Viral Video: బైక్‌పై ఎద్దుతో రయ్‌..రయ్‌..

ఓ వ్యక్తి ఎద్దును తన బైక్‌పై తీసుకెళ్తున్న వీడియో సామాజిక మాధ్యమాల్లో వైరల్‌గా మారింది. ఈ వీడియోలో ఓ వ్యక్తి తన బైక్‌పై ఎద్దును ముందు కూర్చోబెట్టుకుని వేగంగా నడుపుతున్నాడు. అంత వేగంతో వెళ్తున్నా ఆ ఎద్దు.. ఎటూ కదలకుండా ముందు కూర్చుని అటూ ఇటూ చూస్తోంది. ఈ వీడియోను ఓ కారు డ్రైవర్‌ తన మొబైల్‌లో రికార్డ్‌ చేశారు.ఈ వీడియోను నరేశ్‌ బహ్రెయిన్‌ అనే వ్యక్తి తన ఎక్స్‌(ట్విటర్‌) హ్యాండిల్‌లో పోస్ట్‌ చేశాడు. ఈ వీడియోను ఇప్పటివరకు రెండు లక్షల మందికిపైగా వీక్షించారు. ఇది నైజీరియాలో జరిగి ఉంటుందని.. అక్కడి ప్రజలే ఇలాంటి వింత పనులు చేస్తారంటూ కొందరు నెటిజన్లు స్పందించారు.