Puvvada: 2014లో మంత్రి పదవి ఇవ్వకపోతే తుమ్మల ఇప్పటికే రిటైర్‌ అయ్యేవారు: మంత్రి పువ్వాడ అజయ్‌

ఖమ్మం: కేసీఆర్‌ గురించి తుమ్మల ఇష్టారీతిన మాట్లాడటం బాధాకరమని మంత్రి పువ్వాడ అజయ్‌ అన్నారు. 2014లో మంత్రి పదవి ఇవ్వకపోతే తుమ్మల ఇప్పటికే రిటైర్‌ అయ్యేవారని విమర్శించారు. ఖమ్మంలో నిర్వహించిన మీడియా సమావేశంలో మంత్రి మాట్లాడారు. కేసీఆర్‌కు తుమ్మల మంత్రి పదవి ఇప్పించారనేది హాస్యాస్పదమన్నారు.

Thummala Nageswara Rao: కేసీఆర్‌కే నేను మంత్రి పదవి ఇప్పించా

‘‘పదవుల కోసం తుమ్మల దిగజారారు. కేసీఆర్‌, తుమ్మల ఒకేసారి రాజకీయాల్లోకి వచ్చారు. తుమ్మలపై ఆధారపడి కేసీఆర్‌ అధికారంలోకి వచ్చారా? కేసీఆర్‌ వల్లే మీకు మంత్రి పదవి వచ్చింది. మీ ఓటమికి ఉపేందర్‌ రెడ్డికి డబ్బులు ఇచ్చినట్లు ఆరోపిస్తున్నారు. టికెట్‌ ఇచ్చి ఓటమి కోసం డబ్బులిస్తారా? మీకు టికెట్‌ ఇచ్చి ఉండకపోతే సరిపోయేది కదా? తుమ్మల ఎప్పుడూ జైతెలంగాణ నినాదం చేయలేదు. ఆ నినాదం చేసినవారిని జైలు పాలు చేశారు’’ అని పువ్వాడ అజయ్‌ అన్నారు.