాకేజ్‌. ఆయనతో కలిసి పనిచేసే అవకాశం రావడం నా అదృష్టం. 
బాలకృష్ణ- చాలా ఫన్నీగా ఉంటారు.