Jasprit Bumrah : భారత్ సృష్టించిన గొప్ప బౌలర్.. బుమ్రాపై ఇంగ్లాండ్ మీడియా ప్రశంసలు
టీమ్ఇండియా స్టార్ పేసర్ బుమ్రా(Jasprit Bumrah) ప్రతిభను ఇంగ్లాండ్ మీడియ ఆకాశానికెత్తింది. అతడు అద్భుతమైన బౌలర్ అంటూ కొనియాడింది.
ఇంటర్నెట్ డెస్క్ : విశాఖ వేదికగా జరిగిన రెండో టెస్టు(IND vs ENG)లో ఇంగ్లాండ్పై టీమ్ ఇండియా(Team India) ఘన విజయం సాధించిన విషయం తెలిసిందే. బజ్బాల్ ఆటతో ప్రత్యర్థి కంగారు పెట్టినా.. ఆ జట్టును మన బౌలర్లు కట్టడి చేసిన తీరు అద్భుతం. ముఖ్యంగా స్టార్ పేసర్ బుమ్రా(Jasprit Bumrah) మొత్తం 9 వికెట్లు తీసి.. విజయంలో కీలక పాత్ర పోషించాడు. సిరీస్ను 1-1తో సమం చేయడంలో ముఖ్య భూమిక పోషించిన అతడిపై ప్రశంసలు వెల్లువెత్తున్నాయి. అతడి ప్రతిభను ఇంగ్లాండ్ మీడియా మెచ్చుకుంది.
బుమ్రా బంతులకు తమ వద్ద సమాధానమే లేనట్లుగా.. ఇంగ్లాండ్ బ్యాటర్లు వెనుదిరిగారు. ముఖ్యంగా కెప్టెన్ బెన్స్టోక్స్ అతడి బంతిని ఎదుర్కోలేక.. ఔటైన అనంతరం బ్యాట్ కిందపడేసిన విషయం అందరికీ గుర్తుంటుంది. మ్యాచ్ అనంతరం స్టోక్స్ కూడా బుమ్రాను అద్భుతమైన బౌలర్గా పేర్కొన్నాడు. టీ20 క్రికెట్ నుంచి అతడు ఎదిగిన తీరుపై ఇంగ్లాండ్ మీడియా ప్రశంసలు కురిపించింది.
‘‘టీ20 క్రికెట్ ప్రపంచంలోనే అత్యుత్తమ టెస్టు బౌలర్గా బుమ్రాను సృష్టించింది. మలింగా నుంచి బుమ్రా ఎంతో నేర్చుకున్నాడు. టెస్టు క్రికెట్లో గొప్ప ప్రభావాన్ని చూపించడానికి అతడి వైట్ బాల్ నైపుణ్యాలను ఉపయోగిస్తున్నాడు’’- ది టెలిగ్రాఫ్
‘‘బుమ్రా బౌలింగ్తో నెక్స్ట్ టైమ్ తెల్లవారుజామున 4 గంటలకే అలారం మోగుతుంది’’-బీబీసీ
‘‘అతడు ఆటలో దిగ్గజం. భారత్ సృష్టించిన గొప్ప సీమర్. సీమ్ బౌలింగ్ గొప్ప కళ. భారత పిచ్లపై మ్యాజిక్ చేయడం ఇంకా కష్టం’’ -ఇండిపెండెంట్ యూకే.
‘‘బుమ్రా ప్రపంచస్థాయి బౌలర్. రివర్స్ స్వింగ్తో అతడు సాధించిన వికెట్లు అద్భుతం’’-ది డెయిలీ మెయిల్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
చెన్నైకి పంజాబ్ పంచ్
పంజాబ్ కింగ్స్ అదుర్స్. వరుసగా నాలుగు ఓటముల అనంతరం కళ్లు చెదిరే బ్యాటింగ్తో గత మ్యాచ్లో కోల్కతాపై సంచలన విజయం సాధించిన ఆ జట్టు.. మరోసారి మెరిసింది. ఆల్రౌండ్ ఆధిపత్యంతో చెన్నై సూపర్కింగ్స్కు షాకిచ్చింది. -
రస్మలై, బిర్యానీ మానేసి.. 16కిలోలు తగ్గి..
రిషబ్ పంత్.. పునరాగమన హీరో. ఘోర ప్రమాదంలో తీవ్రంగా గాయపడి ఇక మామూలుగా నడవడమే కష్టమనుకున్న దశ నుంచి, కెరీరే లేదనుకున్న స్థితి నుంచి కోలుకుని.. తిరిగి భారత జట్టులో చోటు సంపాదించడం ఎంతో స్ఫూర్తిదాయకం. -
రాజస్థాన్ను అడ్డుకునేనా?
వరుసగా నాలుగు విజయాలు.. రికార్డు స్కోర్లతో ఐపీఎల్లో జోష్ తీసుకొచ్చిన సన్రైజర్స్ హైదరాబాద్ ఒక్కసారిగా ఢీలాపడింది. వరుసగా రెండు పరాజయాలతో ప్రత్యర్థి జట్లకు కనీస పోటీ ఇవ్వలేని పరిస్థితికి చేరుకుంది. -
రింకు నిరాశ
మంచి ఫినిషర్గా పేరు తెచ్చుకున్న రింకు సింగ్ను టీ20 ప్రపంచకప్కు ఎంపిక చేయకపోవడం అభిమానులు, క్రికెట్ నిపుణులను షాక్కు గురి చేసింది. -
పోరాడి ఓడిన భారత్
థామస్ కప్ బ్యాడ్మింటన్ టోర్నీ చివరి లీగ్ పోరులో భారత జట్టుకు చుక్కెదురైంది. ఇప్పటికే క్వార్టర్ఫైనల్లో అడుగుపెట్టిన భారత్.. గ్రూపు-సి ఆఖరి పోరులో 1-4తో ఇండోనేసియా చేతిలో ఓడింది. -
న్యూయార్క్కు పిచ్ల తరలింపు
టీ20 ప్రపంచకప్ ఆతిథ్యం కోసం అమెరికా ముస్తాబవుతోంది. న్యూయార్క్లో జరిగే మ్యాచ్ల కోసం డ్రాప్ ఇన్ పిచ్లను సిద్ధం చేస్తున్నారు. -
ఆసీస్ జట్టులో స్మిత్కు దక్కని చోటు
టీ20 ప్రపంచకప్లో పోటీపడే ఆస్ట్రేలియా జట్టును బుధవారం ప్రకటించారు. మిచెల్ మార్ష్ నేతృత్వంలోని 15 మంది సభ్యుల జట్టులో వెటరన్ బ్యాటర్ స్టీవ్ స్మిత్కు స్థానం దక్కలేదు. -
భారత జట్టుకు పారిస్ బెర్తే లక్ష్యం
పారిస్ ఒలింపిక్స్లో భారత రికర్వ్ జట్టు అర్హత సాధించాలని లక్ష్యంగా పెట్టుకున్నట్లు భారత ఆర్చర్ బొమ్మదేవర ధీరజ్ అన్నాడు. వ్యక్తిగత విభాగంలో ధీరజ్ ఒక్కడికే పారిస్ బెర్తు దక్కింది. -
మిగతా ఐపీఎల్కు మయాంక్ అనుమానం
ప్లేఆఫ్స్ గడువు సమీపిస్తున్న సమయంలో లఖ్నవూ సూపర్ జెయింట్స్కు పెద్ద ఎదురుదెబ్బ. యువ పేస్ సంచలనం మయాంక్ యాదవ్ మిగతా ఐపీఎల్కు అందుబాటులో ఉండటం అనుమానంగా కనిపిస్తోంది.